مساء العسل للجالسين ببيوتهم
القصة هذه سولفت لي امي امس طبعا اللي عاشت في الطائف او قد صيفت فيها بتعرف الاماكن يالله نبدأ
تقول امي احس الايام ذي بيصير فيها نفس اللي صار للحريم ١٤١١ و ١٤١٢ 🤔🤔 قلت وش صار
قالت ذاك الوقت كانت حرب الخليج وقتها انتِ في الروضة واصدر الملك فهد الله يرحمه في رجب ١٤١١ قرار بايقاف الدراسة وانه الناس يجلسون ببيوتهم لانه صدام كان بيسوي حرب جرثومية والناس اشترت كمامات وجلست ببيوتها وحطت اكياس على الشبابيك وصار يسولفون مع بعض بالتليفون
المهم ذاك الوقت مافي طلعه من البيوت ومافي جوالات ولا كمبيوترات فالرجال ماعندهم شيء يسوونه الا يتسلون بحريمهم 😂😂😂
المهم بعد الحظر بشهر ونص يمكن حول ١٠ شعبان ١٤١١ تحررت الكويت ورجعت الاوضاع لطبيعتها
في ذاك الوقت حريم كثير تاخرت دوراتهم انا وخالتك وعماتك الاربع وجاراتي في الطائف فلما صار الكل متأخر الحريم خافوا وقالوا انه صواريخ صدام الجرثومية يمكن تكون السبب
وكل وحده تروح المستشفى وتطلع النتيجة نفسها مبروك انت حامل
الكلام هذا بشعبان المهم شهر صفر ١٤١٢ كان بداية الاجازة الصيفية ومناسبات وطالعه برحة قزاز اشتري ملابس لك انت واخوك وقتها كنت بداية الثامن نزلت انا وابوك واطالع في الناس الا وكمية الحريم الحوامل يمكن ٧٠٪ من السوق ويوم جات صلاة المغرب كان في جامع بوسط السوق قسم الحريم فيه ثلاث صفوف كنت دائما اذا دخلت الاقي الصف الاول انحجز ذيك الفترة الصف الاول مافي الا ثلاث حريم والبقية كلهم بالصف الثالث عشان يتكون ظهرهم بالجدار حوامل 😂😂😂
يوم فكرت بكلام امي وشفت عيال اقاربنا تلاقي انه كل سنه فيه واحد او اثنين
اما ١٤١٢ فيه سته مواليد ويوم قلت السالفة لزوجي قال اخوي عبدالله مواليد ١٤١٢
ياليت يكون فترة كورونا هي اللي تحقق حلمي 🤲
يلزم عليك تسجيل الدخول أولًا لكتابة تعليق.
مقهورة ولكن
•
الله يسعدك يامكياج والله لو عندي المال مانتظرت بس يقولون انه التلقيح المجهري مايضبط الا بالمرة الثالثة وكل مره ٢٠ الف يعني يبغالي قرض ب ٦٠ الف ويمكن مايضبط
الصفحة الأخيرة