السلام عليكم ورحمه الله وبركاته
اولا واخيرا لله ما اخذ ولله ما اعطى ... البقاء لله ،، انا لله وانا اليه راجعون ، اللهم اجرنا في مصيبتنا واخلف لنا خيرا منها .
ابوي حبيبي ،، سأروي لكم قصة وفاته ، فقط عشان افضفض اللي بداخلي ومنها كل انسان او انسانه لازال ابواه على قيد الحياه انهم يسارعوا لأقدامهما ويقبلوها ويبحثون عن كل اسباب رضاهم ،، لأن عند وفاه احدهم والله العظيم كل الحزن الي بداخلك سببه اني ياليتني بريت فيهم اكثر ياليتني سويت وياليتني فعلت ولكن كلمه ياليت ماراح تقدم ولا تأخر من امر الله
والدي رحمه الله تعالى قبل مايموت بخمس سنوات ، كان يشتغل رئيس لقسم الصيانه بأحد المستشفيات ، ونحن لسنا سعوديين ،، نحن اجانب ، ووالدي ع كفاله اصحاب المستشفى .
قبل خمس سنوات خرجونا اصحاب المستشفى من البيت الي مستأجرينه لهم ، وسكنونا في بيت شعبي قديم متبالي لا تدخله الشمس ،
وفوق هذا ، انتهت اقامه ابي بسبب سوء تفاهم بينه وبين الكفيل ،
ظل ابي بدون اقامه ساريه المفعول كل المده الي فاتت وهي خمس سنوات ، عانى فيها من القهر والحاجه ،، من اخوتي الكبار الذين يبلغ عددهم 4 اخوان شباب و 8 بنات متزوجات سعوديين ووضعهم المادي لا بأس به ،
واولاده الي كان يعولهم عددهم 4 و4 بنات اعمارهم تتراوح من 20 لـ 13 سنه ، وزوجته الي هي الحرمه الثالثه ، ( امي الثانيه مطلقة ) والاولى متوفيه من زمان
كلهم كانو بذمته ، ورحمه الله لا يملك لهم اي قرش ، لذلك كان ينتظر اخوتي الكبار ووقفتهم معه ،
بدأو اخوتي بالتثاقل عن زيارته بسبب وجود منزله الشعبي في حاره ضيقة ، لذلك قصرووو تجاهه بالزيااااره وكثير اتصل عليهم وطنشوووه ،، او يوعدونه يجووون ولا يجووا ،،
لم يقفو معه اخوتي الا اكبرهم ، كان يصرف عليه كل شهر 1000 ريال فقط ، وزوجته تشتغل معي بالطبخ المنزلي ونتعاون ونطلع لنا بكل طلبيه من 150 لـ 300 ان كثررر ,,
تعبت نفسيه ابوي بدون مايحسس احد ، بس كان يرفض الخروج ويرفض حتى الحركه من مكانه ، ويرفض ندبر له سياره ونخرجه ،، كل الي كان يتمناه طله اولاده له يوميا ، كانو يجونه ومايكررون الزياره الا بعد شهرين او ثلاث ،، وهو كل مره يجوو بيمشوون يبكي لهم خليكم ،، او يقول لهم لا تطولون علي انا احتاجكم ،،
في شهر رجب اكتشفنا انا وزوجه ابوي انتفاخ ببطنه ،، واستغربنا ،، قالت لي زوجته هذه مو غازات ،، هذا شيء يابس وخايفين منه
اتصلت انا ع اخواني نبي سياره نوديه ،، ماردت الا وحده وماردت الا وووووين ،، قالت لي ولدي نايم ومايصحى الا متى ،، قلت لها مو مدبرين سياره انا بنفسي اروح واوقف تكسي ونشيل ابونا ،، الا صحته ماراح نتهاون ،،
بس شويه ولا دبر اخويه الي عمره 18 سنه سياره ووديناه المستوصف ، ويوم شافه الدكتور قال لنا ان البول محتبس وان ممكن تكون عنده حصوات وطلبنا نوديه المستشفى ،،
ورحنا فيه المستشفى الي كان طول عمره يشتغل فيه واستقبلونا احسن استقبال وطلب صاحب المستشفى من الموظفين ماياخدون مننا ولا ريال واحد ،
وحطوله قسطره بول وقبلها سحبو البول من بطنه ، وقرروا يسوون له عمليه تفتيت الحصوة ولكن طلع عنده قبلها تضخم بالبروستات ،
ايامها قعد ابوي الله يرحمه بالمستشفى حوالي اسبوع عشان يقررون متى يسوون العمليه ولكن ابوي الله يرحمه كاره قعده المستشفى فأجبر اخوي الكبير يخرجه ويرجع البيت
وطبعا رجع البيت قبل رمضان بليله وحده ، كان اغلب وقته ينااام ،، وحتى حركاته لاحظت انها مو زي اول ،، مثل الي كبر 10 سنوات اكثر مع العلم انه توفى وعمره 76 سنه .
اول يوم رمضان صامه ، باقي ايام رمضان ماقدر عشان ادويه البروستات ،
واذكر باواخر رمضان امتنع عن الاكل فجأه ، وقعد 3 ايام من غير اكل ، وانا وزوجه ابويه ماعرفنا نقنعه ياكل غير لما اتصلت ع 3 من اخواتي الكبار عشان يقنعوه انه لازم ياكل
وفعلا لما جو اخواتي اتكلموا معاه ،، مسكين ابوي ،، اخواتي كذبوا عليه وقالوله ( ترى اقامتك تجددت )
ابوي الله يرحمه ويجعل مثواه الجنه فرح كثير واكل ماشاء الله ليييين شبع ، ومسكوه اخواتي وساعدوه يمشي كم خطوه بالغرفه عشان يتنشط جسمه ،
اتذكر سألني انا مخصوص وقال لي ( لهالدرجه يا ابوي انا منتهي ) ، انا رديت عليه قلت له والله لو تهتم بصحتك ترجع لك قوتك زي اول واكثر ،
اخواتي الكبار صاروا الي تقول له لا تخوفنا عليك يا ابوي ، والي تقول له وحشتنا سواليفك ، والي تقول له نبغاك ترجع لصحتك وتقرالنا من قصص القران مثل ما كنت تسوي واحنا صغار
ابوي ارتفعت معنوياته من موضوع تجديد الاقامه ( الي قالوه له مزح ) عشان يرفعوله معنوياته .
ابوي بليلتها كنت جالسه عند رجوله ، قال لاخواتي لما فقدني ، ( وينها مريم ) بسرعه قمت عنده وقلت له انا هنا يا ابوي
ابتسم احلى ابتسامه شفتها بحياتي وقال لي ( ياحبيبه قلبي انتي )
اخواتي بليلتها قبل مايمشو قلت لهم لاتتركوه ، شفتوا كيف انبسط واستجاب معاكم ، بالله لاتتركووه ،
قالولي ان شاء الله ، ومشيو
بعد هالليله بليلتين جات عمتي من الاردن ، وجلست مع ابوي وتعشو سوا محشي باذنجان ، وقال لي ابوي بالحرف ( هذه عمتك ام سمير عرفتيها ) قلت له اكيد عرفتها
باليوم الثاني والي كانت ليله 29 رمضان ، رحت مع اختي الصغيره الصالون عشان اقص شعري ، واخرتنا الكوافيره ، لأن كان زحمه
رجعنا البيت الا مره ابويه قالبه البيت تقول وينكم ،، ماعندي رصيد اتصل ع احد رحت عند الجيران اتصل ع اخوكم الكبير ، قلنا لها اش فيه ،، قالت ابووكم مثل النااار ومايرد على احد بس ينادي باسم زوجته باستمرار .
ماقدرنا نشيله ومافيه سياره ،، اتصلنا ع الاسعاف وفحصووه وقالو انه الوضع الي فيه بسبب قله الاكل فقط
الاسعاف شالوه ع مستشفى حكومي والحكومي مارضو يعالجوه ف نقلوه ع نفس المستشفى الي للناس الي كافلينه ، ولأن الوقت كان بالفجر ماكان فيه دكاتره ، ففحصوه الممرضين وحطوله مغذي بسبب عدم الاكل .
بس لاحظنا ان ابوي فيه بيده جهة المغذي الي من اوول جرح بس منتفخ وملتهب بطريقه غريبه
فقررنا بعد ماخلص المغذي انه مانرجعه ع البيت ، قررنا انه نخليه للظهر لحد وقت دوام الدكاتره
ف سبحان الله الجرح الي بيده خلا الوضع بحاله طارئة ودخلوه العنايه المركزه ، وحللوله طلع معاه تسمم بالدم وتضخم بالقلب غير البروستات والحصوات ، وهبوط بالدوره الدمويه وهبوط بالضغط
وتنوم بالعنايه المركزه ليله العيد ، الي قضيناها بكى وافتقااااد ،، ابوي حبيبي كل صبح عيد ووقت التكبيرات لازم نتجمع عنده ونعايد عليه ، هالسنه اول عيد بدونه
بقي بالعنايه المركزة حوالي 15 يوم ، وهو مو صوبنا ، مو واعي ع احد ، اخواتي واخواني الجميع حسوا بقيمته ، الي كان يزوروه والي كان يطنشه ، والي كان بعيد عنه بدون ارادته ، الجميع صار حوله ، الكل .
وبعدين نزلوه الغرف العاديه ، نحن ظنينا انه يتحسن ، لكن اتضح انه تسمم الدم عنده بحاله متقدمه ، ماكان ع لسانه الا ياحي ياقيوم ، ياكاشف الضر ، يارب ، او انه يقعد ينادي ع زوجته وطبعا وهو مو واعي علينا .
يوم الجمعه بالفجر الساعه 5 الا ربع انتكس ابوي وتوقف قلبه الطاهر ورئتينه ماعادت تشتغل ، حاول الاطباء ينعشونه ولكن بدون استجابه ، سلم الروح الى بارئها ، وانتقل الى رحمته تعالى في الساعه 5 و خمس دقائق يوم الجمعه افضل الايام عند الله
صدمه الجميع بوفاته ماتوصف ، ابوي الله يرحمه كنا منتظرين رجعته بالسلامه ولكن امر الله قد تم
بيومها اتصلت اختي الصغيره عمرها 13 سنه والي مرافقه مع امها تصرخ فيني ( الحقونا ابوي توقف قلبه )
ماحسيت بنفسي البس العبايه وانا وامي المطلقة الي عايشه معنا بالشقة الي تحت واختي واخويني الاثنين واحد 20 وواحد 18 سنه الي لبست عبايتها ولي لبس نعاله وانتم بكرامه وانا صليت الفجر قبل ما امشي ودعيت يارب ادب الحياه في جسد ابي ولا تحرمنا ابوته يارب ،
لكن لما وصلنا عند باب المستشفى اختي الصغيره من عند الباب تصرخ فينا ( خلاص مااات ،، خلاص الدكتور يقول اتوفى ،،، وتبكي بقوووووة )
طلعوله بالاصانصير وانا واخوي الي عمره 18 جرينا له جراي بالدرج ودخلت له الغرفه
الاجهزة الي عليه مفككة ،، وفاتح فمه ،، وناااااااااااااااااااااااااااااااايم ،، وجهه ابدا مو ميت ،، وججهه مثله وهو نايم ،،
صحيت فيه وانا ابكي ،، قوم ياحبيبي قوووم ،، واحرك في راسه ويده وابوس في كل انحاء وجهه ،، ولكن دون اي رد ،، بس ماقدرت اصدق انه ميت الين جا الدكتور وبناء ع طلبي ف*** مره ثانيه ،، لأن كان جسمه دافي ، ولكن اقنعنا انه جسمه دافي لأن نص ساعه وهم ينعشو بالقلب ولكن دووون جدوى ،، الحمدلله ع كل حال
كان رد فعل اخواتي كل وحده غير ،، الكل يبكي بحرررقه ،، وابوي نايم مكانه ومايتحرك ،،،
الي ضايقني واحد بأخواني ،، ترتيبه الثالث في الرجال والتاسع بالبنات ، اقسم بالله تعب ابوي وهو يناديه ، باخر ثلاث سنوات ابوي دااااايم يسأل عليه بالذات ، وهو يطنشه ،، مرات يرد ع الجوال ويوعده انه حيجي ومايجي ، والااف المرات مايرد ع جواله اصلا ،
احدى اخواتي الكبار وهي تبكي صرخت ( ابوي مااااات مقهووور ، ) القهر اكله ، الله يعوضه بالجنه
رحنا لأبوي بالمغسله قبل الدفن ، سبحان الخالق ،، وجهه ابيض ، تحسووونه صغر 40 سنه ،، التجاعيد ماهي فيه ،، السواد الي بجوانب جبهته ماهي في ،، وجهه يبشر بالخير ،، واندفن معاه رحمه الله طفل صغير عمره ساعات .
رحمك الله تعالى ياوالدي الغالي ، اسأل الله ان يعوض عليك عن بؤس الدنيا بنعيم الاخره مع الصالحين في عليين ..
قبل مايمرض بأيام كانت زوجته منزعجه منه بسبب انه كان مصاب باسهال وانتم بكرامه كان يوسخ شويه ،، طلعت عندهم ع صراخها وهديتها وطلبت منها تصبر عليه لأنه رجال كبير ، دخلت عنده الغرفه واشتكالي منها بانها تصرخ عليه وهو تعب منها ، واشر بأصابعه للسما وقال لي ( قرب الفرج )
ماكان يدري انه بعد شهرين فقط راح يفرجها ربي عليه ،، ويختاره بأفضل الايام ،
وسبحان الله المستشفى الي عاش طول عمره يكد فيها توفى فيها سبحان الله وماتدري نفس باي ارض تموت
اللهم اغفر له وارحمه واعف عنه وعافه وأكرم نزله ووسع مدخله، واغسله بماء وثلج وبَرَد، ونَقِّهِ من الخطايا كما ينقى الثوب الأبيض من الدنس، وأبدله داراً خيراً من داره، وأهلاً خيراً من أهله، وزوجاً خيراً من زوجه، وقِهِ فتنة القبر وعذاب النار
الدندوشة @aldndosh
عضوة نشيطة
يلزم عليك تسجيل الدخول أولًا لكتابة تعليق.
تعجز جميع لغات البشر عن وصف مشاعري
بس اقولك
ربي يسكن ابوي وابوك الجنة بدون حساب ولاااااااااااااا سابق عذاب
اللهم امين
ياإلهي
يارب العالمين
يارحمــــــــــــــــــن يارحيم
وصل الله وسلم على خير المرسلين
كتفي الايسر احسه كان فيه سكاكين بعد قرأة كلامك
شوفي قد ما حبيت وقد ماشوفت عمري ماحبيت زي ابوي وامي
والاب بالذات عز عز عز مابعده عز
واللي ماإستمدت من حياة ابوها عز
ياحسرتها العز فين تلقاه
اااااااااااااااااااااااااااااااااااااااااااااااااااااااااااخ ثم اااااااااااااااااااااااااااااااااااخ
الله يرحم ابوك وياسامحك
بس اقولك
ربي يسكن ابوي وابوك الجنة بدون حساب ولاااااااااااااا سابق عذاب
اللهم امين
ياإلهي
يارب العالمين
يارحمــــــــــــــــــن يارحيم
وصل الله وسلم على خير المرسلين
كتفي الايسر احسه كان فيه سكاكين بعد قرأة كلامك
شوفي قد ما حبيت وقد ماشوفت عمري ماحبيت زي ابوي وامي
والاب بالذات عز عز عز مابعده عز
واللي ماإستمدت من حياة ابوها عز
ياحسرتها العز فين تلقاه
اااااااااااااااااااااااااااااااااااااااااااااااااااااااااااخ ثم اااااااااااااااااااااااااااااااااااخ
الله يرحم ابوك وياسامحك
الصفحة الأخيرة
عظم الله أجرك وغفر لميتك انا لله وانا اليه راجعون