السلام عليكم ورحمة الله وبركاته
صدفت شفت المسابقه وعجبتني مرررره وقصص البنات اروووع
مشكورين ع هالافكار اللي منها نستفيد ونفيد
انا مو ممتازه بالتعبير لكن بحاول ارتب حروفي وكلماتي
بيوت تنبض بالحــــب
.
.
.
(جدتي . منكِ عرفنا الماضي الأصيل .. و معكِ نواجه الحاضر الصعب .. و بكِ يُستنار مستقبلنا الباسم)
.
.
.
( .. كنتِ دوماًالمنارة التي تهدي الجميع إلى شاطئ الأمان ..
كنتِ دوماً الحضن الدافئ الذييضمنا و يحتوينا ..
آن لنا اليوم أن نعترف بجميلك و .. )
......
قبل 15 سنه تقريبا اليوم الموعود يوم زواج وحيدها كانت الفرحه مو سايعتها
فرحت فيه ودعت ربي يسعده وتشوف عياله قبل تفارق الحياه
بعد سنه من زواجه لاحظت زوجته حركات وتصرفات غريبه كان يشك ويوسس باي شي
يشتري كيس السكر الكبير دقايق ياخذه ويكبه بالزباله وكل الاكل كات يوسوس وينبهها المسكينه انها ماتسوي منه
لحد ماطفشت زوجته واخذوها اهلها وهي حامل ومن بعدها صار من اسوء لأسوء
.
.
.
جدتي الغاليه الحنوونه صاحبت القلب الصافي اتذكر من يوم احنا صغار لحد الان ماتاكل لحد مانشبع ونقوم و
تتفقدنا واحد واحد بالرغم من ظروفها ومرض ولدها من 15 سنه
تحب الناس تفكر بالناس اول بعدين تفكر بنفسها تقدم كل اللي عندها بس لتسعد الناس
أي قلب اللي بيتحمل منظر ولدها وحيدها مره بالبيت عندها ويجيبلها المشاكل من كثر مايوسوس بالاكل
وتكلم فلان وفلان عشان يجون يرجعونه للمستشفى لكن قلبها من داخل يتقطع تبكي تبكي لحد ماتنشف دموعها بعد ماياخذونه واحيان تعصب ع اتفه شي خلاص نحس اعصابها تلفت لكن ماخلينها نجيبها ببيتنا ونحاول نسعدها .
.
.
.
مره قطعت قلبي كانت ساعه تفضفض فيها كانت تصارخ بصوت عالي انا استغربت اول مره اشوفها كذا
لان اخواتي يحبون يمازحونها يقولون لها انتي تفضلين عبدالحمن ولد ولدها علينا وزودها عليها لحد ماعصبت
قالت ذا ولد ولدي سندي بالدنيا مو انتم بنات ابوكم جد حزنت عليها تحس انها مثقله علينا حتى اذا جات عندنا ماتطول ترجع بيتها رغم ان بيتها بعيد بالديره ولوحدها عايشه فيه بعد وفاة جدي
.
.
.
حمدالله رغم المواقف والاشياءالله اللي تصير لها ماعمرها شكت ولاتبين اللي يشوفها يقول ي بختها ماعندها هم
وهي يمكن مافي اقسى من هممها لكن حمدالله صبوره وشكوووره وخالي لحد الان تعبان نفسيا عرضناه ع كذا شيخ بقولولنا ذا فيه مس مسلمه عاشقته وحاليا بالمستشفى ماعنده اخوان يهتمون فيه ماقصروا عيال عمه لكن ماحد يترك اشغاله خصوصا انو فترة علاجه تاخذ وقت
.
.
.
اتمنى لو عندي ولد كبير راح اخليه ياخذه عند اكبر المشايخ لكن ماباليد حيله:06:
ياربّ يا رحمن يا رحيم يا حّنان و يا مناّن شافي خالي و أحفظ ليأحبابي
اللهم آميين
ياربّ يا رحمن يا رحيم يا حّنان و يا مناّن شافي خالي و أحفظ ليأحبابي
اللهم آميين
ياربّ يا رحمن يا رحيم يا حّنان و يا مناّن شافي خالي و أحفظ ليأحبابي
اللهم آميين
واعذروني ع التعبير لكن حبيت اكتب لكم قصه جدتي نور البيت >>ع فكره ذالحين سوينا لها بيت بجنب بيتنا
الجدات حبيبات القلب .. مهما كان نوعهم الهادئة الحبيبة المعصبة
بس نحبهم ونعزهم
الله يخليهم لنا جميعا
ويجزاك الله خير عالموضوع موفقة بإذن الله