قصة وحدة حامل شفتها في مدينة الملك فهد الطبية

السلام عليكم ياحوامل والغير حوامل
انا بنصحكم نصيحة واتمنى انكم تتذكرونها في كل وقت وكل لحظة انكم تحمدون ربكم كثير وتشكرونة على النعمة الي انتم فيها ومن شاف مصيبة غيره هانت علية مصيبتة
انا امس كنت شوي تعبانة ورحت لمدينة الملك فهد الطبية والطبيبة كانت عندي دخلت مريضة للقسم وهي في حاله لا يعلم فيها الا الله دخلت الغرفة الي جنبي (انا بكرية واول مرة ادخل واشوف قسم طوارئ الولادة وشفت هالحالة وغيرها وبديت انتفض من الخوف لدرجة اني نسيت انا ليش جاية) المهم واسمع الممرضات يقولون لها انسدحي وترفض وهي تصيح وتقول نزل نزل وتقولها الممرضة ايش نزل موية؟ دم؟ وتقول لا اسمعوا ياحريم انا يوم سمعتها تقول وش الي نزل انصدمت قالت الحبل السري نزل مع المثانة الاخت هي حامل بالشهر الخامس وهذا الحمل الثالث الاول جابتة قيصرية وجاء الطفل سليم الثاني جابتة بعد قيصرية لكن توفى بعد ساعتين من الولادة لكن اثناء العملية شقوا المثانة مع الرحم والرحم ماخيطوة زين كل هذا في مستشفى في البكيرية تخيلوا لها ثلاث سنوات بهالحالة ولا سوولها شي حسبي الله عليهم وجت يوم حست بتعب راحت لدلة ومادري بالضبط وش قالولها طلعت منهم على طول وجت للمدينة يوم كشفوا عليها صار الجنين متوفي له اسبوع وتخيلوا كيف الرحم متلخبط مع المثانة المهم قرروا لها عملية على طول ونادوا زوجها يوقع على العملية وقالوله انه احتمال نشيل رحمها لان الطفل صارله اسبوع متوفي وسبب جرثومة وبنخيط المثانة ومسكينة ماتدري وش بيسوون في العملية وبعدين انا طلعت وهي اخذوها للعمليات... ومن امس والله مانمت بس افكر فيها وادعيلها انالله يشفيها ويكشف ضرها ويلطف بحالها ويقومها بالسلامة والمسلمين اجمعين ...
الحمدلله الذي عافانا مما ابتلاهم به ياربي لك الحمد ولك الشكر على النعمة الي حنا فيها ..