ترآتيل الصمت @tratyl_alsmt
محررة برونزية
قصة مرأه مع زوجها ورد الشاعر عليها
هذا موضوع بنت بأحد المنتديات حزنتني مررره وفيه شاعر لما قرا موضوعها كتب عنها قصيده
قصتها
" انا ماعندي عيال
جلست خمس سنين احاول الحمل واحاول وماقدرت .. يأست وفقدت الامل خلاص
و تأخرت الدورة قلت عادي ليه افرح حبيبي وبعدين اكسر بخاطره
وفي يوم كان عنده زوج واحد من قرايبه بمدينة ثانية استغليت الفرصة ورحت الدكتورة وكانت المفاجئة اني حامل
رجعت البيت احترت اتصل عليه او لا !!
انا عارفة انه راجع بعد الفرح يعني بالليل بيكون موجود خلاص اجهز المفاجئة .. صلحت البيت وجهزتة وسويت كيكة وحطيت فيها ثلاث شمعات.. اكيد بيستغرب من الثلاث شمعات !! ثلاث لان الدكتورة قالت شافت ثلاث اكياس يعني بعد صبر 5 سنين ربي بيرزقني بثلاث توائم..
دق الجوال حبيبي يقول مو جاي ممكن يبات عندهم.. زعلت وحاولت معاه بكيدي وطبعا ماخربت المفاجأة واقنعته يجي طيران عندنا ليلة رومانسية اليوم واحلي مفاجأة
اه ياقلبي ليتني خليته يبات اكيد انا السبب مارجع البيت ابد......
صار له حادث ومات علي طول .. تخيلو علي الرغم من ان الحادث مأساوي لكن جسمه ماصار له شئ غير خدوش بسيطة طبعا الحادث بسبب السرعة
انا اللي قتلته .. انا السبب انه مايفرح بعياله مات وهو مايدري بوجودهم من الاساس.. احس اني مااستحق الحياة
اكيد انا السبب
هو ماكان راجع لولا الحاحي عليه لولا اني شوقته لهالليلة ماكان يسرع
لو خليت المفاجئة مرة ثانية... لو خليته يروح معاي الدكتورة ويسمع منها.......لو اخترت توقيت ثاني.. لو لو لو لو
راسي بينفجر خلاص
بعد وفاة زوجي انتقلت من بيتي ورحت عند اهلي بس شرطت تكون لي غرفة لوحدي وجزاه الله خير اخوي ماقصر رغم ان اخواتي كانو معترضين.. المهم جبت غرفة نومي وكل الاثاث المميز عند زوجي واللي كان يحبه ورتبته بالغرفة حتي لون الغرفة سويته ليموني زي غرفتي ببيتي صار كل جزء منها يذكرني فيه حتي كاس الشاي حقه جبته معاي.. كنت ابكي طول اليوم احس دموعي خلصت صرت ابكي بدون دموع عيوني فيها جفاف وحرقان من كثر البكاء..
توقعت اني بكون كذا مرتاحة بس يابنات احس تعبت بزيادة طيفه مايفارقني .. اشوفه بكل مكان ..
احس شئ بعقلي..
يعني انام والله احس انه ماسك بطني . اقسم بالله احس بحرارة يده ببطني
ماابغي احد من اخواتي يدخل الغرفة ولا ابغي انظفها ابغي ريحته تبقي فيها.. قبل يومين اختي اخذت المنشفة تغسلها اقسم بالله يوم فقدتها كأني فاقدة عقلي رحت لاختي زي المجنونة اتخاصم معاها طبعا تطاولت علي بالكلام تتهمني اني مجنونة ووسخة المنشفة ماتغسلت لها 3 شهور
بس هذي منشفه الغالي كل يوم الفجر اعطيه ينشف فيها قبل يروح المسجد كيف افقد ريحتها ؟؟ كيف؟؟
حتي حملي احيانا اقول هو السبب بفقداني زوجي.. وارجع اقول هم من ريحة الغالي
الله المستعان والله احس مابيني وبين الجنون الا شعرة حتي حملي الدكتورة قالت في واحد نموه اقل من اخوانه
ادعولي بنات ادعولي
بفقد عقلي ماني متصورة الحياة بدونه حاسة عقلي بيوقف عن التفكير وعيوني بتجمد مكانها حاسة بركان داخلي بينفجر
اشم ريحته بكل مكان اشوف طيفه احس بوجوده لدرجة اشك انه مات
مر ثلاث شهور وكل دقيقة انتظر اتصاله او دخلته علي
اتصل علي جواله واستناه يرد"
من خلال ردودها شفت تطورت مشكلتها وفقدت اللي ببطنها
الشاعر / زياد زيد البقمي قرا موضوعها بالمنتدى وكتب عنها قصيده
خامس سنه مرت ولا جابت اطفال
.............................. .......تحلم بلفـة طفلهـا فـي مهـاده
رضيت بامر ربي وباقي لها امـال
.............................. ......على رجـا الله والدعـا والعبـاده
لين تعبت من كثرة القيل والقـال
.............................. ...تخاف قطع الحبـل بعـد انشـداده
وفي يوم كان الهم في قلبها جبال
.............................. ....شكت بعلم وقالـت ابغـى وكـاده
ويوم فحصت قالو لها ماطيب الفال
.............................. .ببطنك ثلاث اطفال حسب الافـاده
دمع الفرح من فوق وجناتها سال
.............................. ..بغت تطير من الفرح في العيـاده
وقالت عسى زوجي بجواله ارسال
.............................. ........وابشـره انـه بيتحقـق مـراده
زوجٍ وفي طيـب ولا كـل رجـال
.............................. .......الله عطاه مـن الرجولـه زيـاده
باملا عليه البيـت بنـات وعيـال
.............................و الصبر خمس سنين يلقى حصاده
وقبل تكلـم سيـد البيـت جـوال
.............................. ......تراجعت عن رايهـا فـي ركـاده
وقالت باحط مفاجأه مالها امثـال
.............................. ...لا من حضر عندي بافـرح فـؤاده
وشرت حلا وورود بانواع واشكال
.............................. .....احلا خبر تبغـى تسـوي عيـاده
والزوج قال لها ترى عندي اشغال
.............................. ........والظاهـر انـي باتأخـر زيـاده
قامت تحـاول تقنعـه بالتحيـال
.............................ب اسلوبها اللي يستحـق الاشـاده
قالت تعال ارجوك تعـال فالحـال
.............................ي الغالي اللي جـوف قلبـي وداده
وافق وجا مسـرع بليـا تمهـال
.............................. ........سرعـه جنونيـة بليـا هــواده
وقامت تاماوج به من الجال للجال
.............................. ......وحـاول يعدلهـا بكـل اجتهـاده
والسيطره تصعب على مثل ذالحال
.............................. ....لو كان سـواق ويجيـد القيـاده
والحادث اللي كل من جاه يهتـال
.............................ح ادث شنيع ووالـي الكـون اراده
انهى حياته بامـر عـلام الآجـال
.............................. .....يالله جعلـه ناطـقٍ بالشـهـاده
والزوجه الي تنتظر منـوة البـال
.............................. ...ومن الفرح ماعـاد فيهـا جـلاده
قامت تجوب البيت باقفاي واقبـال
............................تن ظر وصوله في سرور وسعـاده
جاها الكلام يزلزل النفـس زلـزال
..........................والي وم الابيض شافت اول سـواده
قامت تصيح وتبكي وتندب الحـال
............................يا ليلها القاسـي وماكبـر هجـاده
ماعـاد فيهـا للمصيبـه تحمـال
.............................ا ستسلمـت للهم مـن غيـر اراده
مرت بها ساعـات وايـام وليـال
.............................. .....والهـم عيـا لا يخـف ازديـاده
الله ياكم ليل فيـه السهـر طـال
.............................. تخيله والـراس فـوق الوسـاده
عاشت على ذكراه والدمـع همـال
.............................. .مع كثر نزفـه مايخلـص مـداده
والحمل جاب لها مشاكل وغربـال
............................لي ن اجهضت قدام وقـت الـولاده
والبيت ودعتـه بحـزن وتويـال
.............................. وانا اشهد انها ما عليهـا نقـاده
بعد حياة العـز عاشـت بـالاذلال
..........................وبعد السعد عاشت بهـم ونكـاده
لو كان ابوها حي واخوانها ابطال
.............................. ..منهو يعوضهـا حيـاة السيـاده
صارت بلا زوج وبلا فرحة اطفال
..........................ماعا د تحلم بالطفـل فـي مهـاده
صارت تعيش الهم مع موت الامال
.............................. ادعولها يانـاس وقـت العبـاده
عواقب السرعه مصائب وأهـوال
.............................. مير انتبه ياللـي تجيـد القيـاده
:icon33:أرجوكم لا تصيحو مثلي لأني مت من الصياح عليها :icon33:
23
2K
يلزم عليك تسجيل الدخول أولًا لكتابة تعليق.
لاحول ولاقوة الابالله الله يصبرها ان شاء الله ويرحم زوجها ويعوضها واحد احسن منو يارب ويجعل اطفالها طيور بالجنة ويشفعولها يالله هي وزوجها
لاحـول ولاقـوه الا بـ الله .. الله يـرحمـو ويـصبرهآ عن جـد قـصه تـحزن حـيييل .. بس هـذ’آ أمر الله ..
ياااااااااربي وش ذي القصص اللي تقطع القلب
انا لله والله يصبرها
لا اله الا الله
********
عصافيري بدت تكبر وتطلع من القفص
http://forum.hawaaworld.com/showthread.php?t=2936173
معاقه .. حتى انا اتوق للامومه
http://forum.hawaaworld.com/showthread.php?t=2943916
احتواء لم اطلبه لأني لم افتقده
http://forum.hawaaworld.com/showthread.php?t=2943916
جنين يتكلم
http://forum.hawaaworld.com/showthread.php?t=2946601
يشرفني زيارتكم لمشاركاتي
انا لله والله يصبرها
لا اله الا الله
********
عصافيري بدت تكبر وتطلع من القفص
http://forum.hawaaworld.com/showthread.php?t=2936173
معاقه .. حتى انا اتوق للامومه
http://forum.hawaaworld.com/showthread.php?t=2943916
احتواء لم اطلبه لأني لم افتقده
http://forum.hawaaworld.com/showthread.php?t=2943916
جنين يتكلم
http://forum.hawaaworld.com/showthread.php?t=2946601
يشرفني زيارتكم لمشاركاتي
الصفحة الأخيرة
لك الحمد ولك الشكر ،،