قصة ولااااادتي والاكشن اللي صااار

السلام عليكم ورحمة الله وبركاته

حابة احكيكم قصة ولادتي في بنتي التانية الله يحفظهم

اول ىشئ الحمد لله الحمد لله حتى يبلغ الحمد منتهاه

طبعا انا كنت اراجع عند دكتورتين وحدة في الحكومي ووحدة خاص الحكومي عشان الادوية والخاص عشان كنت مرتاحتلها

المهم
طبعا كل وحدة ادتني حساب غير
وحدة تقللي كل يوم 5 ادخل شهر ووحدة تقول يوم 10

المهم انا من يوم 5 دا الشهر وانا مسنترة عند اهلي
خفت اولد بدري بما انو حملي كان تقييييييل
ومن الشهر السابع والتامن وانا احس بضغط على المنطقة من تحت

فخفت اولد بدري وعشان كمان في بنتي البكر ما اخذت غير اسبوعين من التاسع مع انو البكر تطول

دخلت التاسع وانا استنننننى واستننننننى

ولان الالم اللي احس فيه كان داااايما يجيني( الضغط الشديد من اسفل)

طبعا عدّى اسبووووع اسبووووعين وانا بديت املللل واطفششش

ذاك اليوم كلمت وحدة من صحباتي لها 4 شهور والدة ومن زمان عنها ودقت عليا تطمن
وقعدنا نتكلم وقالتلي روحي اكشفي لاني في بنتي ما كنت حاسة بطلق
بس كنت متضايقة من الضغط ولما كشفت طلع الرحم عندي مفتوح 4 سانتي

قفلت من هنا وانا مخي يودي ويجيب 
وقلت حرووح الطوارئ واقلهم اني حاسة بالم واشوف كم فتح الرحم

تاني يوم رحت الطوارئ ع المغرب 
كشفوا عليا وشافوا البيبي وقالولي لسسا الرحم مفتوح 1 سانتي 
وعنق الرحم سميك

طبعا انا هنا اتحطمممممممممت وقلت شكلو يبغالي اقل شئ اسبووووع
وممكن اخلص التاسع بعدين اولد

رجعت البيت بخيبة امل

طبعا الضغط اللي كنت احس فيه كان اكتر شئ احسه من ورا زي الامساك الله يكرمكم

وانا طول الليل داخلة وخارجة من الحمام لين نمت ع الفجر
وانا نايمة على الساعة 10 الصباح يجيني مغص ويروح وكل ما راح كملت نومي خخخخ على بالي لسسسسسا

على بالي امساك يا قلبي
طبعا اللي ما خلاني اشك انو الم ولادة كلام الدكتورة اللي رحتلهاالمغرب
المشكلة انو الالم كان منتظممممم وفترات قصيرة وانا يا غافلين لكم الله
وكل شوية ادخل الحماااام

الساعة 1 الظهر قمت عند امي وقعدت افطر ( خخخخخ ام الروقان)
وكل ماجاني الالم وقفت اكل خخخخ واذا راح اكمل
دخلت انام وامي نظراتها ليا ما تطمن ،،، شاكة فيا ههههه

طبعا مررررررة ما قدرت انام 
جات امي قالت امشي نروح المستشفى 
وراحت تصحي اخويا  طفت المكيف والمروحة وفتحت اللمبات عشان يتهيأ للقومة ههههه

وانا مسدوحة ع السرير حسيت بضغطة قوووووية وبعدها انفجرت موية الجنين 
ناديت امي وراحت حبيبتي تجبلي ملابس

انا وقتها حسيت اني ابغى الحمام خخخخخ
اقلها استني حروح الحمام والبس
وانا مو قاااادرة اقوم
صارت هيا تلبسني حبيبة قلبي
ووقتها تخيلوا المفاجأة ااااااه ياربي
بديييييييت ادفع
لما قلت لامي ماتت من الفجعة وراحت تصقع اخويا عشان يقوم هههههه مسكيييييين
وقام بسرعة وماسكين يدي وينزلوني الدرج وانا ميييييتة وكل ما راح الالم انزل بسرعة واذا جا اوقف
3 ادوار حسيتها 500 دور
لين وصلت السيارة 
واحنا في الطريق يجيني الالم وادففف وامي مسكينة مفجوووعة

اول ما وصلنا الطوارئ جابولي كرسي يا حليلهم خخخخ
وانا أأشرلهم لا لا سريرررر
جابو السرير وانا مو قادرة انزل من السيارة لانها كروزر وكانت عالية شوية 
واخويا يقلي انزلي وانا مو قادرة وعض على شفايفي 
راح مسكين شالني وحطني في السرير

ودوني الطوارئ وصاروا يقيسوا الضغط ومدري ايش 
وامي تقلهم تراها خلاااص رح تولد

وهما معصبين يقولوها طيب طيب
وانا مييييتة وادف
لين الراس طلع ااااه يا الله
قلت لامي الراس خرج ههههه حسيت ان امي عيونها خرجت من الفجعة ههههه
صيييييحت عليهم وقالت والله لو صار لبنتي شئ يا وووويلكم انتوا تستهبلوااا البنت ولدت

رفعت الممرضة الشرشف وشافت الراس
صاروا يدفوا السرير وانا دفيت بقوووة لين خرجت حبيبة قلبي

ولدت في السييب حق الطوارئ تخيلوا
وصلت الغرفة وخرجوا المشيمة وسوولي غرز عشان انشقيت

بعدين قالولي مافي سرير
بصراحة قهرووووني اخذوا البنت ولا وروني هيا عاد انا كنت ابغاهم يسوولي زي الافلام يحطوها على صدري

اقول للممرضة هاتيها تقول بأديييين مادااام
حقدت عليهم 

وحطوني في الطوارئ على السرير الغبي حقهم
اقللهم ادوني مخدة قالوا مافي مخدات في الطوارئ
بعدين جات الدكتورة قالتلي انتي ما رح تقعدي عندنا الا 6 ساعات لانك ما تسوي متابعة حمل عندنا
والطفلة رح تقعد 24 ساعة

انا ولدت العصر عبال ما جا زوجي في الليل عشان انا ساكنة في المدينة واهلي في جدة 
وصل ورحنا شفنا البنت في الحضانة ورحنا البيت
وتاني يوم رحنا المغرب اخذناها

وفي الليل رجع سافر الله يحفظه

طبعا الحمدلله عدت على خير وربي فرجها من عنده
وانتبهوا يا بنات ترى الم الولادة مو شرط يكون زي الدورة 
ممكن يجيكي زي الامساك المزمن مع الضغط القوي

اهم شئ انك تشوفي المدة بين الالام لو كانت متقاربة رووووحي فورا

وربي لو اني اتاخرت 5 دقااااايق بس كان ولدت في السيااارة نخيلوااا

في النهاية الله يسهللكم ياااااارب ويفرج على كل حامل

ويفرج على كل محرومة ويرزقها بالذرية الصالحة المباركة ياااااارب

والحمدلله جاتني بنت صغنطووووووطة زي النقطة خخخخخ

الله يحفظهم جميعا وينبتهم نبات حسن

فماااان الله
ام القماري