قصة وفاة اختي

السلام عليكم
اليوم بحكي لكم قصة وفاة اختي الله يرحمها ويغفر لها كنت انا واختي ب المطبخ نصلح الغدا اختي كانت اخر يوم ف حياتها تعبانه مررره وكسلانه قالتلي انتي صلحي الغدا قالت نفسي في رز سليق قلت لها بسوي كبسه م فيني حيل اسوي غدا مرتين خلاص كلي معنا وبكره اصلح لك بعد م خلصت الغدا جلست اسولف معاها وهي ماترد قلت لها ليش م تردين والتفت عليها وتفاجئت فيها كانت رافعه عيونها فووق انفجعت منها وكلمتها وحاولت اعرف ايش فيها ولكن م قدرت صرخت انادي اهلي الكل تجمع علينا وقالت جارتي اختك تنازع هذي سكرات الموت كنت اشربها مويه وتغرغر ب المويه م تبلعها تطلعها برا من خوفي عليها ضميتها وحطيت فمها على صدري ع بالي ان روحها بتطلع وتضرب في صدري وترجع لها لحضات ورجع لها بصرها وصارت تشوفنا وكل واحد منا شافته وفي الاخر استقر نظرها عليه ارتحت قلت م ماتت كلها ثواني الا شهقت بقوه وطاحت على صدري وانا من الفجعه ضميتها وابكي عليها ع بالي اغمى عليها شالها اخوي ووداها المستشفى وانا اترجى ف الدكتور واقوله الله يخليك سو اي شي بس لاتقول ماتت قالي انا م بيدي شي قولي الله يرحمها هي توفت ف البيت عندكم وانا من الصدمه اقوله كذاب طيب اعطوها كهرباء قال خلاص توفت والنبض موقف وترجيته الما صلح لها صعق بالكهرباء ومن شدة الصعق كانت تتحرك يعني كأنها تجلس ولما شفتها تحركت فرحت وطلعت لاهلي اقولهم ما ماتت باقي عايشه طلعت امي من الغرفه وهي تبكي ضميتها وانا فرحانه قلت لها الحمدلله الحمدلله صحيت خلاص لاتبكين يومه كلها كم يوم وتطلع قالت امي الله يرحمها برحمته خلاص م عاد بناديها بعد اليوم قلت شفتها تحركت قالت اختك ضيفه عندنا وراحت لبيتها وربها والله م استوعبت الي تقوله وطول الوقت ع بالي انهم كذابين وانها في غيبوبه وبتصحى منها دخلت عليها الغرفه لقيتهم مربطين رجولها ومغطين وجهها رفعت الشرشف عنها وجلست اتأمل فيها قلت لها قومي عشان بسوي لك رز سليق قومي عشان نسولف مع بعض وجلست اكلمها وبعد 3 ساعات تقريباً جو الممرضات بيأخذونها لثلاجة الاموات عشان ندفنها اليوم الثاني صرخت عليهم وماخليتهم يأخذونها كلمت الدكتور قلت بجلس معاها الما تصحى خلوني قال هذا نظام لازم تروح للثلاجه عشان اوراق الوفاه عندهم تستلمونها من هناك صرخت عليهم وجو اخواني وسحبوني بالقوه من عندها رحت البيت مو مصدقه البيت مليان ناس كلهم يعزوني رحت لمكانها الي توفت فيه وجلست اتأمله رحت غرفتها وجلست على فراشها مو مصدقه انها راحت للابد م عاد بشوفها الا ف الاخره وف الليل جلست اقرأ مذكراتها واتذكرها وهي جالسه تكتبها والله اني مو مصدقه انها قضت ذيك الليله ف ثلاجة الاموات اليوم الثاني رحنا نستلمها عشان نغسلها وشاركت في غسلها ولما ركبوها سيارة الاموات عشان يدفنونها جلست متمسكه فيها واوصي اخواني م يحطون التراب على وجهها عشان لايكتمها وهم يقولون طيب طيب راحو دفنوها وانا جلست على احر من الجمر استناهم يرجعون عشان يقولون لي انها رجعت معاهم رجعو ولكنها م رجعت راحت لارحم الراحمين الناس يقولون ادعي لها بالرحمه والله م قدرت ادعي لها ولاقدرت اقول الله يرحمها كل الي قدرت اقوله الله يستر عليها تروح وترجع بالسلامه ماني مستوعبه انها ماتت الله يرحمها ويغفر لها ثاني يوم من وفاتها سويت رز سليق الي كانت نفسها فيه ووزعته صدقه عنها ومن حبي فيها إلى اليوم اصلح رز سليق واتصدق فيه عنها والله الى اليوم اشتري ملابس لها واعلقها ف دولابها وتخليني امي الما اروح وتتصدق فيها والله مو قادره انساها حتى رقمها للحين ادق عليه وارسل لها عليه واهنيها بكل مناسبه عليه واللحين احس انها ماماتت احسها راحت مشوار وبترجع ف اي وقت .... امي صارت طول الوقت ساكته ولاعاد تروح للناس ولاتتواصل مع احد .... الله يرحم اختي ادعو لها بالرحمه
حبيت اقولكم قصة وفاة اختي