قصة ولااااادتي وحسبي الله على الدكتور0000000

هلا ومرحباااا فيكم -----

طبعا مثل ما وعدتكم اخواتي اني بكتب لكم قصة ولادتي وان شاءالله ماتملوا هع هع
طبعا انا بكريه وطولت باالتاسع وماولدت وعديته وعطوني المستشفى موعد اسبوع اذا ماجاني طلق بينوموني--وطبعا ماجاني الطلق وجاء الموعد وطنشتهم مارحت----لان بعض الحريم قالولي لاتروحين بعدين يلعبون فيك--ورحت السوق وشفت زميلتي توها والده لها شهر وقلت لها مارحت الموعد---قالت يامجنونه روحي لهم لايتبرز الجنين ببطنك بعدين يسوون لك عمليه:icon33:عاد انا خفت ووعدتها انو بكره بعد الفطور بروح لهم --وعاد جاء بكره وكان يوم 27من رمضان --- فطرت ورحت مع زوجي --- ودخلت المستشفى قالوا تنويم----ماتطلعين---وجات الدكتوره تكشف علي ووجعتني قالت مفتوح 1سم وكنت اصيح من الكشف 000قالت انا ما اوجعتك انتي اللي اوجعتي نفسك:mad: قالت لي راح اكتب لك ابرة الظهر لان الكشف ماتحملتيه وشلون بتتحملين الولاده00
قلت لها متى بولد؟؟؟ قالت ماراح تطلعين الا وانتي والده---راح اخليكي الحين واذا مافتح الرحم للساعه 5الفجر راح نبدء نعطيكي طلق صناااعي----وودوني غرفه ثانيه واطلع جوالي واكلم زميلتي اللي وصتني اروح 00وقعدت تطمني وتقولي امشي باالغرفه عشان يفتح الرحم---وطبعا ظليت منسدحه ع السرير لاني كسوله جدا جدا---الا اروح الحمام الله يكرمكم واشوف ذاك الدم ينزل مني---واروح اكلم اللي معاي بالغرفه وقالت طقي الجرس خليهم يجونك---وجابت لي السستر فوطه000وطبعا جلست اسولف مع الحرمه اللي معاي مسكينه تقول اجهضت وقعدت تشكيلي عن اهل زوجها ---- خذناها سوالف وحش:hahaha:وطبعا جات الساعه 5وجاو نزلوني لقسم الولاده وجات وحده معي باالغرفه---الموهم جات الدكتوره وكشفت علي واتالمت بقوه وحطت فيني التحميله الاولى 000وقعدت ابكي احس اني عذبت نفسي بهاالحمل-- -- وراحت الحرمه اللي معاي تتمشى ورحت انا بعد اتمشى وكلمتها طلعت مثلي بيعطونها طلق صناعي بس انها مو بكريه هع هع
وجاء وقت الظهر وكان الالم خفيف وجات الدكتوره قاست الرحم ونطيت نطه من الم الكشف وعصبت علي وحطت التحميله الثانيه لانها حصلته مفتوح 2سم---وبعدها بدا الالم يزيد 0000وجاء العصر وجات الدكتوره قاست وحصلته 3سم---وحطت التحميله الثالثه---وبعدها اللي معي بالغرفه جاتها ولااااده وقامت تصاارخ --عاد انا خفت ورحت اتمشى الا اسمع صياح البيبي ورحت عودت للغرفه -----ابارك لها واتحمد لها بالسلااامه00الا تقولي وش فيكي انحشتي00لايكون خوفتك000قلت اكيد خوفتيني وانا بكريه وش عرفني بالولاده ---وطبععا نقلوها من القسم وبقيت انا انتظر الفرج------
جاني الم قووي ببطني وظهري قلت خلاااااص ما اقدر اتحمل الالم ---طلبت منهم ابرة الظهر ---قالت السستر مافي ابره الا اذا فتح الرحم 4س----فقلت للدكتوره تكفين ما اقدر اتحمل خلااااص كلمي الدكتور خليه يعطيني اياها---والحمدلله الدكتور ماقصر عطاني اياها وكان جدا طيب---وبعدها ارتحت ونمت وبعد الفطور جاء واحد دكتور مصري قالي سمعت انو وضع الجنين مو طبيعي خليني اكشف وخليته يكشف وطبعا ماكنت احس بالكشف لاني ماخذه الابره----حسبي الله عليه 000قال احولك قيصري---- قلت لالالا حراااااام عليك بعد ماتحملت الكشف والطلق واخذت الابره تجي تقولي قيصري---حراااام والله حراااام:icon33:----قال وبكل عصبيه انتي مش عايزه صحة الجنين---سكتت وطلع --- واتصلت على زوجي طبعا هو يشتغل باالمستشفى وقلت له الحق علي بيولدوني قيصريه---وماقصر زوجي كلم زميلته الدكتوره وجات عندي وقلت لها تكفييين مابي قيصريه --- وجات الدكتوره وكلمته وعلى طوووول والله ما اكذب عليكم على طول قال لالالا خلاص دا وضع الجنين تعدل ---كذاااب اصلاااا هو ماشاف حتى جهاااز النبض---- يعني طلع نصاااب يبي يسوي لي قيصريه عشان يربح فلوس على حسابي:mad:وطلع مني الا كلها نصف ساعه مرت الا حسيت بالم بالحوض وعلى طول جات السستر قاست وقالت ولااااده:27:انبسطت كثير 000وعلقوااا رجولي وحده شمال وحده جنوب ههه وقالوا لي اخذي نفس عميق وادفعي بقوه وانا ادفع واقول جيبوا شفط قالت السستر --شنو000قلت لالا ماقول شيء000الا قالت مافيه شفط ياالله سوي دفع 000مدري شلون فهمت خخخخخ وانا ادفع اقول حر حر حر واهف بيدي:hahaha: وبعدها طلعت بنتي الساعه 9مساء وراحوا عملوا لها بصمه وجابوها على صدري وجلست السستر تخيطني وانا اسولف واسالها كم عندك عيال وجنسيتها خخخخ بصراحه تجنن ---- وبعدها اتصلت على زوجي ابشره اني ولدت وبشرت اهلي وزميلتي جزاها الله خير----وبعدها جاء الدكتور وشال مني لزقه ابرة الظهر اللي حطها لي وودوني غسلوني وودوني لقسم الزيارات ----وبكذا افتكيت من هم الولاااااده اللي كنت احاتيها ---والحمد لله على كل حاااال--------

----جزاها الله خير الدكتوره اللي كتبت لي ابرة الظهر000مع اني حقدت عليها يوم اكشفت علي :mad:
----الدكتور النصاب سالت زوجي عنه ليه يبي يولدني قيصري000قال زوجي لانه لو ولدك قيصري بيزيدونه 2000ريال-------الحمدلله ماخليته يكسب على حسابي:hahaha:
------واخيرا الله يسهل عليكم ولادتكم يابكريااات---والحمدلله انا ريحتني في ولادتي ابرة الظهر000ولاتخافون من الطلق الصناااعي -----والله يكتب لكم اللي فيه الخير0000

واسسسسفه ع الاطاااله:time: