هذي قصة وحدة من زميلاتي ترددت كثير في تنزيلها بلمنتدى لولا الله ثم تشجيعي لها لعل الله يستجيب لكم دعوة بنصرها تقول لكم :
اسمي نورة معلمة ترتيبي السادسة من البنات وبعدي ولد واحد ... كانت طفولتي عذاب . ابوي رجل متعسف يضرب ليل نهار بدون سبب يضرب أمي ويضرب خواتي ويضربني ذوقنا مرارة العيش وأمي انمرضت بالضغط والسكر وكنت أنا لي النصيب الأكبر من الضرب بما إني الصدمة السادسة له من البنات بيني وبين الأكبر مني حوالي 6 سنوات وأتوقع بعد هالانتظار انصدم ببنت فصار يتفنن بإهانتي وضربي, بالوقت ألي كنت بأدخل فيه المدرسة كانوا خواتي ببداية المراهقه .. وتعدلت معاملة ابوي معهم نوعا ما ,, وصار الظلم لي لحالي .. بدت خواتي وأنا طفله 6- 10 سنوات يطلع فيهم ابوي للسوق ويشتري لهم أشياء يمكن كنوع من التكفير وكنت محط لاستهزاءهم بأني بزررر وبقرة مثل ماكانوا يضحكون علي قدامي ومع إني كنت طفله إلا إني مانسيت تهكمهم بي كان ابوي يسب فيني والبنات والأم يضحكون كانت خواتي كسلانات بدراستهم ويعيدون دور ولانسيت يوم سجلوني بالمدرسه قال ابوي مافلحوا خواتك تفلحين انتي .. ودخلت المدرسة بحماس الأطفال وجبت ممتاز بأول ابتدائي وترتيب من الخمس الأوائل تفاجأوا الجميع والحمدلله استمريت كل سنة امتياز نصرني ربي ومع هذا زادوا بتطنيشي البنات غاروا مني والأب ماكان متوقع وكان بس ينتظر شي عشان يضربني لأن بناته كبروا فصار الضرب من نصيبي ونصيب أمي جابت أمي ولد بعدي بخمس سنوات وأخيييييرا طبعا زادت الفجوة بيني وبين ابوي صار الدلال متوزع بين البنات الأكبر والولد وأنا كانوا مايسموني إلا الدوبا الخبلة ......الخ حتى مع شطارتي بالمدرسة ماكانوا معترفين بهالشي ,, أمي كانت مسايرتهم تنضرب وعادي تحمل ,, المهم عاشوا خواتي شبابهم بتمشيات وأسواق وسفرات وكنت أنا بس أمشي وراهم بالأسواق ولا يعبروني ..انحرمت طفولتي من كل ناحيه ..مرت السنين وتخرجوا خواتي صرت أنا بنهاية المتوسط وهم معلمات كنت أجمل وحدة فيهم وكل شي كان فيني حلو لا شعر ولا طول ولا جسم ولا بشرة بس للأسف (كانت) ... بدوا ينخطبون وإذا شافوني الحريم ألي يجون يخطبون يخطبوني لعيالهم الثانين مع إني كنت ماكملت 15 سنة بس كان جمالي ملفت ..طبعا خواتي ماكان يسعدهم هالشي نازلين فيني تحطيم وابوي يضرب وأمي لاتهش ولاتنش لاهية بقعدتها وله كل الدلال .. تزوجوا خواتي وجابوا عيال وعاشوا حياتهم وأنا تخرجت من الكليه وتعينت بقرية كانت ظروفي من كنت بأولى مأثرة فيني مرة ماعندي أي ثقة بنفسي خواااافه بشكل جنوني يديني تنتفض وأرتبك وكل البنات يضحكون علي والمعلمات كانوا يكملون الناقص يتمهزون بي ..مرت سنين دراستي مليانة مواقف تحطمني زيادة وبالبيت أبوي مايقصر بس هواش وضرب ولا عرفت منه غير كذا خواتي بس تمهزي ولايعبروني كنت كأني شغاله بالبيت روحي جيبي حطي سوي والبنات مايحركون شي كانت أمي هي ألي تطبخ وتكنس وتشتغل وأبوي يصب إهانته عليها ليل نهار كانت ماتقل عني .. رحمتها ويوم كبرت تساءلت بنفسي ليش خواتي يعاملون أمي كذا ليش مايساعدونها ليش أبوي يضربها ويضربني وهم لا!! تقربت لأمي وللأسف تقربي لها ومساعدتي لها بالبيت جابت نتيجة عكسية صارت بعد هي تسب فيني وتشتم وتهاوش اغسلي الصحون اكنسي وبناتها مايلمسون شي .. حسيتها تطلع حرتها بي .. ابوي كان يحرضها علي كبرت وأنا محطمة والرجفة بيديني والارتباك بوجهي يلازمني بكل محل ونظرات زميلاتي ومعلماتي مانسيتها صرت معلمة ولازلت يديني ترتجف وأرتبك مقدر أرتب كلمتين على بعض .. صرت الحمدلله معلمة متميزة وشرحي متميز .. طالباتي عززوا ثقتي بنفسي شكروني وسمعت كلمات الشكر ألي أحتاجها منهم صرت أرتاح بالمدرسة أكثر مع إني لازلت أرتبك قدام زميلاتي المعلمات ..حاولت أكون جريئة أسولف ع القهوة معهم عجزت صرت بس ساكتة خليت مكتبي على جنب وصرت قليل أتكلم كله مابيهم يضحكون بي ..انخطبت كذا مرة وكنت أرفض وللآن أرفض بتقولون ليش ؟ أقول مادري حاولت أوافق عجزت .. ابوي طبعا مع رفضي زاد بسبي وشتمي وضربي ,, راحت السنين ولازالت الثقة عندي معدومة محرومة من الطلعات والتمشيات والأسواق بالحيلة أروح ولو درى أبوي صار نهاري ليل ... مايقصر أبببببد بالتضييق علي وأصلا من صغري كان مايحبني ماتذكر له موقف واحد يحببني فيه .. بدا يسبني بزيادة ويتمهزأ فيني وبعنوستي وطردني من بيته كذا مرة وأقسم بالله العظيم عمري مارفعت صوتي عليه ومعاملتي معه منتهى الاحترام عكس خواتي وأخوي ومع هذا لقاني أرض خصبة يزرع فيها قهره وأمي للأسف كانت تساعده كانوا باسلوبهم هذا يظنون إني أبتزوج يعني بيطفشوني بس ألي صار العكس تعقدت زيادة وكرهت الزواج بس أبكي ولابي طاري الزواج ولا الرجال .أمي مع إنها متعذبة وذايقه الويل إلا أنها بين فترة وفترة ترمي علي كلام مثل كلامه صاروا كأنهم يتفقون وش بيسوون بكره ,, خادمتهم ومافي بالبيت غيري عندهم حتى أخوي تزوج وزدت ثقل عليهم أمي مريضه وتدخل المستشفيات كذا مرة وأخدمها بعيوني ولا قد تأففت لوضعي ومع هذا كأنهم يقولون وش هذي ألي ماتحس !! حياتي ماحد يتخيلها ..لازمة سجادتي ومصحفي والحمدلله ومع هذا اتهمني ابوي بعرضي .. الكل يشهد بأخلاقي والتزامي ومع هذا مضيق علي حياتي وممنوعه حتى من السوق وكأني أطلع مع شباب مانعني أعز نفسي مع سواق يوديني ويجيبني للمدرسة وحكم أخوها يوديها وأخوي يقول متضايق مني مع إني أعطيه كل شهر مبلغ غير مساعداتي له بزواجه وبسيارته بس يقول ياختي روحي مع سواق قلت قل لأبوي قال لا بيزعل ..ولو أخوي صار عنده ظرف غبت ذاك اليوم عن المدرسة أو دورت لي أحد بسكات يمرني وأبوي نايم ..خواتي المتزوجات يروح يجيبهم ويجيب عيالهم من المدارس وأنا لو أبي مستشفى أنرمي ع السرير عمره ماوقف علي يقول شلونك ؟ يعني ش أقول بس عسى الله يفرجها لي من عنده ..
قبل فترة عزمنا أخوي على عشا ببيته وجو خواتي وبناتهم ألي من متى لمتى نشوفهم .. كبار البنات بالكليه من 19 – 22 سنة , جو واللبس العاري والتنورة القصيرة فوق الركبة والبناطيل الضيقه ألي تطلع الظهر من ورا .. المهم قام الوالد العزيز يتغزل فيهم عشان يغيظني ويضحك لهم ويمدح بأجسامهم وهم ميتات ضحك ..بدل مايقول تستروا وعيب يمدح فيهم .. وأنا إذا طلعت برا ولبست قفازات قعد يتمهزأ فيني يالمعقدة والأغاني إذا قصرت الصوت قام يهاوش ليه تحرمينها ويطول عناد الدش دخله بالبيت مع إني رافضته بس عناد فيني .. يعني يعاملني كأني عدوة .. قبل فترة سبني وشتمني كالعادة بدون سبب وطردني وأنا بعد ساكته زي دايماً ..ويوم زودها بسبي رديت قلت حرام عليك اتق الله وش سويت لك وبديت أصيح وأتحسب ربي ذوقتني المر من صغري حرمتني أقل حقوقي وساكته وماسلمت من سبك وشتمك ليش كل هذا !! زاد وطردني ..حسبي الله ونعم الوكيل ..قمت اتصلت بأخوي وقلت دور لي بيت أبشتريه أو أستأجره نطلع أنا وأمي لأنه يطردها أكثر مني .. قال أخوي إن شاء الله وطنشني قلت له كذا مرة ومن كم سنة أبي بيت وأبوي رافض وأخوي يطنشني طبعا لابد إنهم متفقين يضيقونها علي .. يارب وين أروح بس ؟ الحمدلله
مادري أقول هذي ذنوب وإلا ابتلاءات ولا وشي يااااارب الصبر ...
حبيبتي غروب لزمت علي أكتب لكم قصتي بعد مامدحت فيكم إنكم تدعون لبعض أكثر من خوات وإلا أنا قطع عني النت الوالد الغالي مع إنه بفلوسي بس من باب التضييق ..
لعلي أقرأ ردودكم بأقرب وقت
ادعووووولي بالفرج ولأمي بالشفاء عسى منكم مستجابة الدعوة
أختكم نورة
رجـــاء حااار من المشرفات لاتحذفون الموضوع يمكن كلمة من البنات تخفف عنها
ولكم يابنات الي ماعندها رد يواسيها ويصبرها ولو بدعاء ياليت لاترد تراها نفسيتها دمااار بس تبكي ليل نهار ..الله يفرج لها من عنده
غروووب 2 @ghrooob_2_1
محررة
يلزم عليك تسجيل الدخول أولًا لكتابة تعليق.
لاحول ولاقوة الا بالله ..... الله يفرج همك حبيبتي عليك بالاستغفار وقراءة سورة البقرررررة يوميا الله يفرج همك يارب ويعوضك ويرزقك بزوج الصالح التقي الغني يارررب عاجلا غير اجل يارب العالمين . بصررراحه حتى الاهل ساررررررررررررررررررررو مايرحمو مو اول قصه اقراها كذا سار من جد في مجتمعنا عنف اسري غير طبيعي الله يفرج همك وهمنا يارب
لا حول ولاقوة الا بالله..الله يصبرك مهما كان هاد ابوك..بس مو لهاي الدرجة صراحة دمعت عيني بس قرأت قصتك..الله يوفقك ويهديك وييسر امرك ويرزقك زوج صالح..حاولي تدوري على شقة انتي مو لازم اخوكي..يعني لما تروحي المدرسة اسئلي المدرسات..او انتي و راجعة من المدرسة حاولي تدوري..والله ما بعرف شو اقول..هاد الي عندي..و اتمنى اني اكون افدتك..تحياتي...
الصفحة الأخيرة
لاحول ولا قوة الا بالله......الله يفرج همك ويرزقك بالزوج الصالح عاجل غير آجل ويشفي امك ويهدي ابوووك ياااارب ......وباذن الله يانوره ماراح انساك من الدعاء...اهم شي لاتتركي قيام الليل والاستغفار والدعاء وباذن الله الفرررررررج قرررررريب يانوره