السلام عليكم ورحمة الله ..
الله يحمينا وذريتنا وامة المسلمين ..
طبعا خواتي موضوعي باين من عنوانه هذي الحالة اللي شفتها الله المستعان ومن خلال متابعتي لها حبيت تشاركوني قصة العلاج وعطيكم اخر التقارير عنها ..
واحب اطول وادخل الموضوع القصة ان لنا صديقة مقربه للوالدة ماشاءلله تبارك الله بناتها جميلات وناعمات
الله يحفظهم ..
وذيك اليوم وانا اكلم امي صوتها ماش ما عجبني قلت لامي يمه وش فيك منتي رايقه وفيك شيء ومتضايقة ..
قالت والله يابنيتي خالتك فلانه بنيتها لها 8 شهور ما تقوم مايسحبنها الاسحب ببطنيتها للحمام الله المستعان ..
قلت علامها وش فيها سلامات قا لت والله ما دري يناامك بس تقول عندها درن عنقودي بالعظام ..
عاد امي تخبر جارتي ام يوسف ترقى وتعالج بالرقيه ومشهودلها بالصلاح قالتلي كلميها يناامك يمكن نلحق البنيه ..
والله فعلا كلمت ام يوسف وقالت بستخير وارلك اليله ..
وفي نص الليل ردت لي وقالت ان شاء الله نبدا معها بكره الصباح 6
لان التاخير مهو بصالحناالمرض ياكل عضمها وانا ما صدقت خبر عملت جميع الاجراءات للموعد ..
ومن الصباح صلينا الفجر وتوجهنا الى بيت صديقة امي ..
ودخلنا غرفة المريضة الله المستعان وش اشوف الله المستعان ورفع الضر عن عبادة هيكل عظمي على السرير لاتقوى حتى على الكلام الا رمزا ..
وبدات الراقيه ام يوسف تتفقد جسدها النحيل جدا جدا وهي للموت اقرب منها للحياة ..
عمودها الفقري والله عناقد مثل العنب ..
والحمى هدت جسمها تقول امها مانامت من الحمى ..
طبعا ام يوسف قيمت الحالة وانها تحتاج 6 اشهر من العلاج اليوم كان الاول ..
يتبع مع باقي التفاصيل ..
بنات اسالكم الدعاء لها ولامة المسلمين بشفاء العاجل ..
عاشقة الصداقة @aaashk_alsdak
كبيرة محررات
يلزم عليك تسجيل الدخول أولًا لكتابة تعليق.
الله المستعان الواحد عينه على غيره ما يقولون الحمد لله وما شاء الله
لا حول ولا قوة إلا بالله الله يشفيها
لا حول ولا قوة إلا بالله الله يشفيها
الله يشفيها يارب عاجلا غير ااجل والله يكفينا شر العين والحسد
اختي انتبهي للاخطاء الاملائيه خصوصا في الايات القرانيه
اختي انتبهي للاخطاء الاملائيه خصوصا في الايات القرانيه
الصفحة الأخيرة
بسم الله بسم الله بسم الله وماتوفقينا الابالله ..
بناات انا توني جايه من الجلسة وسبحااااااان رب العزة عن ما يصفون ..
قال تعالى ( لو انزلنا هذا القران على جبلا لرايته خاشعا متصدعا من خشية الله )
اللي ماتابعت جلسة الامس كانت قرات تحصين والحمى اليوم والحمد لله رب العالمين
جينا لقينا البنيه متحممه والحمى بالليل ماجتها ونامت نوم هادي بعض الشيء ..
تخيلوا بنات ابوها اليوم يقولنا ان حبوب الدواء يوم يعطونها ايه تطيح من ادينهم واللي ماتطيح توقف في حلقها
اخذنا الدواء وقرت عليه ام يوسف وعطتها ايه والحمد لله تعبت شووووي بس بلعته بعد مافتتنها ارباع .
استمرت بالقراءة ساعتين ونص واثناء القرءاة كانت تستفرغ بلغم
وتحس اوجاع شديدة في الكتف والرقبة والبطن وركزت على الورام اثناء القرءة
ولاتكاد ام يوسف تستطيع لمس راسها او حتى شعرها ..
مرت الجلسه هاديه وبدون توقف انتهت الجلسه الثانيه ..
تقرير ام يوسف
تقول ان البنت فيها عين .الله المستعان وتقول ان البنت مطبقه عليها وان علاجها يطول
اذا ما تعاونوا الاهل وداوموا بالتحصين لن تنفع اي رقيه وانها كل يوم حتبدا من جديد .
نوع الاورام عنقودي منتشر بعضه ظاهر والاخر تحت الجلد وبالقراءه باذن واحد احد تختفي تدرجيا
بناااااااااات تـــــ..ــــــــــــــــرا التتابع مهو بيدي هذي حالة انقلها لكم مباشر وتدرون بعض الاوقات انتظر وقت فراغي عشان اتقن كتابة التقرير وعذروني على التوقف الان ..