قصة معاناتي .. اقصد ولاادتي الله يجيركم..

بسم الله ابدأ ...

اول شي ادعي لكل من هي حامل او على وجه ولااده انه الله ييسرلها ويفرجها عليها يااااااارب...

قررت اقولكم قصتي عسى الله ينفع بهاا حد واي وحده تمر بالضرف الي مريت به تتلاااحق روحهاا قبل لايفوت الفوت..

(ولااتخاافوون خصوصا البكريه الولااده شحلااتها وسهله باذن الله :42: )

طبعااا انا من بداية حملي وانا عندي الضغط.. والدكتوره الي اعالج ومتابعه حالتي من البداية قالتلي اولدي في الاسبوع 37 بطلق عشان حالتك لااتتأزم .. وطبعاا انا كل اسبوعين اتنوم في المشتسفى عشان الضغط.. المهم اول ما وصلت التاسع طبعا دخلت المستشفى عشان الضغط كالعادة وكلمت دكتورتي قالت لاازم توليد .. بس المستشفى الله يساامحهم ما رضوو يسوون اي شي.. وهذا الكلاام وانا في الاسبوع 36 وكل يووم دكتوره شكل وكل يوم تشخيص شكل والله اني كرهت نفسي .. طلعت من المستشفى ورحت البيت وانا بخير ما فيني شي .. كم يوووم مرض اولدي وديته عياااده خاصه عشاان اعالجة وفي نفس العماره في عياادة نسائيه قلت اطمن على نفسي واشيك الضغط واشوف البيبي .. المهم قالتلي الدكتووره ظغطك عالي والبيبي نشف عنه المااي .. لاازم تروحين المستشفى .. الصرااحه خفت كلمت امي قالت لاازم تروحين لان خطر الماي ينشف .. رحت المستشفى وانا عندي طلق اصلااا بس من خوفي ما انتبهت على هالشي .. المهم انتظرت ساعه من كثر الزحمه .. ودخلت من فحصت الدكتوره .. قاالت ولااده النفس فاتحه 3ونص قلت خيره .. طرشت ولدي البيت مع عمه وانا طبعاا رحت قسم الولااده وخبرت زوجي وامي وعمتي .. وانا حالتي حاله .. بعد كم سااعه يت امي وحليلها .. وانا في غرفة الولااده مجهزيني وكل شي.. إلأاا عقب 4ساعات يبرد الويع وما احس بشي ..استغربت يت الدكتوره وشافتني وقالت ما في اي تغير ويمكن ما تولدين اليوم ..نزلوووني تحت.. شووفووو التعذيب النفسي .. قلتلها دكتوره عطيني طلق وخلااص .. قالت لاا نستنى ..وانا ضغطي يرتفع وينزل ..ولاا سوت شي.. بعد 4 اياام في المستشفى والتعب النفسي والم الطلق قالولي اطلعي خلااص انتي ماراح تولدين ... قلتلهم نعم؟؟؟؟ ومن يتحمل مسؤوليتي ؟؟ قالو مو مشكلتنا في غيرج محتاج للسرير <-- شووفو الاستهتار وقلة المسؤوليه.. طلعت من المستشفى وقالي زوجي احس انج تعباانه <-- شووفو السؤال الذكي:09: قلتله طبعا تعباانه الويع فيني من اربعة ايام ...قال خلينا نروح لدكتورتج قلتله يله..رحت للدكتوره ولما فحصتني قالتلي يابنتي انتي على وشك ولاااده ليش طلعوكي من المستشفى وخطر تنزلين على البيت وخصوصا مو بكريه قالتلي انا بولدج الحين ..طلعنا مستشفى خااص وطبعا حطتلي طلق اقل من سااعه وانفتح عشره سانتي ودووني غرفة الولااده ...

وهنااااا قصة بروووحهاااا :30:


نكمل ..


طبعااا حسيت ان الدنياا اسودت في وجهي .. تعبت حسيت اني انشليت ما قدرت ادفع ولااا قدرت اسوي شي .. وطبعا كاان معااي زوجي وما خبرنا حد.... وكانت الدنيا اصلاا مقلووبه علينا ويتريوونا في البيت واتأخرناا... المهم انصدم زوجي من الي شااافه وانا كل الي قدرت عليه اني رفعت صبعي واتشااهد.. الي اذكره حولووني غرفة العملياات قيصريه.. دكتور البنج سمعته حااشر الدنياا ملاابسي قطعووها بمقص عشاان الابر ورحت في دنيااااا غير الدنيااا ..

والحمدالله لما صحيت كان زوجي قااعد عداالي يمسح رااسي وبعده متأثر من الموضوووع ياابولي بنتي ..فديتهااا قمر ..

نأتي للنصاايح ..:hahaha:

1- لاازم تخلين دكتورتج الي متاابعه حالتج من البداية تولدج..
2-لاازم ما تخلين الويع يطول فيج..
3-اهم شي لا تخلين زوجج يدخل ويشوووف حالتج ..زوجي يته حاله نفسيه والله انه مرض اسبووعين وما خلينا لا عياده ولا مستشفى ما يعرفون شو فيه..(آخر شي طلع من الرووعه:eek: ) جد والله اتكلم...الله يعينه يارب الحين ما يبيني احمل :42:

وهذي قصتي باختصاار واسمحوولي في تقطيعاات واايد بالنص (لان ترويع المسلم حراام)

والله يعافينا ويعاافيكم يااارب