بسم الله الرحمن الرحيم
انا سميت ولادتي معجزة لانها كدة فعلا
والله كل ما افتكر اقول اللهم لك الحمد كما ينبغي لجلال وجهك وعظيم سلطانك وعيني تدمع
الولادة انا حسيت انها مكافأة من الكريم سبحانه عشلن طلبنا الستر وسعينا وراه
الحمد لله
من البداية من ساعة ما عرفنا اني حامل بدأنا ندور على دكتورة امرأة وكل اهتمامنا انها هتيجي ساعة الولادة ولاننا في غربة في اليابان دورنا كتيير لانهم ماعندهمش مشكلة من الموضوع ده وبالتالي بيلتزموا بالدكتور اللي عنده نوبة عمل هو اللي بيولد سواؤ رجل او امرأة
والحمد لله وفقنا ربنا ولقينا مستشفى غالية شوية بس فيها 2 دكاترة ستات +الميدوايف وهي ممرضة متدربة تدريب خاص بحيث انها ممكن تولد لوحدها لو الولادة طبيعية
المهم اتفقنا مع الدكتورة من البداية انها ان شاء الله هاتيجي ساعة الولادة حتى لو ماكانش عليها نوبة العمل واتفقنا كمان على عدم تدخل طبيب رجل الا في حالة الضرورة القصوى جدا والخطرة جدا وكتبنا الشروط ووقعنا عليها
دي كانت البداية
معلش طولت
نيجي للمكافأة
يوم السبت كنت حاسة بالم في ضهري من غير مغص وبعدين متواصل مش بيروح وبييجي فقلت عادي لاني في الفترة الاخيرة على طول ضهري كان واجعني بس اليوم دا كان زيادة
المهم قضيت اليوم كالمعناد وبعد العصر نزلت اتمشيت شوية ورجعت بردو نفس الم الضهر من غير زيادة
المهم لبيوم عدى عادي خالص واتعشينا ونمنا الساعة 3 الفحر عشان جوزي كان شغال على الكمبيوتر وقالي خليكي لو مش جايلك نوم
وقمت الساعة 5 ونص اصلي الفجر وصليت وصحيت جوزي يصلي وقالي ايه بتولدي قولت له لا انا بصحيك عشان تصلي وفعلا ما كانش في حاجة
رجعت عشان انام الساعة 6 الا ربع وحسيت بمغص قلت اروح الحمام وروحت وعملت حمام اكرمكم الله فلت يبقى المغص من كده
وبعد ربع ساعة مغص تاني
ولقيت المغص يروح وييجي كل ربع ساعة وكل مرة اعمل حمام
وبعدين قلت لجوزي باين الجد بدأ لان الهزار والبروفات كانت كتير قالي تلاقيها زي كل مرة
والساعة 7 قولتله اروح اشرب قرفة وعملت مج كبير وبدات اشرب فيه والالم حساه بيزيدبس كل ربع ساعة بردو
فولت له هاقوم اخد حمام واخدت دش ولبست وانا على اخري وقولت له اتصل بالمستشفى قالي بصي نعمل بروفة روحي نامي ولو الالم راح يبقى خلاص ولو استمر نتصل
قولتله اروح اكوي الخمار الاول
وكويت واتكويت من الالم قولت له لا اتصل دلوقتي كانت الساعة 8 الا تلت
والحمد لله الدكتورة كانت موجودة وفالتله لازم تيجو
والام بقى كل 10 دقايق
صحيت عيالي ولبساهم وقولتلهم ها تقعدوا مع الجيران اصدقاء مصريين بردو
وصحيت الجيران وسبت العيال ونزلنا قولت اتمشى للمحطة وجوزي كان هعايز يطلب تاكسي قولت لا اتمشى احسن يسهل
قام الراجل جارنا الله يكرمه نزل ورانا ووصلنا بعربيته
وصلت المساشفى الساعة 8 ونص وخمسه ودخلت الحمام الاول ولقيت افراز فيه دم بسيط
طلعنا للدكتورة وغيرت هدومي وكشفت عليه الساعة 9الا ربع وقالت 4 سم
قولت الله يهون دا لسه بدري
ركبولي تخطيط الجنين
وبعد 5 دقايق من كشف الدكتورة كشفت علي الميدوايف وقالت 5 سم
قولوا ما شاء الله
ما فيش 10 دقايق جهزوا العدة وبعدين الدكتورة قالتلي هاتفتح الموية بايديها والالم هايزيد
شقت الميه والام زاد وبقى ورا بعض يا دوب راحة دقيقة او دقيقتين
وكل دا وانا عماله ادعي اقول يا رب وانظم نفسي ودوزي معايا عمال يضحك في ويهون علي
الله يخليه ليه قولوا يا رب
المهم الدكتورة قالتلي اللي جاية دي ما تدفعيش اللي بعدها عدي 3 وبعدين ادفعي
جات الاولى اخدت نفس زي الاول وبعدين التانية عديت 3 وبدات ادفع وبدا يوسف يطلع بصينا ما لقيناش الدكتورة الظاهر راحت الحمام ودا وقته؟؟؟؟
والممرضة تقولي دونت بوش قولت مش قادرة بيطلع وطلع الحمد لله الساعة 9 :34 الصبح وجت الدكتورة على طول لقيته نزل واتفاجأت
وقطعنت الحبل السري وحطته على صدري نسيت الدنيا واللي فيها وما فيش على لساني غير الحمد لله واتشاهد وطلعت المشيمة
قولت ربنا يعيني على الم الخياطة لان ما فيش بنج
لقيت الدكتورة بتقول كله تمام مافيش خياطة ماحصلش فتح قولوا ما ما شاء الله
ودا يمكن لان يوسف نازل صغير يا دوب 2 كيلو وربع
الحمد لله رب العالمين كما ينبغي لجلال وجهه وعظيم سلطانه
كنت خايفة من الطلق الصناعي وما اخدتش
كنت خايفة من الالم وطول الفترة وما طولتش يا دوب 3 ساعات ونص من ساعة ما حسيت من اول الم لحين وصوله بالسلامه
كنت خايفة من الغرز وتعبها وماخدتش
شوفتوا الولادة معجزة ازاي وهي فعلا مكافأة من رب العالمين
الحمد لله رب العالمين كما ينبغي لجلال وجهه وعظيم سلطانه
الحمد لله رب العالمين كما ينبغي لجلال وجهه وعظيم سلطانه
الحمد لله رب العالمين كما ينبغي لجلال وجهه وعظيم سلطانه
الحمد لله رب العالمين كما ينبغي لجلال وجهه وعظيم سلطانه
الحمد لله رب العالمين كما ينبغي لجلال وجهه وعظيم سلطانه
الحمد لله رب العالمين كما ينبغي لجلال وجهه وعظيم سلطانه
الحمد لله رب العالمين كما ينبغي لجلال وجهه وعظيم سلطانه
والله لو فضلت اقولها عمري كله مش كفاية هو الكريم اللي ما فيش اكرم منه واللي ما فيش احن منه
احن من الام سبحانه وتعالى على الرغم من ذنوبنا ومعاصينا
flafel @flafel
عضوة نشيطة
يلزم عليك تسجيل الدخول أولًا لكتابة تعليق.
الف الحمد لله ع السلامة ويتربى في عزكم انشاء الله
وفعلا ولادتك سهلة و ميسرة وربي هون عليكي وعقبال البقية يااااااااارب
وفعلا ولادتك سهلة و ميسرة وربي هون عليكي وعقبال البقية يااااااااارب
الحمد لله على السلامه
وربنا يخليلك يوسف ويطرحلك فيه البركه
والحمدلله كما ينبغي لجلال وجهه وعظيم سلطانه
وربنا يخليلك يوسف ويطرحلك فيه البركه
والحمدلله كما ينبغي لجلال وجهه وعظيم سلطانه
الصفحة الأخيرة
قصة ولادتك فتحت لي الامل بولاده سهله ان شاء الله لاني خايفه موت