بكتب لكم قصه حقيقيه روتها لي زميلتي في العمل وهي قصه اعز صديقاتها وبنت جيرانهم ..قالت لي القصه لانها عجزت ان تخليها تسامح اختها ..فحطي نفسك مكانها وقولي لنا شكنتي بتسوين .. بعيد الشر عنا وعنكم جميعا.. وكل وحده تقدر تكتب رايها بكل صراحه واللي ما تصدق عنها ماصدقت ..هذي قصه حقيقيه وموجوده في الحياه
هم عائله مكونه من اب وام 3 اخوان و3 خوات.. الام والاب تربو ايتام وانتو تعرفون كيف حياه الايتام قاسيه ومُره ومافيها رحمه..وماراح اطول فيها لانكم فاهمين يعني شنو ايتام..اكبرالبنات بسميها.نوره وهي البكر.. وصديقة زميلتي بسميها حنان.... اعرفكم على حنان اول شي حنان وهي فعلا حنونه ومحبه للناس وانسانه طيبه وتتقي الله وتحب اسرتها بشكل قوي جدااا مرحه وكريمه النفس ..نوره اكبر خواتها ونوره شخصيتها وباختصار من جميع النواحي منتهيه.. يعني عمرها ماصلت وماتتقرب لله نهائيا في الظاهر على الاقل لاننا لا نعلم ما بداخلها... ما تحب امها وابوها لانهم دايما ينصحونها ويحبون لها الخير؟؟غريبه الاطوار.. وبما ان الام والاب تربو في بيئه قاسيه وجافه فاسلوبهم كله هواش وصراخ اذا شافو شي غلط او ظلم او تقصير او استسهال في الامور المهمه ...يبدؤون في الهواش والصراخ وخاصه الام..ونوره هذي عنيده عناد مب طبيعي وانسانه متعجرفه ولابسه ثوب مب ثوبها..وماتحب احد ينصحها ودايما ما تتشرف في اهلها اذا راحو اعراس او مناسبات تحب انها تكون محور الجلسه حتى لو امها قاعده.. تحب المظاهر تحب الناس الاغنياء وتتقرب منهم ...تحب الشهره ,طليقة اللسان ومرحه واللي ما يعرفها يقول عنها ملاك تمشي على الارض من اسلوبها العجيب اللي يحبب الناس فيها لدرجه لا تتصورونها..صديقاتها كلهم بنات وزرا وسفرا..ومادري كيف وصلت لهم..!!دايما تحب ان تحطم اختها حنان .. بانتقادها الجارح لها في شكلها او كلامها او ارائها مب هي بس الا كل خواتها وتنزل من قدرهم قدام الناس وماتحب انهم يروحون معاها اي مكان..كله تقول لهم انتو ما تشرفوني الصراحه والله انكم تفشلون وحنان تسكت ومرات تبكي من القهر ,,
كل الخطاب اللي كانو يبون يتقدمون لحنان او اختهم الاصغر.. تخرب عليهم نوره وتتكلم بسوء عن خواتها قدام الناس..نوره هذي بدت تكلم شباب العيله وتتصل عليهم من تلفون البيت مادري شهالذكاء اللي عليها ..!! لا وعمرها 15 سنه بدت بسوالف شباب وخرابيط.. وتسولف معاهم لا وتقول لهم انا نوره بنت الفلان الفلاني عرفتوني!! وانها تبي تتعرف.. نسيت اقول لكم صديقاتها لا يعدون من كثرهم وكلهم يحبونها وتعالو شوفو المعجبات واللي بغت تذبح عمرها عشان نوره!!! وكله تحب تسوي حفلات في البيت وصورها مع صديقاتها تخشهم ماتراوي احد مادري ليش!!حنان شافت بعض الصور مره وتقول كانت صور غير لائقه..مع صديقاتها. تكره شي اسمه خوات واهل...
المهم صارو الشباب اللي تكلمهم ينزعجون منها لانهم عارفين من هي ومايبون يتوهقون مع ابوها لانه انسان محترم ومعروف بين الناس..المهم ابوها صادها تغازل ذاك اليوم الا ويهاوش ويقول لامها ربي بنتك هذي ومن بعدها بطلت انها تتكلم في التلفون لان امها فصلت خدمة التلفون من البيت..يعني السالفه هذي قبل الجوالات ...المهم مرت الايام والبنت دخلت الجامعه وهني بدت نقطة التحول!!! البنت دخلت الجامعه وتعرفت على ولد الجيران ! وحبها وهي حبته وصارو يسولفون ويتلاقون ورا البيت وفي يوم من الايام حنان مشت وراها و صادتهم ورا البيت وهم يسولفون ويضحكون ..وقالت لها شجابكم هنا وحلفتها ما تقول لامها وصارت تاخذ حنان كل مره تقابله عشان محد يشك اذا احد ثاني صادها!!!وحنان كانت صغيره وماتعرف شسالفه.. , ومرت الايام وتقدم لها ولد الجيران بس الام والاب رفضو لانها صغيره وقالو انخطبي الحين بس اجلو العرس لحد ما تنهي الجامعه بس هي رفضت وصارت تكره امها وابوها بزياده وصارت تكره اخوانها الصغار وخواتها وماتحب تقعد معاهم وصارت تشكي لخطيبها عن امها وقسوتها وان امها ماتحبها وصار هو يكره امها بعد وصار مايسلم حتى لو شاف ابوها في وجهه .. امها سمعتها مره وهي تتكلم في التلفون وتقول كلام سئ عنها وعن ابوها وانها ميته تبي تطلع من هالبيت اللي يغث ..
امها قالت لها انا كنت ابي مصلحتك بس مادام انك شايله علي لهالدرجه مافي داعي هالموضوع يسبب مشكله بيننا.. سوي عرسك بكره اذا انتي قادره تكملين الجامعه مع البيت .. وسوت العرس وهي في سنه ثانيه جامعه!! حملت من ثاني شهر ..ام نوره راحت لها الجامعه في يوم من الايام وسالت بنت عن بنتها عاد البنت قالت لها نوره اكيد في الكافتيريا.. امها استغربت من كلمه( اكيد في الكافتيريا )... امها على طوووول راحت للاداره وقالت لهم انها تبي كشف عن مواد نوره واللي باقي عليها ودرجاتها وكل شي ..قالو لها ارجعي لنا بكره ان شاء الله ونسلمك الورقه.. المهم امها رجعت في اليوم الثاني وهني كانت المفاجاه ان نوره مادرست الا شهرين من اول مادخلت الجامعه والباقي لعب في لعب مب ماخذه مواد ولا لها حضور وكله جلسات في الكافتيريا ومعجبات وحبايب ومادري اش... امها انصدمت ...يوم راحو البيت سالت نوره وصارت نوره تكذب وتقول انا تعبانه وحامل ومادري اش امها قالت لها ولييييه تعذبين زوجك وابوك كل يوم يودونك الجامعه وهني بدا الصراخ والهواش وصار بيتهم قلق في قلق ..وبدت نوره ما تجي بيت ابوها الا مره في الشهر وصارت امها ما تاكل ومنصدمه في بنتها وتشكي لام زميلتي السالفه وتقول مادري ليش بنتي طالعه كذا مع ان عمري ما قصرت عليها بشي!!..والحق ان امها مثل ما قالت زميلتي انها فعلا انسانه حقانيه وقويه وحنووونه لابعد الحدود بس بنتها الله يهديها..
نوره وعدت امها انها تكمل دراستها باذن الله بس كله كذب بعد ماولدت قيصري ببنت.. قامت تتحجج وماقدر وانا تعبانه وسنه كامله وهي في البيت.مره قالت لها حنان ..ودي بنتك لامي وكملي دراستك قالت لا لا مجنونه انا اخليها عند امك هذي كفايه انها خربت حياتي وصارت تتكلم على امها بكلام جارح وسيء وحنان صارت ..تدافع عن امها لما سمعت هالكلام لان امهم انسانه بعيده عن الظلم ..
المهم قررت نوره انها تترك الجامعه وتدور لها على وظيفه صارت كل مادخلت وظيفه تتكلم مع الشباب اللي معها في الشغل كثير ويتصلون على بيتها لدرجه ان زوجها شك فيها..وزوجها كان يحبها حب بس من بعد اول سنه زواج صار يكرهها لانها لا تنظف البيت ولا تهتم في زوجها وحتى ماتغير فرش السرير اللي ينامون عليه ولا تطبخ له وكلامها كله كذب في كذب وصارو الضيوف لمن يجونهم يستغربون بيت كانه مهجور وريحته ريحه ويفشل ومعتفس , وحتى اذا جابت خدامه الخدامه تهرب من بيتها لانها تصارخ وتذل ومحد يستحملها جابت اكثر من مره بس كلهم يهربون منها صارت ام نوره لما تشوف بيت بنتها وصخ وان نوره ما تسمع الكلام ولا تهتم صارت تطرش حنان واختهم الصغيره عشان ينظفون لها البيت اذا بيجونها ناس ..ولا تتزين للزوجها كل زينتها للاعراس وكله مع صديقاتها وطلعات غريبه عجيبه كل يوم نازله من سياره شكل وناس غريبين وكلهم ناس فوووووق...زوجها صار يعاملها معامله الكلاب ولا يهتم فيها وهي صارت تكرهه كره قوي .. صادها مره وهي تكلم ولد الجيران تقول له وينك ما شوفك هالايام عاد هو قال لها شسمك طيب وزوجها دخل البيت وقال لها انا سمعتك ادخلي البيت وصار يهاوشها بس هي لانها طليقه اللسان تعرف كيف تكذب وتلعب على عقل زوجها الغبي مثلها واسوء بعد وللعلم هو طلقها مرتين بس ماقالت لاهلها ولا طلعت من بيتها وفي المرتين استخدمت ابنائها بانهم يترجووون ابوهم عشان يرجعها...
.صار زوجها يكرهها وصارت تجيب منه اولاد وبنات لحد ما صار لها 4 بنات وولدين.. تخيلو كل هذا بس عشان مايطلقها صارت تحمل كل سنه عشان تربطه .. هذا كلامها تقول انا احمل عشان ما اتطلق كلمه مطلقه بتخرب برستيجي يعني منظري قدام الناس ؟؟؟,,,
كل حياتها وهي في كره كبير لامها وخواتها خاصه.. وتقول لامها بناتك هذولا محد بيتزوجهم من كثر ما انهم قاعدين في البيت ويسمعون كلامك وصارت تحرض البنات في بعض والشباب في بعض وتحاول ان امها تكره اخواتها كل همها كيف تسوي فتنه في البيت.. !!وماتحب امها ولا عمرها اتصلت تسال عنها ولاعن ابوها.. والام كله تسال ونوره تقول لامها ليييه تسالين عليي الحين وامها تقول لها وانا وشسويت لك!! المهم مرت الايام وزوجها تقاعد وهي صارت تنطرد من كل وظيفه لانها غير مؤهله بالاضافه انها كثيره الكلام وتسوي فتن بين الموظفين بعد ما زوجها تقاعد صار ماعندها مصدر دخل قوي وبدت تسرق من امها فلوس وصارت تسرق من بيوت اخوانها ومن خواتها وحنان تقول مادري من سرق فلوسي اللي كانت في الكبت !! وبدت علاقتها في الناس الكبار تكثر !! وزوجها مايدري وحنان تشكي و تقول انا خايفه ان ننفضح قدام الناس من هالغبيه..
و في يوم من الايام قرر ابوها انه يرجع المدينه اللي فيها اخوانه واهله وقرر انه يشتري بيت هناك ..بس الفلوس اللي معاه ماتكفي.. الام قررت انها تساعد زوجها وراحت باعت كل الذهب اللي عندها واللي جمعته خلال 35 سنه تقريبا.. ووصلت قيمه الفلوس اللي من الذهب 400,000 الام جابت الفلوس البيت عشان تعطيهم لزوجها ... وزوجها فرح كثير وقال لها والله ماعرف كيف ارد لك هالجميل.. والام قالت انت اللي شريت لي الذهب هذا كله.. ولبسته لك.. والحين ابيعه عشانك وصارو العيال يقولون احم احم نحن هنا...خخخخ في هالاجواء الرومانسيه البسيطه والسعاده كانت تغمرهم كلهم وفرحانين انه بيكون لهم بيت ملك واكبر واحد من الاولاد ساهم 100,000 وحطها عند امه... المبلغ الاجمالي اللي صار مع الام كان 500.000 شالت الفلوس وراحت حطتهم في الكبت عشان يسافرون اليوم اللي عقبه على الساعه 3 مساءا ويشترون البيت اللي في المدينه الثانيه...على وقت الغدا زاروهم ناس كثير عشان يودعونهم الاصدقاء والجيران وعيالهم وبناتهم حتى زميلتي اللي في العمل وخواتها وامها وخالاتها كلهم كانو عندهم هذاك اليوم و نوره كانت موجوده طبعا وكانت عاديه جدا وطبيعيه وتسولف مع الكل كالعاده بس كان مبين عليها انها رايحه جايه ما تستقر في مكان واحد ولو لدقيقتين تتكلم وهي واقفه وترروح وترد زميلتي في العمل سالت حنان وشفيها اختك رايحه جايه ليه ما تقعد معنا شوي قالت حنان بحسن نيه هذي اختي وهذا طبعها ما تعرف تستقر دقيقه في مكان
وصلت الساعه 2 الاربع صارو يجهزون نفسهم .. وامها راحت تفتح الكبت عشان تشيل الفلوس الا وماتحصل الفلوس راحت بكل برووود تسال زوجها لانه يمكن هو اخذها.. الزوج قال لا ما اخذتهم ولا شفتهم راحو سالو الاولاد وكل واحد مستغرب ويقولون لامهم ترانا مانفتح كبتك شفيك تسالينا هالسوال الغريب المهم الام راحت تتاكد مليون مره المهم نوره كان مبين عليها رعب وخوف بشكل قوووي وكانت ما تقدر تتكلم وتاتأ طول الوقت وكله تصيح بانهيار....الاسره كلها من قمه الفرح لقمة الحزن والتشتت وصارو يشكون في بعض ومحد قادر يكلم الثاني ومب عارفين شيقولون للناس وحنان كانت عند زميلتي.. في البيت طوول هالفتره وتروح تفتش كبت امها كل يوم خمسين مره مب مصدقه وصارت تشك في اخوانها وصارت تشك في ابوها والله العظيم.. الله لا يعيدها على احد من المسلمين من مصيبه.. حتى بيت زميلتي انقلب فوق تحت وامها كل يوم تبكي .. المهم مع الشكوك جابو الشرطه البيت وسوو تحقيقات مع الكل بس ما في اي دليل او اي علامه لشخص معين .. مرت الايام وهم شاكين في كل الناس ومصدومين .
.وهنا المفاجاه ولد خالتهم كان يحب خالته حب قوي لان امه توفت وام نوره كانت ما تقصر عليه وتحبه ويجيهم دايما في الاجازات وعمره تقريبا 22 سنه هالشاب قرر انه يسال ساحر عشان يعرف من ورا هالسالفه وطبعا هذا كفر والعياذ بالله بس هو قرر انه يسال هالساحر وسال الساحرانه يبي يعرف من سرق فلوس خالته وقال له القصه بالتفاصيل فقال له الساحر اكيد انه احد من اهل بيتكم اللي سرق مادام انه مادخل بيتكم حرامي و قال انه يقدر يعرف من السارق وشكله فقط بس ما راح يعرف اسمه عاد الشاب قال للساحر طيب انا ودي اشوفه كيف اشوفه واتاكد من هو قال له الساحر شوف الخادم حقي يعني الجني يقول لك بضرب اللي سرق الفلوس في الليل ضرب قوي بس ما بقتله عشان تتاكد وعلى كذا اذا هو احد من اهل بيتكم بتشوفه مضروب وبتعرف انه هو.. واذا ما شفت احد مضروب اكيد انه مب حد من البيت وبشوف لك طريقه ثانيه تعرف فيها هالشخص.
يتبع,,,
شوي وبكمل القصه اسمحوو لي حبيباتي..
يلزم عليك تسجيل الدخول أولًا لكتابة تعليق.
الصفحة الأخيرة
فقال للساحر خلاص اتفقنا قول للخادم حقك اضربه ضرب لين تشقق وجهه خخخخ بايعها ولد خالتهم واااااصله معاه..وقال يارب انه ما يطلع احد من البيت.والله اني انفجعت من هالقصه الغريبه..
المهم الليله اللي عقبها جات نوره بيت ابوها وهي مضروبه وزوجها مسافر وقالت لاهلها وهي تبكي انا خايفه امس انضربت ضرب في الليل ما اعرف ليه ومن اللي كان يضربني ..وما قدرت افتح عيوني من الالم وصارت تبكي وتبكي وعيالها مرعوبين وبنتها الكبيره تبكي وتقول البارحه اسمع صوت عالي وضرب في غرفه امي ولما فتحت الباب لقيتها على الارض تبكي .. والله العظيم تقول لي زميلتي انها كانت مصدومه واهلها كلهم انفجعو وحنان اتصلت عليها وقالت لها الحقي علي .. وراحت لهم البيت هي وامها الا ويشوفون نوره وجهها مزرق ومنفوخ وهي جالسه تصيح وتخبي وجهها الا واخوهم الكبير راح قال لولد خالته اللي صار بنوره ولد خالتهم انصدم وراح للساحر وقال له قول للخادم لا يضرب الليله .. وانسى السالفه .. المهم ولد خالتهم ماقدر يقول لهم انه عرف من اللي سرق الفلوس..واتصل في نوره وقال لها ليييه سرقتي خالتي ومرضتيها الله يموتك..صارت تبكي وتقول له من قال لك..وقالت ابي اتكلم واقول لهم بس خايفه من اخواني وابوي انهم يضربوني وانفضح قدام الناس .. بان على نوره التغيير وانها كله تصيح وحالها في سوء باستمرار وحتى ملامح وجهها تغيرت لحد ما قالت لحنان انا اللي سرقت ..طبعا حنان صارخت عليها وتذكرت ان البيت انسرقت منه فلوس كذا مره قبل بس هم ما توقعو انها تكون نوره ..وراحت قالت لاخوانها وخواتها وهم اصلا كانو شاكيين فيها لانها كانت ترجف طوول الوقت ومبين عليها الخوف والرعب..الام لما عرفت انها نوره بعد ما قالوا لها السالفه بنص ساعه اغمى عليها ودوها المستشفى صار معاها شلل في الرجلين من هول الصدمه.. مرت الايام والام صارت تتشافى بشكل بسيط يوم عن يوم وحالتها في تحسن ..يجونها شيوخ يقروون عليها وبناتها وعيالها فوق راسها طوول الوقت يصبرونها.بدت تتحسن ورجعت تمشي بس مب نفس قبل..والاسره صارو مايعرفون شيقولون للناس ومب عارفين وين يودون وجيهم من الناس اللي تسال شصار ومين اخذ الفلوس .. ما كان عندهم رد غير حرامي اللي سرقنا..صارت نوره منبوذه من الاسره كلها ومرت سنه لا امها ولا ابوها راضيين يكلمونها ونوره تقول شسوي يعني مب مهتمه كلش !!المهم الحين مرت عالسالفه 6 سنوات وحنان والكل محد يحب نوره واخوانها ما بينهم الا السلام..وخواتها ما يكلمونها ولا يسالون عليها الام والاب بعد ما مرت سنه وزياده خالة نوره جابت شيخ البيت وطلبت منه انه يصالحهم في بعض وصالحهم في بعض وتخيلو بعد كل اللي مر على هذي الام مازالت تدافع عنها اذا حد تكلم عنها بسوء وتقول لهم ربنا رحيم غفور من احنا عشان مانغفر بس حنان واختها واخوانها عجزو يسامحونها لانها كانت بتموت امهم بدون سبب امهم اللي تعبت عليهم وياما سهرت عشانهم اكيد كلكم تعرفون يعني شنهو ام.. لا والمبلغ كامل قالت نوره انه انسرررق مني وفتشو بيتها ولا لقو في فلس احمر ومالها حساب بنك حسابها مشترك مع زوجها ومافتحت لها حساب جديد لان جوازها وبطاقتها عند زوجها...الله اعلم وين الفلوس راحت وطبعا زوج نوره مايدري انها سرقت امها ... محد جاب له طاري هالموضوع عشان ما يطلقها ويخاف منها على نفسه وعياله..بس شك فتره وسال ام نوره بشكل صريح بس ماقالت له الحقيقه..الحين نوره مصابه بالسكر والضغط والروماتيزم في العظام ومازالت ما تهتم بامها وابوها بس تطلب من حنان واختها الثانيه ان يسامحونها وحنان رافضه كل الرفض.. لانها تقول انها هي السبب في مرض امي وامهم تشافت بس مب بشكل كامل و حنان واختها الاصغر تزوجوو ناس من عائله كبيره ونوره ما عمرها دخلت بيتهم... واخوانهم الاولاد اشترو لابوهم البيت اللي كان يبيه ,,خذو قرض واشتروا بيت لابوهم وامهم ...هااا يا بنات قولو لنا شكنتو بتسوون لو انكم مكانها...الله لا يحط احد مكانها واسفه علاطاله.. وشكرااااا