السلام عليكم ابشركم ولدت بالسلامه بعد ما زدت 4 ايام عالتاسع
المهم ولدت يوم الجمعة 18_10 يوم الاربعاء جات امي عندي تقول ماهي متطمنه وداومت المدرسه وجات عندي مه ان المسافه بيني وبينها ساعتين الله لايحرمني منها
الخميس رتبت البيت كاني حاسه وكل شوي اشيك على شنطتي لاني بسافر لاهلي وطلعت مشيت يمكن ساعه وحسيت ان بطني مشدووود مرة شوي وينشق ورجعت البيت واخذت شاور وبعد العشاء دقت جارتي قالت هيا السطح وطلعت وقبل ما انزل مشيت لي ساعه الا ربع ونزلت البيت واخذت شاور دافي ونيمت دانه وجلست عالجوال اتابع ذا المنتدى وبالاخص ذا القسم وعلى اذان الفجر يوم الجمعة رحت اصلي الا احس باسهال اعزكم الله رحت صليت صحيت زوجي وانا اضحك في وجهه قال لي هلا والله ورجعت انام وافتح المنتدى مرة ثانيه ولانمت الا 6
المهم صحيت 7 وربع على مغص كانه طعنه اسفل بطني وفتحت عيني قلت لا ان شاء الله ماتكون ولادة << وحدة فاضيه ابغى انام واشبع نوم وقمت رحت الحمام الا اسهال مرة تانيه ومشيت شوي فالصاله ورحت المطبخ ابي مويه ماقدرت اشرب حاسه بكتمه وجلست عالكرسي ورحت غفتي وشوي الا يزيد الالم واصيح في زوجي قال وش فيك وبكيت قام اوخذ دانة وطلعها عند الجيران ورحت المستشفى قالت مفتوح 3 سم ماشاء الله وقلت لزوجي يالله نطلع ابها وقدنا ف الخط الا تاذكر دانه انها متوترة ورجعت البيت وجلست ساعه ودق على الوالدو وماقدرت اكلمها وكلمها زوجي قال تعالي ام دانه تعبانه ومدري وش اسوي وعلى طول مسكينه تصحى الوالد وسفر
زوجي كل ماجاعندي وجاتني طلقه يخرج جري من الغرفه واذا سكت جا ويناظر فيني مسكين هبلت به
المهم جلست ساعه فالبيت وقلت له خلاص نرجع بموت وماقدرت امشي للسيارة كل شوي اجلس احس شي يدفني المهم وصلت المستشفى الا قالت الدكتورة خلاص ولادة ولله الحمد كله نص ساعه الا وسعودي طلع ماشاء الله تبارك الله وزوجي عند الباب يدق مااحد رد عليه اخيرا قال يابنت قلت له نعم بصوت مبحووووح نشف حلقي قال انتي طيبه قلت الحمدلله قال ولد قلت ولد الا ويدق ويبشر اهلي امي على جمر مسكينه حتى ابوي يسولف معها وهي في عالم ثاني ويوم ولدت قامت تسولف وتضحك الله يطعني عنهم
المهم جلست الدكتورة تخيط ساعه قد طفشت ابي اناااااام مواصله وخلصوا وطلعوني التنويم ولاعاد حسيت الابامي وهي عند راسي حتى ولدي ماشفته الا ف الاخيير
على فكرة اليوم اللي قبل ولادتي سمعت فتاوى على الهواء في اذاعه القران واحد يسال الشيخ المطلق عن حكم شرب ماء زمزم بنيه التوفيق فالعمل قال لاشي فيها لان الرسول صلى الله عليه وسلم قال ماء زمزم لما شرب له وشربت بعد مانزلت من السطح وقلت قبل ما اشرب قلت يارب تسهل ولادتي وتعجلها وولدت اليوم الثاني الحمد لله
هذي قصتي بالتفصيل الممل واسال الله الذي يسر لي ولادتي ان ييسرها لكل الحوامل ويحفظ مواليدهم ويرزق كل متاخرة يااااااااااارب
ملكة الاحباب @mlk_alahbab
عضوة جديدة
يلزم عليك تسجيل الدخول أولًا لكتابة تعليق.
زوجي غناااتي
•
الحمدلله على سلاااامتك والف الف مبرووووووك
الصفحة الأخيرة