قصة من قصص حياتى ....

السلام عليكم يا حوائيات الحلوات .شخباركم ؟؟أقول لكم قصة من قصص حياتى .يا خواتى انا كنت حامل يا بنات فى الشهر 9 وتعبانة وكان عندى مشوار اقهوى وحدة من جماعتى مع السايق.
وجهزت قهوتى وحلاى ورحت البس واكشخ المهم خلصت ونزلت تحت بالبس عباتى وشيلتى شوى ودق تلفون البيت الا هى خالتى ام زوجى قالت ابى السايق يوصلنى مشوار .قلت لها انتى جاهزة قالت لالا بالبس واجهز يبيلى ساعة تقريبا قلت خلاص انا بروح وخليه على طول يجيج .تخيلو يابنات والله هذا اللى صار فجاة اسمع صوت حماتى الكبيرة تصارخ واخذت من امها السماعة وتقول عيب تروحين وبعدين امى قتلها انا لابسة وشغلى خالص قالت كلام كثير وقمت قتلها يلا يلا مع السلامة .وبحكم بيتى بجنب بيتهم يا حظى الكبير فيهم الا هى طق الباب على وانا بالصالة تونى بطلع زتخيلو المنظر عيالى واقفين منصدمين من الموقف وكان تمسكن يعنى بتظربنى واقوم انا امسكها مع ايدها وتسب وتلعن وانا اقول لها اطلعى برة .وزوجى كان فى مكان بعيد وقامت بنتى ادق عليه وانا فى قمة المشكلة وسمع الصوت وتروع وهو يعرف اختة المجنونة مو صاحية حسبى الله عليها يابنات ان كانت هى اللى جابت المشاكل وعوار الراس لى المهم وجات امها واختها امسكوها وطلعوها من البيت .وقعدت خالتى تهدى فينى وتخفف عنى وانا بس اقول حسبى الله عليها احس خالتى تضايقت شسوى من حر ما فينى .وبعد ساعة تقريبا جا رجلى وشافنى صج صج منهارة وتعبانه مرة وقتلة السالفة وراح لها فى بيتهم مع ولدى المهم عصب وخانق طبعا هى ما فى احد يهمها المهم سمعها ولدى تقول ما ادرى شمسويه للهندى عشان يسمع كلامى .وغير هذا هى تمشى وتقول انى ساحرة اخوها حسبى الله عليها ان كانها اظلمتنى.المهم جا زوجى معصب وقعد يهدى ويقول خليها تولى ما عليج منها ناقصة عقل ومن هالكلام ..وبعد اسبوعين تقريبا جا زوجى تلفون ونبرة صوته تغيرت ووجة بعد المهم حسيت من المكالمة انها هى تخيلووووووو قلتله من يكلمك قل اختى الصغيرة .؟صدته قلت توك مكلمها وش ذا السلام .اكيد هاذى الكبيرة صح .قال اى ؟؟قلت وكرامتى وكرامة عيالك اللى تهجمت علينا لا بعد فى بيتى .اشلووووووون حرام عليك كسرت فينى وانت انسان ما همك الا اهلك ونفسك على الاقل كرامة مرتك من كرامتك ياحظى المهم تخانقنا خناقة عظمى جدا وبعد يومين الا حماتى الوسطى جاتنى فى بيتى تقول عادى مشاكل فى كل بيت .ومن هالكلام المكرر المهم قالت حرام زوجج احتار بينكم وانتى شوفيه يكسر الخاطر .عاد قلت فى قلبى ليش اسوى مشكلة وافرحها ماشالله على والله شاطرة.المهم رحت لبيت حمولتى وهى المجنونة هناك وقامت وسلمت وزوجى كان قاعد وسلمت على خالت ولالالا كانه فى شى حصل وطوفت المشكلة من كيفى ليش اخلى وحدة مثلها تخرب على وعلى زوجى وحياة عيالى وعقب والله زوجى بدا يتغير معاى للاحسن طبعا لان عرف حقيقة اهلة وشاف كل شى بعينه ..ها يا حبيباتى شفتو انى ما ركبت راسى فى المشكلة وفكرت شوى وطلعت بنتيجة .اصبروووو ثم اصبروووو...والسلام عليكم ورحمة الله وبركاته .وان شالله لى قصة ثانية من قصصى الحياتية