:04::04:لله الفضل والمنة رزقة بمولود في تاريخ 1/12/1431هـــ
وانا بكرية وانتوا عارفين معاناة البكرية وهواجيسها عن الولادة وانا كنت من هالنوع من اول ماعرفت اني حامل كل يوم بكاء وخوف من هالهاجس بس
الحمد لله ياحبيباتي راح اكتب لكم قصتي بالكامل علشان تستفيدون بس قبل كل شيء
اقدم لكل من في منتدى عالم حواء خالص الشكر والتقدير لكم تعرفون ليييييييييييه؟؟؟؟؟؟؟
لان بعد الله ثم انتوا استفدت كثييييييييييييير من مواضيعكم ومشاركاتكم وقصصكم والله يابنات اني احبكم في الله كنت والله وانا اولد اتذكر منتدى عالم حواء اكيد مراح تصدقون مين في ذاك الوقت تفكر في المنتدى انا معكم كلام يمكن لايصدق لكن انا اقولكم قصتي
طبعا كان الكل يقول ان البكرية احيانا تتاخر تاخذ التاسع كله المهم انا ماكنت مقتنعه كان ودي اولد بسرعه لانكم تعرفون التعب الحمل المهم فعلا من اول يوم التاسع وانا زايد الألم اخذت تقريبا خمس ايام طبعا كنت امشي المهم راح اكتب في نهاية القصة التي لاتنسى هههه بعض النصائح والله يبنات اللي بتتبعها راح تشوووف النتيجة ان شاء الله
المهم قبل يوم الولادة رحت امشى وزاد الطلق وانا كنت احسبه الم يروح ويجي نمت الساعه 11باليل وكنت اتالم وابكي وصحيت الساعه 1 بالليل من شدة الالم وقمت افرفر وامتر هههه الشقة كنت ارتاح ولمن اجلس يزيد الالم طبعا كنت حاطه في بالي اني بولد قبل العيد وكل يوم انتظر لكن سبحااان الله في ذاك اليوم راح عن بالي ان هالاللم ممكن يكون طلق ولادةالمهم جلست الى الساعه 4 الفجر وزوجي طبعا معي وماهو عارف وش يسوي يقولي روحي تروشي بماء دافيء والله وبسرعه اروح والحمد الله ارتحت شوي وقمت صليت لي ركعتين وادعو الله يسهل علي ولادتي ويهون علي الطلق واذان الفجر وكان اكل لي سبع تمرات واصلي الفجر وشوووي ويرجع الالم من جديد بزياده ويدخل زوجي النت ويقرأ موضوع عن الطلق وانا كنت اقوله هذا طلق ولاده اكيد خلاص تعبت نروح للمستشفى طبعا انا بالاحساء واهلي بالخبر ماحبيت ادق على امي تجلس تقلق علي وعندي عمتى قريبه من شقتي وانا كنت عندهم العصر وشايفة حالتي المهم دقيت عليها واقولها زايد الالم بروح المستشفى قالت لا يلعبون فيك وانتو عارفين المستشفيات قالت تعالي عندي واذا زاد ومافي فايدة روحي المستشفى وفعلا رحت عندها وتمرخني وتعطيني سبع تمرات وبعدها كوب حليب فيه حبة البرركة وبخرتني بجاوية وشب ويزيد الم بقوة واقوم امتر هههه بيتها تمتير ويجي خالي هههه يقول وشفيها هههه تمتر البيت قالت شكلها بتولد ((عمتى زوجت خالي )) علشان توضح الصورة لكم المهم وطول وانا امشي كنت اقراء المعوذات واية الكرسي وزلزلة واستغفر والله يبناااااااااااااااااات راح تشوفون نتيجة هالشيء بالولادة والمهم جات الساعه 8 الصباح ويدق على زوجي هااااجيك نروح المستشفى قلت اية خلاص تعبت مااقدر اتحمل وعلى طول يجي طبعا هو مومقتنع انها ولادة قال نروح لدكتورتي في مستشفى الدكتور جميل خطاب وقالت خلاص ماتقدر تشووف حالتي لانهم ارسلو الملف لمستشفى الاحساء بناء على طلبي اني بولد فيها وبيني وبينكم يابنات كنت محتاااااااااارة في اي مستشفى اولد قلت ماادري وين الخيرة لي فيه وفعلا نروح الاحساء وتطلع ان الشركة موقعه على موافقه لمستشفى عبيد التخصصي يووووووووووووه وانا خلاص وصلت حدي من التعب والالم قال لازم نرجع لجميل خطاب ويرسلون لشركة وعلى ماتجي الموافقه كاد انا ولدت ااااااااه قلت اقول نروح اي مستشفلى اولد خلاص تعبت قال ان الدكتور اللي في مستشفى الاحساء قال ياانك توديها عبيد ولا مستشفى الولادة والاطفال قاله طيب وش تنصحني فيه قال الولادة كونهم متخصصين في هالشيء قلت يالله خيره ونروح وتكشف الدكتورة وتقول خلاص ولادة والمشكلة مانزل معي لا موية ولادم ولا اي شيء وتوديني غرفة الانتظاار وكنت ابي زوجي يدخل معي رفضوووولا حتى عمتى ولا احد والله يابنات لمن اخذتني لفوق غرفة الانتظار تذكرت المووووت وكنت طول الوقت اقرا واستغفر جات الدكتور ة وتكشف قالت اووو مدام كويس الحين 7 ونص 8 انا فكيت عيوووووني قلت الحمد الله يعني هانت ماباقي شيء وطبعا هالشيء في كوووم واصوات الللي يصاااارخون كوم ثاااااااااني تذكرت كلام صديقتي الله يوفقها ويسعدها كانت تقولي ماعليك من احد لا تسمعين واكثري الاستغفار والله فعلا حاااولت اسكر اذني علشاان مااسمع ويجي الدكتور كنت متوقعه دكتورة المهم في هذاك الموقف قلت يالله دكتور دكتورة المهم اخلص وكشف قال اوكي 9 ويبط الموية ووووووووووووواوووو بس قهرني قال لنيرس عطيها طلق صناعي تخيلوووو ماباقي شيء وطبعا طول الوقت اتذكر الموووت لان في ذاك الموقف كنت اتالم ولا احد حولي لا ام ولا اب لا زوج لا اخت لااخ مافي احد تخيلت الانسان يوم القيامه مين راح ينفعه مراح ينفعه الا اعماله اااااااااه الحمد الله ينات يمكن هالشيء كان يهون على الالم وشدة الطلق ولمن حطت الطلق الصناعي حسيت ان روووحي بتطلع سبحااااااااااااااان الله يخرج النفس من النفس سبحااان الله ويزيد الين ماوصلت لنهايه خلاص حسيت ان شيء بيطلع طبعا الله يذكر بنات المنتدى ونصايحهم وقصصهم كانو يقولون اذا حسيتي انك تبين تروحين الحمام خلاص يعنلى بيطلع الجنين وطريقة التفس واشياء كثيرة المهم قلت دكتوره خلاص بولد طلع موية كثبر وابي اروح الحمام وعلى طوووول تودني غرفة الولادة وانا ادفع ابي يطلع هالشيء شوي قالت ايوة طلع الراس يالله طبعا هنا طلع الصوت لا ارادي اصرخ وقالت ادفعي مثل الاولى وكنت اتذكر في هالحظه طريقه التنفس اللي يقلتوا عليها والحمد اللله نفعت وادفع دفعه طويله وكان تشق العجان طبعا ماحسيت بالمه لان الم طلوع الراس مغطي عليه وقالت ايوة ادفعي اكثر وادفع والحمد لله :04:طلع حبيبي الصغيرووون وحطتة على بطني وقتها تنسين كل الالم الحمدلله الحمدلله
اه تعبت وانا اكتب لي رجعه ان شاء الله بعد مااشوف ردودكم :27:
سيدة الطموح @syd_altmoh
عضوة فعالة
يلزم عليك تسجيل الدخول أولًا لكتابة تعليق.
عماره بدون درايش
•
يالله سبحان الله
الصفحة الأخيرة