قصة قريبتي اللي تزوجت واحد اصغر منها ب12سنه اللي قلبه ضعيف لايدخل

بنات والله العظيم القصه حقيقيه 
وحده من جماعتنا تزوجت واحد اصغر منها بتقريبا 12 سنه وزوجها بعد من جماعتنا بس عاشوا بحب وتفاهم ولكن زوجها كان عنده مشاكل ولايخلف بعد زواج دام 10سنوات قال له ابوه تزوج وحده صغيره وارجع عالج يمكن يرزقك الله قال الزوج والله ماتنزل دمعة فلانه بسبتي لو عمري ماعرفت العيال طول عمري وقال هذي زوجتي وصديقتي وكل شي بالنسبه لي ولا احد يفهمني الا هي 
زوجته ماعندها اخوان كلهم بنات هم ساكنين في قريه قام بنى بيتهم جنب بيت اهلها عشان ماعندهم اخوان وابوها كبير والله يابنات لو كان لهم اخ شقيق مايطلع ابر واحن منه عليهم واذا انخطبت وحده من خواتها ياخذها للاسواق ويقضي لها مع العلم ان اقرب سوق لهم يبعد80 كيلوا تقريبا ابوهم اذا عزم مايسوي شي هو اللي ياخذ الذبيحه ويستقبل الضيوف وكل شي وابوها جالس في المجلس ولو كان عنده ولد ماصار بار فيه مثل هذا كله من حبه لزوجته وعشان تكون راضيه قعد على ذا 10سنوات دون ملل او تذمر حبته زوجته لحد الجنون يوم جا شهر 8اللي فات قال لها باودي شغالت اهلك للرياض واجيب لهم بالشهر واذا رجعتالقاك جاهزه بنسافر لمكه والطايف راح من عندها يابنات وماعاد رجع مات بحادث يوم زرناها العيد عشان نواسيها بعد مامر على موته اكثر من شهر الا هي يابنات بتموت من الحزن صارت كانها مومياء وتقول لا احد يقول لاتبكين كان لي الزوج والحبيب والاخ والصديق ماراح اعترض على امر الله ولا راح انوح لكن بابكيه لحد ما اموت وراه 




يالله ادعوا لها بالثبات والصبر على فكره يوم مات عمره 35 وهي تقريبا 48