اليوم كنا قاعدين انا وخالتي عم نحكي شوي وحكتلي قصص كثير حزينة عن نسوان كانت بتعرفهم حبيت ادرج لكم قصةلوحدة كانت
جارة خالتي كانت متزوجة رجال كثير آدمي حلو وسيم عم تقول خالتي شكله بيجنن كان بيموت بزوجته وهي تموت فيه عندهم بنت وصبي عايشين احسن عيشة والمراة كثير حلوة يعني كلو على بعضو حلو.
عم تقول خالتي كثير ناس كانو يحسدوهم على العيشة اللي كانو عايشينها والحب اللي كان بيناتهم بيتقول مستحيل تنتهي هديك المعزة.
وتحت العمارة كانت هنيك كوافيرة قصدي حلاقةكانت تروح لعندها المراة وكانو كثير اصحاب متفاهمين والكوافيرة كانت تعرف كلشي عن المراة وزوجها يعني بيعرفو بعض منيح .
وفجاة وبلا مقدمات الرجال تغير !!!!!!!!
شو صار ؟؟ صاير عصبي كثير عطول خناق مع مرتو عطول عياط كلشي تغير بحياتهم صار الرجال بدو يتزوج ويطلق مرتو المراة المسكينة قالتلو انها راضية يتزوج عليها بس ما يطلقها الرجال رفض بيقوللها انا كارهتك ما بدي ياكي حللي عني .
وبيوم من الايام دخل الرجال معه وحدة مراة للبيت وقام وشحط مرتو وولاده للشارع المراة عم تترجاه وتبكي رجعني رجعني
هو بيقوللها انتي طالق بررا لبررا راحت المسكينة وما معها حتى ثيابها وما في بجيبتها ولا فلس بس المفاجاة كانت انو المراة اللي دخلها عبيتها كانت الكوافيرة بتاعتها تزوجت زوجها وطلعتها برا البيت مشان يخلالها الجو مع زوجها
ومرت الايام والسنوات وخالتي كانت طالعة عالسوق تتسوق وشافت شحادة معها ولدين بنت وصبي قاعدة وحالتها حالة عم تتسول عالناس ولما اطلعت عليها واطلعت لقتها هي نفسها جارتها وقالت لها شو بكي ليش صرتي هيك شو صار لك والمراة حكتلها القصة اللي كتبتها فوق وتقول الدموع ملت عيونها وخالتي انقهرت عليها وما رضت لها هيك وراحت ركض على زوجها (اللي كان زوجها ) وبهدلتو وقالت لو كيف بيسمح لك ضميرك تعيش مرتاح وولادك عم يشحدو بالشوارع كيف ايلك قلب تعمل هيك بمراة هي ام ولادك المهم شرحتو خالتي قالت لو روح شوف بعينك كيف صاروا ولو مو ندمان على اللي عملتو يبقى انت مو بشر .الرجال تدكر اولادو وتدكر كلشي كانو فاق من نومة سنين وراح ركض مع خالتي ليشوف ولادو ووقفو من بعيد وقالت لو خالتي هنيين هدول اللي قاعدين هنيك شفتهم؟؟
الرجال قاللها معقول هدول ولادي وين كنت انا وين كنت عايش انا وراح ركض عم يناديهم محمممممد سااااااااااارة وينادي وينادي الولاد شافو ابوهم وهما التانيين ايجو ركض للابوهم وكانت الصاعقة
ايجت شاحنة كبيرة ودهست الاولاد وماتو اثنيناتهم والرجال من هول الصدمة انشل بمكانو وصار مشلول
مرتو تركتوا خدتلو فلوسه وكلشي وشحطتو من البيت والمراة جارة خالتي خدتها خالتي لعندها وبعدين صارت عم تشتغل ببيت ناس كثير طيبين وبيعاملوها كثير منيح .
ما قدرت اكتب لكم القصة بالطريقة اللي كانت عم تحكيلي ياها خالتي اللي بكتني كثير بس حبيت انقلها لكم
ولا حول ولا قوة الا بالله
samara 2 @samara_2_1
محررة
يلزم عليك تسجيل الدخول أولًا لكتابة تعليق.
ميان*قلب الورد*
•
لاحول ولاقوة الا بالله
الصفحة الأخيرة