/////قصة مشوقه بقلمي بعنوان (كيد النساء لوين يودي )//////

*** السلام عليكم ***



كيف حالكم والله اشتقت لكم كثير وايد برشا برشا <مسويه فيها تعرف لغات خخخخ وشتقت لردودكم الحلوة وكتبت
لكم قصه من تأليفي من نسج خيالي أتمنى تعجبكم مثل
القصص إلي قبلها واليوم جبت لكم قصه مختلفة شوي
لكنها مليئه بالأحداث المشوقة وفيها أكشنات كثيرة أتمنى تعجبكم
وهذا رابط قصتي ألا خيره إلي ما شافتها وفيها كل
قصصي

/////نعمه مالها ثمن ///قصه مشوقه ومثيره بقلمي////

لكني محلل ولا أبيح إلي تأخذ قصتي وتنسبها لنفسها إلي
تبي تأخذها تقول منقولة وتذكر اسمي
والحين تفضلوا حياكم بخليكم مع بطلة القصة هي تقولكم

***البارة الأول ***
****************
*********************

أنا أميره بقولكم قصتي من البداية كنت طالبه
متفوقة في دراستي ما كنت اهتم لا في زواج ولا غيره ما يشغلني إلا دراستي وفعلا نجحت وجبت نسبه عاليه دخلت فيها ألجامعه وتخرجت وصرت مدرسه أول سنه وثاني سنه كنت فرحانة بالتدريس لكن بعد ها صرت أشوف صديقاتي يتزوجون وحده ورى الثانية وبنات عمي وخالتي إلي قدي والي اصغر مني خفت إن محد يتقدم لي
وصرت ادعي وبموت واحد يطق بابنا عشان يخطبني لحد
ما صار عمري 28 سنه وأنا ألاقي نغزات من فلانة و علانة
كأن الزواج بكيفي لحد ما في يوم جت أمي وقالت لي :
******************
أم أميره : أميره شوفي أبوك يبي يكلمك في موضوع مهم
***************
أميره : خير يمه وش يبي أبوي
*******************
ألام : روحي له وهو يقولك
**********************
وفعلا رحت له وقلت له
*******************
أميره : هلا يبه أمي تقول انك تبيني في موضوع
****************
الأب : تعالي اجلسي يا بنتي في واحد متقدم لك يبي يخطبك
بس هو متزوج وعنده زوجتين وأنتي الثالثة وحده هي أم عياله وحده ما تجيب عيال وهو عمره 47موظف في شركت ابن أخوه وظيفه زينه بس أنا بصراحة كنت بقوله لا ما حنا موافقين لكن قلت أشاورك بالأول هذه حياتك بس بصراحة أنا ما ودي انك تتزوجينه أنتي بنت منتي مطلقه ولا أرمله ومدرسه ومنتي مجبورة تأخذينه لكن الأمر بيدك مراح أرغمك على شيء أنتي فكري وردي علي
********************
فكرت وفكرت طول الليل وفي الصبح قررت
**************
أميره : يمه تراني فكرت في موضوع العريس وووو
وأنا موفقه عليه
****************
الأم : أنتي مهبوله وش تبين فيه متزوج ثنتين وعنده عيال أربع ولا بعد بيسكنك معهم في نفس البيت وش الله حادك تخذينه ما أنتي مجبورة
*****************
أميره : يمه أنا عمري الحين 28 يعني ما ني صغيره أخاف ارفضه وما يجبني غيره وأتندم وساعتها ما ينفع الندم
*******************
الأم : وش ها الكلام حتى لو ما أعرستي أهون من ها ألزواجه إلي مدري كيف صا يره لالا أنا ماني موافقة
ومستحيل نزوجك له ليه بيعينك إحنا
********************
أميره : يمه عشان خاطري تكفين وافقي أنا ما عندي مانع وهذي حياتي وأنا مسئوله عنها
**********************
الأم : خلاص يعني كبرتي وماصرتي تخذين رأي أمك افا بس عليك أول مره ماتسمعين كلامي
**********************
أميره : وأنا ابكي يمه تكفين تكفين لا تزعلين هذه راسك و أبوسها ما ودي أزعلك لكن أنتي فكري فيني صديقاتي كلهم
تزوجوا وبنات خالتي وبنات عمي مابقى ألا أنا ألي ما تزوجت منهم حتى بنات خالي إلي اصغر مني تزوجو يمه الله يخليك وافقي أنا صرت اكره حتى اطلع عند احد عشان ها السالفة الله يخليك يمه قدري ظروفي
*****************
الأم : لا حول ولا قوة إلا بالله يا بنتي إن شاء الله بيجي لك
أحسن منه أنتي توك صغيره
********************
أميره : وين صغيره 28 سنه صغيره والله كبيره مره بعد أخاف ما يجي غيره
******************

الأم : خلاص عاد أنا قلتها كلمه إن آخذتيه لا أنتي بنتي ولا أعرفك
******************
بكيت لحد ما قلت بس لكني ما يئست رحت لأختي نورة المتزوجة وقلت لها اعرف أنها هي الوحيدة إلي تقدر تقنعها
وفعلا كان ظني في محله أقنعت نورة أمي وافقت لكنها ما كنت راضيه بس وافقت مجبره المسكينة وتم الزواج
وفي يوم الزواج دخلت بيتي قصدي بيت العائلة
ودخلت غرفتي وقال لي :

احمد زوج أميره: شوفي يا أميره إذا تبين تعيشين معاي وتعمرين مالك دعوه في زوجاتي الثنتين لا تتحرشين فيهم وان أذوك طنشيهم ولا كأنك تسمعينهم أنا ترى مو ناقصني عيال أو جمال بتشوفين زوجاتي مو ناقصهم لا جمال ولاشيء لكن آنا أتزوج أبي استأنس وانبسط أنا أبي ألاقي راحتي عندك وإذا سويتي كذا بتقدرين تكسبيني وعيالي أبيك تحبينهم كأنهم عيالك وبحطك فوق راسي
********************
أميره : طيب لا تخاف بحطك بعيوني وزوجاتك مالي فيهم أنت أهم شيء عندي
*********************
احمد : ايوا كذا تعجبيني الحين خذي هذه ألحبه كوليها
**********************
أميره : حبه ليش هذه الحبة حقت ايش
*********************
احمد : لا تخافين هذه حبوب منع الحمل كليها مؤقت عشان تعرفين أحنا عرسان ومانبيك تحملين الحين لاحقين البزارين وغثاهم
**************************
أميره : أخاف تضرني
*********************
احمد : لالا ما تضر كليها ولا تخافين كلها كم شهر بس
********************
وفعلا أكلتها وفي الصبح أخذت شور ولبست لبس ناعم
بسيط جدا وانتظرته في الغرفة عشان نروح المطار لانا بنسافر شهر العسل وأول ما دخل قالي :
********************
احمد : هلا أموره أنتي جاهزة
*******************
أميره : ايوا جاهزة من بدري و الشنط جاهزة يالله البس
العبايه
******************
احمد : ما تبين تسلمين على زوجاتي قبل نروح وتتعرفين
عليهم
*****************
أميره : عاد الحين وحنا بنسافر خلها أذا رجعنا أتعرف عليهم على رواقه
*******************
احمد : بس كلها خمس دقيق لأني أصلا بسلم عليهم
وبعدبن أخاف يشيلون عليك يقولون سافرت وما سلمت
حتى علينا لا تنسين إنكم بتعيشون في بيت واحد
*****************
أميره : خلاص إلي تشوفه يا لله نسلم عليهم ما عندي مانع
حسيت بخوف وجسمي ينتفض ما دري كيف هم ولا كيف يقابلوني لكني قويت قلبي ونزلت معاه الدرج
********************
كانوا كلهم جالسين في الصالة وقال :
احمد: هذه الجوهرة أم عبد الله زوجتي الأولى وأم عيالي
وقال لها هذه أميره
*************
قامت أم عبد الله وكانت جالسه ترضع ولدها صغير حطته
على الأرض وقامت تسلم علي كانت لابسه قميص بيت عادي مشجر وكانت مملحوه لكن شكلها عادي وقالت يا هلا والله بأميره كيف حالك كيف حال الوالدة واهلك عساهم بخير
***********************
أميره : سلمت عليها وقلت لها بخير عساك بخير وعيوني طايره حسيت كأني زوجت جارهم مو زوجت زوجها ما عندها أي مشكله ولاهتمت صراحة استغربت ويمكن بين علي فقال احمد
*******************
احمد: هههههههه هذه أم عبدا لله شفتيها ما يهمها تزوجت أو
ما تزوجت عادي عندها ما عندها مشكله
********************
أم عبد الله : عسى عمرك طويل يا أبو عبد الله منت مقصر
بشيء معنا
********************
احمد : وهذه بنتي شهد ثالث متوسط قومي سلمي على خالتك يا شهد
*******************
قامت شهد وحسيت أنها قامت على عينها كسرت خاطري كأنها شوي بتبكي وقالت أهلا من غير نفس
******************
أميره : الله اسمك حلو كثير وأنتي احلي
*****************
أم عبد الله : وهذا ولدي أخر العنقود محمد إلي يرضع
عمره سنه وعندي بنتي رغد عمرها 7 سنوات و
عبدا لله عمره 3 سنوات نايم الله يصلحه من الشطانه
**********************
أميره : مشاء الله الله يخليهم لك وتذوقين برهم يارب
******************
احمد : وهذه زوجتي الثانية دلال
****************
التفت أشوفها ويا هول ما رأيت أخر شيء كنت أتوقع
كانت ملكة جمال حلوه وناعمة كأنها البدر أول ماشفتها
استحيت حسيت كأنها هي العروس مو أنا لأني كنت
لابسه لبس بسيط عشان قلت بطياره وسفر مايحتاج
اتكشخ أما هي كانت لابسه تنوره قصيره
لونها اخضر تفاحي ولابسه بلوزه فوشي وعقد لونه
تفاحي واخضر وفاتحه شعرها ومصلحه فيه حركات
من قدام طالع شكلها جنان انصدمت قلت أكيد زوجي
ما عنده نظر يتزوج عليها والتفت عليه مستغربه
*****************
احمد : دللوله قومي سلمي وش فيك
******************
قامت بدلع وكانها مقصوبه وقالت من غير نفس أهلا
وطالعت فيني من تحت لفوق وقالت هذي العروس
هذا باليوم الثاني اجل وش حال بعد سنه وش بتلبسين
****************
احمد : دلال وش قلت لك أنا
******************
دلال : بدلع أنا سحت عليه كيف هو أسفه يا بيبي بس استغربت حقك علي يا أميره لا تزعلين تعالي أبوسك
*********************
وجت عندي وباستني لكنها عورتني حسيتها كأنها تعضني
مو تبوسني حسيت بعضمتها على خدي وكنت بصرخ بس استحيت وطالعت فيني بخبث وابتسمت خلاص صافي يا
لبن وعلى طول قلت عشان اقهرها
**********************
أميره : أكيد حليب يا قشطه أصلا أنتي ما قلتي شيء
أنا لابسه كذا عشان بنسافر وبطياره بلبس عبايتي
ما يحتاج اكشخ بعدين إذا جيت بتشوفي كشختي يالله
ياحبي لانتا خر على طيارا حقتنا
*********************
دلال : حقتكم ليه اشتريتوها
****************
أميره : ههههههه لاطبعا بس عشان بنسافر
أنا وهو فيها أحسها كأنها طيارتنا
******************
احمد : أميره روحي البسي عباتك وخليني اسلم
عليهم واجيك
*******************
أميره : حاضر بروح
*****************
وأنا ماشيه معطتهم ظهري واطلع الدرج لكن اسمعهم

أم عبدالله : تروح وترجع بسلامه يا بو عبدا لله إن
شاء الله تروح وتنبسط
*******************
دلال : مع ألسلامه يا روحي بتوحشني كثير لا
تنسى تكلمني مدري كيف بعيش بدونك وصارت
تبكي بدلع كأنها طفله
****************
احمد : خلاص يا دلوله كلها أسبوعين ثلاث وبرجع لكم
*****************
حسيت إني انقهرت منها ومن دلعها فعلا اسم على مسمى
وفي السيارة سألته :

أميره : أم عبدالله شكلها اكبر منك صح
****************
احمد : ههههههههه لا طبعا أنا اكبر منها بسنتين
بس هي كذا ما تهتم في شكلها ابد ما همها إلا عيالها
والطبخ درجه أولى لكن شكلها أخر شيء تفكر
فيه عشان كذا تزوجت عليها
*******************
أميره : طيب ودلال لا تقول بعد ما تهتم في شكلها
****************
احمد : لا طبعا دلال تهتم في شكلها طول اليوم عمري ما شفتها حوسه أو مبهذله وصحيح أنها ما يجيها عيال لكن
أنا مو ناقصني عيال لكنها من تزوجتها وهي مغرورة
ودايما تقول أنا ما راح تلاقي زيي وكل ما كلمتها قالت
ما تقدر تتزوج علي وين بتلاقي أحسن مني واحمد ربك
انك تزوجت وحده زيي وكنت بأدبها واكسر رأسها
*******************
أميره : يعني أنت تزوجتني بس عشان تكسر رئسها بس
********************
احمد : لا طبعا بس في البداية بس بعدين بعد الملكة تعلقت فيك وحبيتك أنتي ليش تحبين وجع الراس الحين إحنا بشهر العسل لا تنكدين على نفسك وأنتي وشطارتك تقدرين تملكين قلبي وتصيرين الكل في الكل خلاص عاد
********************
حسيت انه صادق أنا كنت عارفه من أول انه متزوج وراضيه
ولازم أتحمل وسافرنا ثلاث أسابيع انبسطت كثير معاه
وبديت أتعلق فيه لكن طول ألمده وأنا شاغل بالي إني اشتري ملابس كشخه عشان اتكشخ وأملي عينه زي دلال وعشان
قدامها أبي أكون توب وفعلا شريت ملابس كثيره فخمه وحلوه واكسسورات واحمد ما كان يقصر معاي بشيء
********************
وبعد ما رجعنا كان الوقت متأخر على طول طلعنا غرفتنا
ونمنا في الصباح قمت قبله وأخذت شور وصليت الظهر
ولبست بنطلون سكري وبلوزه تركواز وحزام
واستشورت شعري وحطيت مكياج ناعم ومناكير
وتعطرت وحسيت إني توب ورحت اصحي احمد
******************
أميره : احمد حمودي حبي قوم يكفي نوم يالله قوم
*****************
احمد : آه أحس إني تعبان ماشبعت نوم كم الساعة الحين
وجلس متكاسل
******************
أميره : الحين أذن الظهر صار له ساعة وأنت
ماصليت الله يهديك
*******************
احمد : يالله الحين بقوم
********************
وفعلا دخل اخذ شور وصلا وفرش السجادة وصلى
وأنا مره مقهورة من هالسالفه كيف يصلي في البيت
مايصلي في المسجد كنت متضايقه في السفر بس
ما حبيت أنكد على نفسي وعليه بس الحين مقدر اسكت
ليه عسى ماشر يصلي في البيت كأنه حرمه
***********************
احمد : وين الحلو سرحان
*********************
أميره : سرحانه فيك ومن غيرك
********************
احمد : يابختي وش هالحلاوة وش هالزين
تعالي خليني أشوف هالحلاوه
*********************
اميره : لالا ابعد عني ومابيك
تكلمني
***********************
احمد : افا بس معاش إلي يزعل أميرتي الحلوة
ليه ياقلبي زعلانه
********************
أميره : في شيء كان مضايقني من وحنا في شهر
العسل بس ما كنت أبي أنكد عليك وعلي لكن
الحين لازم أقولك أنت ليش ماتصلي في المسجد
أنا صراحة تفاجئت ماتعودت أشوف كذا أبوي وخواني
حتى ولد اخوي عمره 11 سنه يصلي بالمسجد ليه أنت
ماتروح حرام المفروض تصير قدوه لعيالك عشان يقتدون
فيك
*********************
احمد : فعلا والله انك صادقه أنا أصلي بالمسجد
بس مو دايم لكن بس اذا راحت علي نومه
*************************
أميره : عشان خاطري أنا بساعدك كل وقت صلاة بذكرك
حتى الفجر بصحيك ما تضرك إذا صليت في المسجد
*********************
احمد: خلاص اتفقنا وعد مني
*******************
العصر نزلت تحت انا وياه ومعاي هداياهم عطيت أم عبد الله هديتها وعجبتها كثير وتشكرت مني وسلمت على الأطفال وعطيتهم هديتهم وجبت لشهد طقم من بدي شوب وفرحت فيه كثير وجبت لدلال ملابس اهتميت كثير في هديتها وكانت روعه رغم كذا أول ما عطيتها قالت
*****************

دلال : شكر أموره ما قصرتي بس كان ما تعبتي نفسك أنا ترى مو أي شيء يعجبني أنا ذوقي صعب بس يالله أشوف
احد محتاج وعطيه على الأقل تكسبين اجر
*********************
احمد :الله وكبر عليك يا دلال تدرين إلي مو عاجبك هذا بكم
590 ريال يعني قريب ال600ريال ومو عجبك ما خلينا سوق وكل ما قولها هذا تقول لا أبي أحسن دخنا عشان نلاقي على مزاجها وأخر شيء مو عجبك يادلعك ما تخلين عنك الدلع ابد غلطان إلي يشتري لك أصلا
************************
طبعا أنا انقهرت ودمي صار يغلي من قلت أدبها ومنه هو إلي علمها إني مهتمة فيها وعامله لها حساب وقلت عشان أرقعها
عادي يا قلبي لا تهتم الناس أذواق يمكن هي ما تعودة على الغالي عشان كذا ماعجبها
********************
دلال : ايش ايش عيديها تراني ما سمعت أنا ماني متعودة على الغالي أنا أصلا ما شتري إلا الغالي بس هذا ذوقه مو حلو كنه حق شغالات
طبعا تكذب بس عشان تقهرني
******************
احمد : أوه وبعدين أنتي وهي خلصونا من هالسيره
خلاص ما تبينه ها تيه خذي يا أميره البسيه أنتي أحسن
الحين خلونا في المهم شهد خذي إخوانك واطلعي فوق
ولما طلعوا قال :
من بكره نرجع زي من أول كل يوم
وحده عليها تسوي الأكل وأنا كل يوم بنام عند وحده
وأنا ترى رجال تعبان وشقيان مابي مشاكل ولا هوشات
على الأقل قدامي ومن وراي حتى لو تتذابحون كيفكم
ما أبي إزعاج ودلال إلي صار مابيه يتكرر قدام عيالي
وترى يكون في علمكم انتو الثلاثة ما تكفوني لو صار في عيالي شيء ما أبي يضيق صدرهم بسبكم هالله هالله بالعقل
ترى مالي نفس بالمشاكل والهوشات سامعين وهذه أخر
مره أقول هالكلام
********************
دلال : طيب ما قلت يا روحي بكره دور مين تنام عندها
ومين تبي تسوي لك الأكل
*********************
احمد : الأكل عقاب لك على إلي سويتيه لاني حذرتك
ميت مره بس ما تسمعين أنتي تسوين الأكل بكره
وبنام عند أم عبدا لله عشانها هي الأولى وبعده عند دلال
وبعده عند أميره وهكذا
*********************
حسيت إني انقهرت انه مراح ينام عندي بس قلت
هذا الحق ولازم أرضى فيه لأني أنا إلي اخترت كذا
والله يكون بعوني لكني قررت اكسب قلبه وخليه يتعلق
فيني عشان لا يكون مصيري زيهم ويتزوج علي شكل
المسالة سهله عنده الله المستعان
*******************
انتهى البارت الأول بسلام ياترى وش بيصير بين دلال وأميره في أحداث كثير مشوقه تابعوني عشان تعرفونها وردودكم تسعدني
0000000000الماهرات