قصة هروب شغالتي ومكتب الأستقدام النصاب

السلام عليكم
ياليت اذا فيه احد مر بنفس وضعي يساعدني و يعلمني وش سوى؟

شغالتنا هجت بعد ثلاثة اسابيع بس من وصولها وعلمنا المكتب قالنا خلصوا اجراءت البلاغ و انا أجيب لكم جديدة بس انتم تتحملون قيمة التأشيرة الجديدة ألفين ريال قلنا طيب الشكوى لله وش نسوى.
أخذت الاجراءت الرسمية للتبليغ و تسليم الجواز حوالى عشرين يوم, راجعنا المكتب بعدها قال راجعوا شئون الخادمات يمكن عندهم لأنهم كلموني و قالوا فيه لك خمس شغالات عندنا هاربات و يمكن شغالتكم بينهم قلنا طيب ما ح نرضى لك بالخسارة و راجعنهم و الشغالة ما تبي تطلع لأنها اتفقت مع ناس تشتغل عندهم مؤقت.
المهم صار هذا حالنا رايحين جايين نترجى بهالشغالة عشان صاحب المكتب ما يخسر على الرغم ان هذي مهب شغلتنا لأن الحق معنا مئه بالمئه بمجرد هروب الشغالة بس الواحد ايش يسوى على نيتنا.
المهم نهاية هالفيلم وقعت هالشغالة مخالصة بانها ما تبي تشتغل نهائي عندنا و انها حابه تكمل قاعده بشئون الخادمات و ان فرع مكتب الاستقدام بسريلانكا قالها و الشغالات اللى معها اذا وصلتم بيت كفيلكم بالرياض و لا جاز لكم ما عليكم منهم هجوا وأتركوهم و هم يدبرون أنفسهم, هذي الورقه الرسمية حسب كلام شئون الخادمات تضمن حقنا بان المكتب يعوضنا تأشيرة و شغالة جديدة لأن الرفض من طرف الشغالة.

طبعا كل الكلام اللى فات كان بحضور مندوبين من مكتب الأستقدام واحد سعودي و واحد سيلاني عشان يتفاهم معاها, يعني فيه شهود على صدق كلامنا و هم اللى قالوا ترى بورقة المخالصة ح نعوضكم

المهم قلنا بنتغاضى عن قيمة التاشيرة و نحن بندفعها على الرغم انه المفروض المكتب يتحملها,لما جت ساعة الصدق و رحنا للمكتب عشان نكتب عقد جديد و نقدم, قام صاحب المكتب يستهبل و يقول كيف ترضون لي بالخسارة و انا كذا انسرقت و لف فينا السبع لفات, قلنا له انه نحنا اشتغلنا لك معقبين على الرغم انه ما هي مسئوليتنا بس و لا شغلتنا بس النيه الطيبه و ما تسوى

نهاية الكلام ما رضى يجيب لنا شغالة جديدة و لايعوضنا عن ريال يعنى سرقنا عيني عينك و كل اللى كان يسويه قبل عشان يماطل فينا لين ما تخلص الثلاثة شهور.

أصلا كان المفروض نفهم من أول و لانطاوعه بالمماطل لأن أكثر من مرة رحنا للمكتب لقينا ناس عنده اللى يتخانق مع شغالته او مزارعه

مين مر بنفس وضعي و وش الأجراءات أو الجهات اللى ممكن أراجعها عشان ترجع لى حقي؟ و كيف أقدر أشتكى المكتب ؟ لأن كل اللى سألنهم قالوا الحق معكم ميه بالميه

على العموم اسم المكتب هو الصفوة للأستقدام بالشفا-شارع ابن تيميه عشان لا تتورطون مثل ورطتنا لأن ما أتمناها لأحد