قصة وفاه بنتي وولدي في بطني والحمدالله صبرت وعاضني ربي من اجل عيون لين

بسم الله الرحمن الرحيم انا قريت قصت لين ووفاة بنتها وحزنت كثير وتاثرت لاني مريت بنفس حالتك :44:وحبيت اكتب قصتي انا تزوجت واخذت تسع شهور وبعدين حملت وفرحت اناوزوجي فرحه ومرالشهر والثاني والرابع وعرفت انها بنوته وقنا الي يجي من الله حياه الله اهم شي العافيه واتفقنا على اسمها واشترينا ملابسها اتعرفن اول طفل وفرحته المهم كانت الامور زينه وصلت الثامن وحسيت بالاوجاع فضيعه وبطني صار قاسي وانتفخ ومعاد اقدر اصبر على الوجع زاد ورحت المستشفى الحكومي الي اراجع عنده وكشفت قالت ولاده بس قالت اباخذ سونار بطنك قاسي واخذت اشاعه وقالت وياليتها اسكت قالت للاسف البنوته ميته لها ثلاث ايام بس انا ماستوعبت زين قلت الحين هي ميته وشلون بتخرج مني صدق سبحانه يخرج الميت من الحي ويخرج الحي من الميت وزوجي مايدري عن شي وطاني وراح المهم اخذت ساعات ولدت الحمدالله وعطونيها اشوفها ويالله سبحانه كانت بغاية الجمال وحضنتها ودعتها واعترف لم امسك اعصابي انهرت وبكيت وترجيت يخلونها بس ساعه اتامل في جمالها ولاكن اخذوها وطلعوها بعيدن عني اه يابنتي واتصلت على زوجي اخبره سمع صوتي قال فيك شي قلت بنتنا ماتت انا عارفه انه حزين بس يصبر عمره قال ان شالله شافعه اهم شي سلامتك وطلعت من المستشفى وتعافيت واخذت سبع شهور وحملت وفرحنا اناوزوجي وكنا خايفين في نفس الوقت ومر الشهر وراء الشهر وكلنا خوف وصلت الشهر الخامس وبدى ينزل من صدري حليب وفقدت الحركه ورحت اناوزوجي للمستوصف وخبرت الدكتوره وقالت انسوي سونار ونشوف ان شالله انه حي وكنا عارفين انه ولد وكنت اشوف في عين زوجي الخوف والتوتر وكشفت وتغير وجه الدكتوره وقلت تكفين الله يخليك لاطفالك لاتقولين انه ميت تكفين احب رجوله قالت انا اسفه الطفل ميت له ايام ولازم ذالحين احولك اخاف يصيبك تسمم وزوجي مازال متماسك قال تونا لحقين خير على الاطفال ورحت البيت وركضت ودخلت غرفتي وقفلت علي يطق زوجي علي الباب وعمتي قلت لالالالالالامابي انزله انا عارفه انه حي خلوني اموت معه خلوني انا احس فيه يتحرك ليش ماتصدقوني وكسر زوجي الباب خايف اسوي شي في نفسي وحضنا بعض وانهرنا صرنا نبكي زي الاطفال فقد الضنا صعب وحب على راسي قال بنروح المستشفى لايصيبك تسمم اهم شي صحتك ولا الولد شافع ****لله ورحت وقالو اتاكدنا الطفل ميت وعطوني طلق صناعي واخذت ساعات ولدت يالله كان عيونه مغمضه ولسى ماكتمل بس كان نفسي اضمه واحبه بس ماتمالكت نفسي قلت طلعوه طلعوه مابيه موب من قلبي بس عشان ماتخيله قدامي واخذت شهور وانا حزينه ونضرت الناس الي وشفقتهم ودعواتهم الي واخذت سنه ونص وحملت واعترف كان ماعندي امل انه راح يعيش راح يلحق اخوانه بس الامل بالله سبحانه كبير ورحت للشيخ اباللخيل وعطاني عزايم ومره اشربها مع الفجر والمغرب كان طعمها مرعب بس اتحملت والمستشفى عطوني اوبر يقولون سبب الوفاه ينقطع الدم فجاه عن الطفل وحنا عرفنا ان فينا نفسيه وعين واستمريت على القراءه والمره وصلت الشهر التاسع والامور كلها زينه قال بنولدكخايفين على الطفل انا ماكنت اعرف نوعه كنت فاقده الامل وعطوني طلق وزوجي قال راح استنى براء وراح ادعي ان ربي يخليك لي انتي وطفلي وبدت فترة المخاض كنت اتالم وخايفه افقد ضناي وخرج طفلي ويالله سمعت صوت بكاء وقلت طفلي حي حي حي حي مامات قالت الحمدالله بنوته قمر ومافيه شي ونسيت كل الاوجاع وبكت بنتي وانا ابكي معها كانت اتناضرني وايدينها في يديني يالله ماجمل هذا الشعور وركضت الدكتوره تبشر زوجي وجا ركض وشاف حشاشة جوفه بعد معاناه وصبر على المحن الي مرينا فيها والكل فرح وجتنا التبريكات من كل جه من الي نعرفه والي مانعرفه الحمد الله ماخيب ضني ربي ودعواتي اخر الليل وبكاي والناس نايمين والحمداله رزقني ربي عقب بنتي بولد وبنت ومازلت استخدم العزايم والمره والاوبر وفي الاخير ادعو ربي سبحانه انه يرزق كل محرومه من الضنا انه سميع مجيب وياقلبي يالين راح ادعيلك في كل سجده وفي كل صلاه ان مايجي السنه الى وانتي تشيلين طفلك معك ****لله واتمنى تدعلي من كل قلبكن ان ربي يخليلي زوجي واطفالي ولايحرمني منهم يارب امييييييييييييييييييييييييييييييييييييييييييييييييييييييييييييييييييين اختكن ام رونق ولاتاخرن في تطليع موضوعي بليز