قصة معاناتي مع اهل زوجي!!!! ومالي الا الصبر

السلام عليكم

انا مرت علي مواقف كثيره مع ام زوجي واخته وقبل فترة كتبت مشكلتي وساعدوني بنات حواء بعنوان ,,اخت زوجي,, ارجو انكم تطلعون عليه


المهم
باختصر لكم الوضع الجديد تزوجت من سنتين كنت اهدي ام زوجي هدايا عينيه او نقديه ولا مره اذكرتني او مدحتني او شكرت اللي اجيبه لها وكنت على فترات متقاربه اهديها واذا زوجات حمواي (اخوان زوجي) اهدوها تشكرهم وتعيد ودايما تتعمد تعيد الشكر وانا مو عارفه السبب,,
اخر مره بالعيد عطيتها مبلغ محترم من المال كعيديه,,
ولما قعدوا خوات زوجي وزوجات خوانه صار نقاش بين زوجي واخته الكبيره من باب المزح وانه بخيل فقال : زوجتي هي الوحيده اللي عطت امي عيديه فسالت امها صحيح, قالت الام ما ادري عطتني قرطاس ما ادري شنو داخله؟؟

وقيسي على ذلك كل المواقف,,
وفي السابق اذا كان عندهم عزيمه تكون جميع الحلويات علي من احلى المحلات وفوق هذا مايعزمون اهلي!!,,, ولا احد قال مشكوره وكنت اطوف, واخر مناسبه سبقتني زوجة حماي وجابت هي كل الحلويات . والله العظيم كل ماجانا ضيف قالوا هذا الحلو جابته فلانه ويعيدون ويقولون ان شاء الله تفرح بعرس اخوانها!!


والله ماني عارفه ليش مايحبوني,, المهم انا دايما افكر اني اجيب معاي هديه بس بيني وبينكم اتحسف الطيب فيهم..

شرايكم انتوا؟؟


واذا صارت مناسبه ويبون يروحون يروحون كلهم,,
واذا كنت باروح واياهم صارت هوووشه ان السياره ماتكفي واخر مرة نزلت من السياره لاني عرفت انني انا المقصوده لتكرار الهوشه اذا انا رحت,, او نويت اروح

مع العلم انني انا مو محتاجه اروح وياهم بس كنت اظن انني لازم اشاركهم وكشكل اجتماعي ,, المهم بغد مانزلت من السياره حلفت ما اركب سيارتهم ((على فكرة من تزوجت ماركبت سيارتهم الا 4 مرات وكل مره تصير نفس الموقف واذا ركبوا زوجات حمواني عادي تكفي)) وقررت مع زوجي اي مكان باروح له لو نفس المكان هو يوديني ويجيبني وفعلا تم ذلك,,

شرايكم هل اللي سويته صح او خطا؟؟