قصة ولادة قريبتي....بدون تعليق

بسم الله الرحمن الرحيم
كيف حالكم ياخواتي ***هذا أول موضوع أنزله في المنتدى وإن شاء الله مايكون الأخير
بحكي لكم قصة ولادة أحد قريباتي لعلها تكون فيها عبرة إن الواحد مايولد في ذا المستشفى
السالفه تقول...
قريبتي هذي فيها ربو فكتبت لها الدكتورة ترقيد علشان تعطيها أبر لربو طبعا هي كانت في الشهر التاسع ويبدو أنها متأخره عن موعد الولاده فسولها أشعه وقالوا إن المويه ناقصه لازم نعطيك طلق صناعي ..عطوها أبرة طلق الساعه 11 الظهر فشتد معاها الطلق بعدين خف وهي تركض وراهم وتقول عطوني إبرة ثانيه وهم ولا كأنهم يسمعون ويقلون إن معك مريضة موعد إبة الطلق لها الساعه 6 بالليل نعطيكم الإبره مع بعض ...لا:30: وكل هذا في غرفة الترقيد ! يعني مانزلوها في غرفة الولادة..
بعد ماعطوها الإبرة الساعة 6 تقول جتني الولادة وحسيت إن الجنين بيطلع ورن عليهم الجرس ولسوء الحظ ما كان مداوم ذاك اليوم إلا ممرضة وحدة مع إنه كان يوم إربعاء وأقول لها إنه فيني ولاده نزليني تحت وبعد الإلحاح الشديد أخذتها بكرسي وغطته وقالت بدق عليهم علشان يستقبلونك فلم دقت رفضو يستقبلوها يقولون إن عندهم زحمة ..:eek: فقالت قريبتي رجعيني لسرير لأن الحريم تجمعو عليها في السيب ..
فلكي أن تتخيلي ولادة وجمعت حريم :09: فرجعتها لسريرها وتقول مامداني أتعدل على السرير إلا وينزل رأس الطفل وتصك الممرضة رجليني على بعض وتقول لااااااااا..كأنه بكيفها بغت تسبب له إختناق وبعد مانزل الولد الله يخليه لها ماصاح فتقول قاعدة أصرخ على الممرضة أقول إخذه سنعيه وتاخذه وتركض فيه علشان تنادي الممرضات و الحريم الله لايبلانا هذي داخله وهذي طالعه يفتحون الستارة يتفرجون :confused- الفرجه بلاش ..وتقول قريبتي سكرو الستارة يقولون ماعليك ..ماعليك
وبعد كذا يجون الممرضات :11retcher وياخذوها على غرفة الولادة (وش عقبه )وتقول لما دخلت الغرفة فيها خمس أسرة إثنين يشتغلون فيها وثلاثة فاضية ..وبعد ماخيطوها وخلصو خلوها عندهم مارقوها فوق لترقيد :30: يقولون ماعندهم سرير وهي المسكينه محتاجه تنام بعد يوم التعب وصدع رأسها من صراخ الحريم في غرفة الولادة الله يهون عليهن وقعدت في الغرفة إلي بكرة ولا رقوها إلا بعد مازوجها دق على المدير ودبرو لها سرير....

وهذي هي القصة الله يهون علينا وعليكم الولادة يارب