قصة والدتي مع سرطان الثدي شفاها الله

من كثر ماجلست اقرا القصص حبيت احكيكم عن امي الله يشفيها بدا المرض في شهر شعبان السنة اللي فاتت بعد شبكة اخوية طلعت حبة كبيرة على بره في الصدر من اسفل راحت عالمستشفى الجامعة وعرفنا بالمرض بدات العلاج الكيماوي ستة جلسات وبعدها عملية استاصلو الورم والغدد اللي في الابط وبعدها كمانة رجعو اعطاها كيماوي وقالو انو وقائي عشان المرض لايرجع واخدتها 8 جلسات ودحين يوم 1شهر 8 عملنا فرح اخوية ومن بعدها صارلتها حالة ماحنا عارفيين ايش عندها ودينها المستشفى وقالو مافيها شي هي عندها زي الكتمة يعني ضيق في التنفس وماتقدر تمشي خطوتين وتتعب وصارت بس مسدوحة عالسرير ولاتاكل ولاشي بس اليوم اخدت لبن ومويات بس ومعاها اسهال ًً..........واختي تقول يمكن عشان العلاج الكيماوي وقف ودي من اعراضو والمشكلة بعد كم يوم عندها علاج اشعاعي وماتبغى تروح انتو ايش رايكم وان شاء الله بنجيبلها شيخ يقرا عليها

دعواتكم لها بان ربي يخفف عنها ويشفيها يارب