قصة مفيده للمتزوجين لا تفوتكم

اتمنى القا تفاعل وتجاوب معاي في هذي المشاركه
القصة تقول
فهد نازل من غرفته مستعجل يبي يلحق على زفة صديقه زيد اللي الليله عرسه نزل فهد للصالة عقب ما تكشخ وصار رزة ونزل لامه بالصاله قال
فهد/ وشرايك فيني يمه؟
ام فهد/والله يوليدي فلقة قمر متى يجي ذاك اليوم اللي اشوفك واقف وجنبك عروستك
فهد واهو منحرج/ان شاء الله يما ان شاء الله يالله انا طالع يما تبين شي؟
ام فهد/سلامتك يا وليدي تركد وانت تسوق
طلع فهد متوجه للقاعه اللي هي راح تكون قاعة زواج زيد صديقه
ووصل فهد وقام بالواجب ويشيل ويحط ويساعد القائمين عالحفله يعني ادى دور اخوة ووقف مع صديقه في هاليوم عاد تعرفون الشباب وحركاتهم في هالمواقف
فهد/مبروك يا زيد منك المال ومنها العيال الله يوفقكم ان شاء الله زيد /الله يبارك فيك وعقبال ما اردها لك يارب
فهد يتنهد/اااه الله يسمع منك.
وانتهت الحفله بسلام وراحوا يزفون المعرس بيدخلونه على عروسته طبعا كانوا ربع زيد الشباب الطيبين متجمعين يزفونه كلهم وصلوا جنب باب صالة الافراح للحريم وخروا انتهى دورهم بس عاد منو اللي ما يعرف في هالامور المسكين فهد بحكم انو انسان مسالم يالله الستر وماله في هالامور المهم وقف عالباب لين ما جات اخت المعرس وخذت زيد عشان يزفونه رجع فهد ذاك اليوم من الحفله واهو حاسد صديقه ويبغى يصير له نفس هاليوم وكان يفكر يفكر باستمرار لكن فهد عنده مشكله فهد مثل ما قلت لكم ما عنده جنتل مره وما عنده الجراة الكافيه انه يقول لاهله زوجوني الرجال تعذب وايد وام فهد لا حظت عليه لا اكل لا شرب لا نوم مثل الاوادم وصحته طالعه للنازل
ام فهد /شفيك يمه ما تاكل ولا تشرب وحالتك ما يعلم فيها الا رب العالمين
فهد / لا يا يمه ما فيني شي يتهيا لك
ام فهد / انت فيك شي يا يمه تشتكي من شي متضايق من شي قولي يا اوليدي لا تعذبني
فهد وهو دافنن رغبته بداخله /لا يا يمه افيني شي ارهاق عمل لا اكثر لا اقل تعرفين يا يمه انا شغلي م هين عبالش الهندسه ما يبي لها تعب
عدتها الام بمزاجها هالمره

رن رن رن رن
فهد / منو جاينا هالحزة يمه
ام فهد /هذي اكيد اختك رؤى اهي قالت بتجي اليوم اهي واولادها يتغدون عندنا روح يا اوليدي افتح الباب
رؤى/هلا اخوي فهد شخبارك شمسوي عساك بخير
فهد/ الحمدلله انتي شلونش رجلك وشلونه عساكم بخير
رؤى / الحمدلله كلنا بخير الا فهد وشفيك ضعفان وحالتك حاله
الا تجي الام وتقتحم المكان/هلا يما رؤى وشلونك وشخبار عبادي ونصوري عساهم بخير
رؤى/ الحمدلله كلنا بخير يمه ودخلت رؤى وساعدت امها في الغدا
وفهد المسكين جالس يلعب مع اعيال اخته الوحيده طبعا لا تسالون عن حب فهد لاعيال اخته يحبهم بشكل جنوني
نصري/خالي انت تحبنا شكثر
فهد/ احبكم قد البحر
نصوري/ اكيد خالي
فهد/ اكيد ا قلبي
نصوري / خالي ما ارح تنسانا
فهد/ لا وليش انساكم انتو حبايبي
نصوري/ حتى لو تزوجت
الا بدخلة رؤى حاول فهد يطنش الموضوع وغير السالفه وقال لم يالله قوموا للغدا وعالغدا تعرفونالاهل ما تحلا سوالفهم الا عالغدا عاد اقعدت رؤى تحكي تفاصيل حفلة زواج حماها حمد لامها بالتفصيل عاد رؤى حرمه اطباعها طبع الحريم اقعدت توصف لامها عن بنت اعجبتها مرررررررره
رؤى/ يما تعرفين نورة بنت حصة اللي كانوا جيرانه قبل ؟
ام فهد/ اي يا بنيتي اشلون ما اعرفها هذي كانت تجي تلعب معكم الله يذكرهم بالخير ناس طيبين واجاويد
رؤى /عاد يا يمه نورة عليها جمال يقط الطير من السما لا البنت خلوقه مؤدبة والله يا يمه شا بخته اللي بياخذها
وفهد عايش لحظة انصات وصمت في نفس الوقت ومسوي نفسه والا له شغل بالسالفه

رؤى تلتفت على فهد/ يما فهد كم صار عمره
فهد/ وليش تسالين
رؤى / حرام اسال وسكتت شوي وردت وقالت شرايكي ا خوي تكمل نص دينك

فهد طالع متعجب مستغرب ../ شنو شقصدش فهميني
ام فهد/ يا اوليدي انت الحين كبرت والريال لين كبر يبي يحس بالاستقرار شرايك
رؤى/ لا تستغرب يا خوي احنا نبي نفرح فيك وترا نورة ما تتتعوض وان راحت منك بتعض اصابعك ندم عليها
فهد م سايعت الارض من الفرحه بس يتثيقل/ طيب انتو فاجئتني انا مو مستعد للزواج الحين
رؤى / انت افق بالاو ل وكل شي يصير تمام واذا مسالة انك تتقبل هالفكره ميخالف نسوي خطوبه والزواج بكيفكم بعدين انت وياها تنجازون

وبعدها زغروده كبيرة من الام :icon28: الا بدخلة الابو ها شصاير







وللقصة تكمله بس ابي توقعاتم ايش راح يصير بعدين