بسم الله الرحمن الرحيم
بغيت اخلي التكمله بعد اسبوع بس شفت الردود وخرعت
وانا بغيت اخليه مسلسل مدته 15 سنه
والي ما تدري ايش السالفه هذا رابط الحلقه الاولى http://forum.hawaaworld.com/showthread.php?t=2311375
نكمل معكم
بعد ما دخل عليه الاستشاري وكان بريطاني الجنسيه
حاول يكشف عليه ثم صبت المويه والدم
شاف الوضع وقرر عمليه قيصريه
في هذه الحظه دخلو زوجي عليه
وقالولو لابد من اجراء عمليه قيصريه من اجل انقاذ الجنين
وجاني يقولي ان الدكتور يقول لازم عملية ولاده
وقلت الى يقدمو ربنا خير (ما ادري انها عمليه قيصريه)
المهم جاب الاوراق وطلب مني اوقع
اقول لزوجي ليش كل هذه الاوراق
قال عشان العمليه
اقوله عملية ايش
قال عمليه قيصريه عشان الطفل معترض
لاحول ولاقوة الا بالله العلي العظيم الله يقوي صبري
المهم وقعت الاوراق ودخلت غرفة العمايات
فاصل ونواصل
امزح والله امزح
نكمل
هذا كله كان اخر يوم من رمضان
ترى انا اجبن خلق الله ادوخ من تحليل
يوم سويت تحليل الحمل طحت وسط ممر المستشفى
ولمن يحطو مغذي اقل شي اربع او خمس ابر عشان تلاقي عرق
وكذلك لمن اسوي تحليل
المهم يوم دخلت غرفة العمليات اخذ راحته الاستشاري
وسوى العمليه كلاسيك يعني فتح البطن والرحم بالطول
ترى فتحت البطن غير فتحت الرحم (اوضح لكم بعدين)
خرجت من غرفت العمليات ماادري عن اي شئ ولمدة يومين
كان يجي زوجي ويروح ما ادري عن شئ
زوجي وخالتي (ام زوجي)راحو للحضانه وشافو الولد
كان وزنه 900 جرام وله شعر اسود غزير وكان ابيض على حمره
ثالث يوم جاء زوجي وابوه واخويا وكان ثاني ايام عيد الفطر
وبعد مقدمات طويله اخبروني ان الطفل مات بعد 12ساعه
انا لله وانا اليه راجعون
تخيلو مات يوم العيد الساعه سبعه صباحا
خمس ايام وطلبت الخروج من المستشفى
بالنسبه للعمليه بالطول بعد ثلاث شهور رحت عند دكتوره خاصه
وبينت لى ان هذه العمليه خطيره على الحمل الثاني
واذا الدكتور سوى نفس الطريقه الاوله احتمال تكون اخر عمليه
يعني طفل وبعدين ما اقدر احمل
بعد تسع شهور راجعت معاها بحمل جديد
ونفس الشي جاني طلق مبكر في الشهر السابع
بس اكتشفت الموضوع من البدايه لاني كنت احس بالم جدا بسيط
وحولتني على مستشفى حكومي ولله الحمد عوضني ربي خير
وقصتي هذه عشان تنتبهو من الطلق وخاصه البكريه
ولله الحمد الان عندي اربع الله يحفظهمويوفقهم ويصلحهم
اشار عليه الاستشاري اني اسوي عملية تعقيم لان الرحم ما يتحمل
شي من لاشي @shy_mn_lashy
محررة فضية
يلزم عليك تسجيل الدخول أولًا لكتابة تعليق.
الله يعطيك الصحه والعافيه ويخليك لعيالك أدعلي أنا بكريهالله يعطيك الصحه والعافيه ويخليك لعيالك أدعلي أنا بكريه
الله يتمم حملكم ويقومكم بالسلامه ويرزقكم الذريه الصالحه
الصفحة الأخيرة
والله خوفتيني انا الحين يجيني الم مثل الطلق بس مو منتظم بين فتره وفتره يعني بين ساعتين لا ساعه ونص
بس مانزل عليي شي
قلت ما راح اروح المستشفى لما ينزل عليي مويه ولا دم
وان شاء الله خير بس نفسي اولد وافتك لان حملي متعب