كوبونات الراقية تسجيل الدخول

خطوات المجد

قصة وفاة والدي الله يرحمة ويغفرله ويسكنة فسيح جناته..

الأسرة والمجتمع •

قصة وفاة والدي الله يرحمة ويغفر له ويصبرني على فراقه ....
السلام عليكم ورحمة الله وبركاته
كيف حالكم ياحلى وأغلى حوائيات ... أنا اليوم حبيت أنزل لكم قصة وفاة والدي الله يرحمة ويسكنة فسيح جناته ويجعل قبرة روضة من رياض الجنة.. اللهم آآآآآآآآآآآآآآآآآآآآآآآآآآآآآآمين..
انا بنزلها عشان كذا سبب :
أولا: ابغى افضفض واطلع اللي في نفسي لاخواتي الغاليات.
ثانياً: أبغى من كل أخت تقرأ الموضوع تدعيله مو شرط تكتب رد بس اهم شي دعوه له في ظهر الغييب.
ثالثاً: أتمنى من كل اخت عاقه أو قاسية أو متجاهله والدها تغير من وضعها معاه تروح ترتمي في احضانه تروح تقبل يده وراسه تكحل عيونها بشوفته .. يشهد علي الله اني اتمنى لو انه يرجع بس دقيقة لا وش دقيقه يرجع لو ثانييية واضمممممممممممممممممممممممممممممه من كل قلبي اقبل حتى رجله اشيله فوق أكتافي ماأخليه يمششي أبد .. آآآآآآآآآآآآآه والله اشتقتلك يايبه..
قصتي وبكل أختصااار..
أناأختكم خطوات
عمري : 24
الحالة الاجتماعية: مطلقه
أكبر أخواتي من أمي .. بعدي اربع بنات وولد والبنات هم ,,هنادي(22)سنوات متزوجه, أمل(21)س متزوجه , خالد(17)س, بسمه(14)س, أبتسام(10)س
أخواني من ابويه: طلال(52)س,أحمد ( 48)س, عادل(45)س
شايلة كل المسؤؤليه مع امي الله يخليها لنا أو تقريباً شايلة المسؤؤلية عنها..
بعض الشخصيات حقيقيه بس الاسماء من عندي عشان اسبااب تخصني..
(أبوي) الله يرحمة ويغفرله تزوج أمي وهي صغيره يعني هي زوجته الثانيه .. كان أمام مسجد عاش يتيم توفو ابوه وامه وهو صغير ,, أعتمد على نفسه في كل شي تعلم القرآن والتجويد بنفسه لحدة ماختم القرآن الله يرحمه ..
كان أنسان غييييييييير عن كل هالناس .. كان طيب وحكيم وعاقل كان انسان حاله حال نفسه..
كان انسان ملتزم ولله الحمد .. كنت افتخر فيه بين كل هالناس وكنت أحسد نفسي عليه .. كنت أتمنى أكون مثله ماأغتاب الناس ولا أحقد ولا أنتقم ..
في يوم من الايام وكان في شهر2 عام 1432ه ,وكانت الساعه 12.45م الظهر نايمه في غرفتي .. فجأأأأأه! كان ااحد يدق البااااب بقووه خطوات اصحي قومي أبوك تعبان.. صحييت من النوم وانا اجري فتحت الباب الا امي قدامي ترجف وحالتها حاله,,
أنا: يمه وشفيك..
أمي: اتصلي على أخوانك ابوك مرره تعبان ماادري وشفيه.
أنا: اتصلت على اخوي الصغيرمن ابوي عمره 42 وقلت له يا(عادل) أبوي تعبان تعال بسرعه ,, رد وقال والله ماني فاضي اتصلو على طلال..
طلال وهو اكبر اخواني من ابوي وعمره 50 سنه
أنا: بسسسرعه اتصلت على طلال ياطلال تعال بسسرعه ابوي تعبان ماادري وش فيه يرجف بقوه ماادري هو السكر ولا الضغط؟
طلال خلاص انا جاي الحيين.
وجاء طلال وجلس عند راس ابوي وقاعد يطلبه يوديه للمستشفى وابوي رافض يروح ويقول انا بخير ..
رجع طلال لبيته..
وصارت الساعه 4:00 بالضبط وابوي كل ماله يزيد تعب وكان الجو باااااارد .. رجعنا اتصلنا على طلال وجا واخذه على المستشفى,,
اعطوه مغذي وقالو خلاص مافيه شي..
رجع اخوي ومعه ابوي وكان باين عليه التعب وكنا حوله اللي تغطيه واللي تلبسه شراب واللي تاكله واللي تمسح على قلبه..
ناام ابوي وكنت أنا عنده اغطيه وافرك على قلبه وهو جالس يرجف وش السبب ماادري؟
حللت السكر وكان تمام والضغط تمام وابوي كل ماله يتعب .. سهرت معاه وكل ماله يزيد تعب .. صارت الساعه 4 الفجر وكان يوم الاربعاء
طلعت من عنده وكان نااااااااايم زي الطفل , جلست في الصاله تقريبا ربع ساعه ورجعت له وآآآآآآآآآآآآآآآآآآآآآآآآآآآآآآآه يوم رجعت لقيت يطلع لعاااب من فمه زي الزبد وغرغره انا ماعاد حسيييت بجسمي جثيت على ركبتي,, يبه يبه رد علي يبه وشفيك يبه تكفى رد وهو مايدري عن شي..
سمعتني اختي أمل وجات تجري شافت ابويه وجلست تصااارخ ابويه بيموت زي عمتي شوفي وش يطلع من فمه ابويه بيمووت
سمعت امي صراخ اختي وجات تجري بكت يوم شافته مسكته فلان يافلان تسمعني وهو مايدري عن احد..
التفت امي فيني : ياخطوات اتصلي على أخوانك
أنا : قاااعده ارجف اتصل على طلال مايرد اتصل على عادل جواله مقفل ,, اتصلت على خالي مايرد اتصلت على الاسعاف مايردون,, رحت اجري لبيت جارتنا ياام منى افتحي الباب وفتحت جرتنا اشفيكم
أنا: ابويه مره تعبان تكفيين قولي لزوجك يكلم الاسعاف قالت طيب راحت لزوجها واتصل على الاسعاف وقال يبغالهم وقت عشان يوصلون..
أنا: ماعاد تشيلين رجليني وقفت عند الباب وجلست ابكي يايمه ابوي لايموت يايمه ابوووووي مالنا غيره ,, استوعبن اني قاعده اقول يايمه رجعت تعوذت من أبليس ودعيت ربي يخليه لنا ويوقمه بالسلامه..
دقايق وجو اخواتي من ابوي وبناتهم وعيالهم وجاء اخوي عادل وقف السياره عند الباب وبالقوووه حملو وركبوه في السياره
عادل: طالع فيني وقال ياخطوات امشي معي للمستشفى
أنا: طيب زاجري زي المجنونة ادور على عبايتي وهي قدامي لبستها وطلعنا السياره وكان مسدح ابوي الله يرحمه ورا,, اخوي كان ماشي تقريبا180 او 200 وكان الشارع فاضي وقطع كل الاشارات وانا عيني على ابوي ,, بعد كل دقيقه اناديه يبه وهو يفتح عيونه بالقوه ويرد وكل مارد قلت الحمدلله للحين حي..
لحقنا زوج خالتي ولحقنا أخوي طلال وخالي ..
دخلنا من الطوارئ وبسرعه يقيسون الضغط والسكر والحراره وشوي الحمدلله صحصح وجلس الدكتور يسولف معه وهو يرد عليه ويضحك .. يامال الجنة..
جلسنا معاه من الساعه 5 الى الساعه8 وجا ولد اخوي واخذني من المستشفى ورجعني للبيت.. دخلت البيت وانا تعبااااانه مانمت ونفسيتي متأزمه.. جلست مانمت الا الساعه 11 الضحى,, ويوم جات الساعه 1 الظهر صحتني امي اصحي ابشرك ابوك بيطلع من المستشفى..
صحيت وانا الارض ماتشيلني من الفرحه وجلسنا نستناه وجا ع الساعه 2 الظهر وكان تعبان وماتغير في حاله شي .. جلست امي تغديه ونام شوي وبعدين صحى وكان نفس الشي يرجف غطيناه ولبسته امي لبس ثقيل ورجع نام ..
ع الساعه 11 الليل بدأ يتعب واحنا حوله وبعد خف التعب عنه ,, قالت امي انا بروح انام وانتي ياخطوات خليك عنده انا من الفجر مانمت..
أنا: ابشري يمه انتي روحي نامي وانا ابقعد عنده ,, ابوي كان ناااااايم وصحى الساعه 2 الفجر وكان يوم الخميس وكان تعبان غطيته مسحت على قلبه اعطيته حليب دافي ورجع نام وصحى بعد ساعه ونص وكان منسدح وانا عنده وجلس يستفرغ دم حطيت له المنشفه وكل ماله يزيد.. وهو في قمة تعبه كان يردد (سبوح قدوس رب الملائكة والروح)
صحيت امي واتصلت ع طلال وجاء واخذه هو وامي المستشفى ومارجعو الا الساعه 9 الصبح وكانت نفسية امي مرره تعبانه,, سالتها هاه ووش صار قالت نوموه و***** الله طيب..
أناشكيت في نبرة صوتها حسيت انه فيه شي دخلت غرفتي بكييييييييييييييييييييييييييييييييييييييييييييييييييت الين جفت دموعي..
جاء العصر وراحت امي واخواتي يزورونه وانا جلست في البيت رجعو وسالتها عنه قالت نايم هم قاعدين يعطونه ابر عشان ينام عشان مايحس بالأنبوب اللي في حلقه .. واصبحنا فجر الجمعه اتصلت على المستشفى اسال عليه قالت الممرضه طيب..صار يوم السبت وجاء العصر ورحت انا وامي زياره له دخلت المستشفى وانا امشي بين الاسياب وأنا قلبي يرجف كيف حاله الحين.. دخلنا للقسم اللي ابوي منوم فيه كان فيه هددددوء وكل اللي منومين ماتعرفينهم من الاجهزه وكنت امشي واقول في نفسي يااارب مايكون أبوي مثلهم ,, مشيت ومشيت ومشيت فجأه وقفت جات عيني على شخص نحيييييل كله اجهزه مايدري عن اللي حوله,, طالعت في امي وأخوي هذا ابوي وصممممممممممممت وانا دموعي من تحت الغطاء جلست امسح على راسه واقرأ عليه وانااحس بحفره في قلبي ماني قادره اتحمل اشوفه على هالحال والحمدلله على كل شي ..
طلعت من المستشفى وأنا الدنيا تلف فيني ,, خطواتي ثقيييييييييييله بالقوه امشي ,, دموعي على خدي ,, طلعت وأناحاسة أنه المره هاذي ماراح يرجع ,, ليه جاني هالآحساس ماأدري؟ كانت نفسيتي جداً تعباااااانه..
رجعت للبيت وقفلت علي باب غرفتي ضميت غترته وجلست أبكي بكل مافيني أنسدت نفسي عن الأكل وعن السوالف وعن النوم وعن كل شي,, كنت بس عايشه على السوائل وماأنام في اليوم الا ساعه او ساعتين وعليهالليوم الثاني كنت أفكرفيه اقول في نفسي يقولون نايم وهو شكله في غيبوبه.. كنت كل يوم اتصل على المستشفى ويقولون اليوم احسن من أمس..
رجعت أمي تزوره مع أختي يوم الأحد ومارضيت تاخذني ولمن رجعو سالتهم كيف حاله قالت أمي: الحمدلله شالوعنه جهاز التخطيط حق القلب وشالوالانبوب اللي في حلقه بس الاكسجين.. أنافرحة فرحه ماتدرون قدأيش وشوي بكت امي قلت ليه تبكين اكيد فيه شي شكلكم تلعبون علي تبغوني أكل وأنام ردت امي علي وقالت: لابس أناتعبانه..
سكت وأنامو مقتنعه بكلامهم بس كنت اكذب على نفسي عشان أرتاح..
ومر يوم الأثنين والثلاثاء,, أتصلت على المستشفى ورد الدكتور وقال اليوم هو تمام واحسن من كل يوم, رحت أجري اصحي أمي من النوم وأبشرها ضحكت من غيرنفس وقالت الحمدلله كأنها مو مقتنعه, وأنا نمت وصحيت وأنامبسوطه أكلت وشربت بس فيه شي في نفسي يقولي لاتفرحيين..
وجاااء يوم الأربعاء 1432/2/22,,وكنت تعبااانه نفسياًلأقصى حد, كنت قلقاااانه ماني قادره أرتاح , رحت الظهر لأمي قلت بتزورينه قالت أيوه جلست أترجاها تأخذني بس مارضيت,ويومها مانمت زين راحت امي تزوره ورجعت سالتها كيف حاله قالت الحمدلله بخير..
كنت دايخه رحت لغرفتي ونمت ع الساعه 4 ونص العصر ,,,, صحييت وليتني مت وأنا نااااااايمه ولاصحييت ,, صحيت الساعه 7 المغرب على صرااااااااااااااااااااااااااااااااااااااااااااااااااااااااااخ أخواتي, صحيت اجري زي المجنونة اتخبط يمين ويسار ويدي ترجف مرت اللحظه هاذي كانها ساعة واناافتح الباب افكراقول لا موابويه اللي مات اكيدأمل تعبانه, طلعت وقفت والدنيا تلف فيني اختي تصارخ وامي ضامتها واختي ابتسام جالسه على الارض ودموعها ع خدها اخوي عادل يده على راسه ويقول هاتو ابويه لااله الاالله ,,
طالعت فيني اختي هنادي وجات تجري وضمتني قلت اشفيكم قالت ابويه ماااااااااااااااااااااااااااااااااااااااااااااااااااااااااااات..
حسيت بشي يطعني في قلبي حسيت بالدنيا تلاشي من حولي حسيت الارض ماهي ارض وهي تحتي حسيت بفراااااااغ كبيرمن حولي حسيييت بخووووف فظييع الم في بطني دوووخه هذا هواللي يسمونه (صدمه) اي والله من جد كان الخبر صدمه واكبر صدمه بحياتي..
دفيت اختي قلت لها كذابه ورجعت ضمتني جثيت على ركبتي بكيييييييييييييت يبه يبه ييييييييييييييييييييييييييييييييييييييييبه,, جاء اخوي من الوسطاني (أحمد) من الرياض عشان يشوفه ومالحق عليه جا وضمني على صدره قال ياخطوات ترحمي عليه اتعوذي من الشيطاان,, قلت له ياأحمد ابوي ماااااات قال أنا ابوك لاتبكين,, ياأحمد مافيه احد مثل ابوي هاتو ابويه رحت لغرفته ضميت مخدته وضميت نظارته وجلست اشمها جات بنت اختي تطلعني جلست اترجاها واقول ماعاد باقي الا ريحته خلوها لي لاتاخذونها مني ,طالعت أمي قلت لها انتي تقولين انه بخير والحين هو ماااات! من أيش مات قالت ابوك ماات من ( الـــــــــــــــــــــــــســـــــــــــــــــــــــــــرطـــــــــــــــــــــــــان) انصعقت أكثر, لايايمه لاتقولين من متى عنده سرطان؟ قالت ماعرفوه الدكاتره الاقبل شوي وصلتهم التقارير..
أناهينا من البكاء حسيت قلبي بيطلع حسيت ظلوعي بتدخل في بعض حسيت الموت قريب مني حيست ان الدنيا ولاششي ,, حسيت بشي ماينوصف ألم ألم ألم ياليتني اقدر اوصفه ولا القى له دواء..
مرالليل واناابكي ويغمى علي واذافقت بكييت واغمي علي كنت اردد انالله وانا اليه راجعون, كل ماعليها فااان ويبقى وجه ربك ذو الجلال والاكراااام ..
مرة الليله وانا قاعده ابكي يايمه الليله ابوي ماهو في الدنيا, يايمه ابوي ماهومعناولاحولنا ولافي بيتنا, يايمه ابوي بيدخل قبره الفجر , يايمه ابوي ينتظرونه منكرونكير , يايمه ويايمه ويايمه وآآآآآآه يايمه ,, صلوا عليه الفجر ورجعوا جا خالي ولقيني ابكي وحالتي حاله ضمني على صدره وقال: ياخطوات ابوك ***** الله ماينبكى عليه ابوك مات مبطون وغير كذا إنسان طيب وصاحب خير إنسان طول عمره مااحدشاف منه شي, وبقولك شي يفرحك يوم ودينا ابوك المغسله وشافه المغسل قال هذا من أهل الجنة *****الله ,,تدرين ليه؟ لأن وجهه كان منور وأقسم لك ماتقدرين تطالعين فيه من كثر ماهو منور وكان مبتسم ويوم شلنا جنازته كانت خفيييفه وكأنها تسابقنا احمدي ربك مامات على معصية ولامات وهومقطع الحمدلله مات وهو كامل.. أناماقدرت امسك نفسي زدت بكاء, مااكلت ولاشي, كنت أفكر فيه هو كيف حاله الحين وش يسوي في البرزخ؟
مرة الأيام وانا حزني كل ماله يزيد كنت اتمنى اموت عشان اقابله,, وفي اليوم الثالث من العزا دخلت غرفته لقيت اغراضه وبكييت مثل الاطفال ماعاد قدرت اسكت وجات اختي وطلعتني وقفلت امي الباب..
كنت أشتاااااااااااااااااااااااااااااااااااااااااااااااااااااااق له بالحييييل تدرون وش كنت أسوي؟ كنت اطلع الحوش وأشيل الطوب اللي باقي من البنيان واحطه تحت شباك غرفته وافتح الشباك واقعد اتأمل في اغراضه واناديه,, كنت اجلس قدام باب غرفته واقول يمكن يطلع بعد شوي , كنت اانبطح عند الباب واطالع من تحته اقول يمكن اشوفه او المح طرف منه , كنت اسمع صوته يناديني واقعدادور عليه وكنت وكنت وكنت.. الله عليك يالدنيا السنة اللي فاتت معانا واليوم في قبره
لو اكتب لكم من اليوم لبكره ماااراح اخلص.. وغير كذا نفسيتي باقي تعبانه ودموعي على خدي ماعاد فيني اكتب شي..
ماابغى منكم الا شي واحد بس.. تدعون له تدعوون له تكفووووووووووووووووووووووووووووووووووووووووون , وتدعون لي ان ربي يجبرقلبي على فراقه..وآآسفه على الاطااله

تكفون يامشرفااات لاتحذفون الموضوع تكفوون
مرحوم يامن عن عيوني تواريت
أودعتك اللي ما يخـون الوداعـة
ليتك مع الحيين يا بوي ضليـت
واشوف زولك كل وقت وساعـة
كنك امامي حـي تـوك تعديـت
عليك زادت لوعتـي واللتياعـه
على فراقك غالي الدمـع هليـت
يوم اتذكر ضحكتـك كـل ساعـة
ياما بكيت وصوب قبرك تعنيـت
ابغا سلامـك طامعـاً بالقناعـة
دعيت لك بالخمس لي قمت صليت
بالجنـة العليـا بعيـد اتساعـة
112
10K

يلزم عليك تسجيل الدخول أولًا لكتابة تعليق.

تسجيل دخول

ووححييده كاالققممر
ووححييده كاالققممر •
الله يرحمه ويسكنه جنااااااااات النعيم
غرورالشوق
غرورالشوق •
الله يرحمه ويغفر له ويدخله فسيح جناته اللهم آمييييين
اصبري اختي ولا تنسين الدعاء له والصدقة



أستغفرالله العظيم وأتوب إليه
سبحااااااان الله وبحمده ,,سبحااااان الله العظيم
لاإله إلا الله ولاحول ولاقوة إلابالله
فوشي ووردي واصفر
فوشي ووردي واصفر •
الله يرحمه ويغفر له ويدخله فسيح جناته اللهم آمييييين
اصبري اختي ولا تنسين الدعاء له والصدقة



أستغفرالله العظيم وأتوب إليه
سبحااااااان الله وبحمده ,,سبحااااان الله العظيم
لاإله إلا الله ولاحول ولاقوة إلابالله

$>>امووونه<<$
$>>امووونه<<$ •
آه آه
وجعتي قلبي
انا ابوي توفى رمضان السنه اللي فاتت وليومك نفسيتي تعبااااااااااااااانه ودموعي تهل
والتفكير ذابحني

الله يربط على قلبك وقلبي يارب
وقد لانلتقي
وقد لانلتقي •
لاحول ولا قوة الا بالله بكيت بحسرة على حبايب قلبي الي راحو الله يرحم ابوك ويسكنه الفردوس الاعلى من الجنه
الله يرحمك يجدتي الله يرحمك ياخالتي
اللهه يرحمك يالهاما لله يرحمك يافواااااااز

الله يرحم الاموات المسلمين والمسلمات والمومنين والمومنات ويغفر ذنوبهم

لاحول ولاقوة الا بالله