السلام عليكم
مثل ماوعدتكم بحكي لكم قصة ولادتي المريره والحمدلله,,,
اول شي يوم الثلاثاء رحت الطبيبه موعد عادي ثالث يوم بالتاسع وقالت لي الرحم مفتوح واحد ونص ويمكن تولدين بعد 3 اسابيع ,,,
المهم قمت امشي وامشي وامشي تورمت رجولي من المشي,,
يوم الاربعا جا زوجي من السفر كأنه حاس اني مقربه وانا اقول له تطمن لسه مطووووله,,,
يوم الاربعا جربت وشربت زيت الخروع مع عصير والله لايوريكم رايحه جايه ع الحمام ولا في لا طلق ولا اي شي,,,
جا يوم الجمعه الفجر الا واحس بطلوق خفيفه فرحت وقومته من النوم ورحت المستشفى وبعد الكشف والتخطيط قالت لي عندك طلق بارد والرحم مفتوح 2سم بس ... انا تحطمت ورجعت البيت وقلت لزوجي شكلي مثل الفيل بحمل سنتين...
قام زوجي يقول لي انه سمع ان ال,,,, يساعد ع الولاده,,,
عاد انا مالي خلق قلتله كذب ,,, قام يحلف وبعد ترجي منه صار...
والله يابنات ماتصدقون انه لما صار هالشي وكان الاحد الساعه 8 الصباح لان كنا سهرانين والله يابنات بوقتها انفجرت موية الراس..
انا بما اني بكريه ماني عارفه ان هذا موية الراس والا وشو...
صرت امشي وهي تصب مثل موية الحنفيه مررره خفت ورحت اتحمم وهو مستمر ينزل كثييييير ولبست وقلتله خلنا نروح المستشفى ولا تعلم احد الين يقولون ولاده اكيد...
وحطيت فوطه ورحنا واول ماشافت الدكتوره المويا قالت ودوها غرفة الولاده ونزلوني وكان مفتوح 2 ونص هذا الساعه 9 الصبح..
راح زوجي جاب امي وجا ودخلت امي وزوجي معي لغرفة الولاده...وجت الدكتوره قالت مافي طلق والمويه بدت تقل كثير وحطت لي طلق صناعي الساعه 1 ونص الظهر..
وتعالوا شوفوا العذاب كنت بموووت وزوجي كان بينهبل... وجت السستر حطت لي مسكن بالعضل وحسيت الدنيا لفت فيني وماقمت اركز حتى بالنظر...
ربع ساعه وراح مفعوله وجا الالم الاكثررررر...
وكل شوي تكشف على وتقول 4سم
وتوسع شوي وانا انواع الترفيس فيها,,,,,ههههههههه والله زين تحملتني...
الساعه 4ونص كشفت قالت 7سم وقامت تركض تجيب سرير البيبي وتنادي السسترات وماما:06:
وزوجي:08:
وجت فتحت حق الرجلين وحطت رجليني عليه وكشفت قالت ماشالله 9 سم وقتها بديت احس بالدفع وادفع بقوه وهي تقول خذي نفس خذي نفس لا يصير نزيف...
وانا مني قادره قلت نزيف والا مو نزيف طلعووووووووووووووه بمووووت...
شوي انقطع نفسي وصار لوني ازرق قامت وحده من السسترات جت رفعت ظهري وصارت تضرب فيه مافي فايده قامت جت هي ومعها وحده ثانيه و1 2 3 وضغطو على بطني بقوووه ويطلع احلى ريان بالدنيا فديته...
عاد لما طلع ماصاح ولا شي كان شرقان بالمويا شفطوا المويا من فمه وقصوا الحبل السري وانا مااشوف الا رجلينه تتحرك ماقدرت اشوف وجهه لان رجليني معلقه احاول اطل ماقدرت
واقول لماما ,,,
ماما اشفيه مايبكي؟؟؟ميت؟؟؟؟
قالت لا اسم الله عليه بس شرقان..
واخذوه عني وبعد شوي جابوه اشوفه انه بخير لاني ماصدقت..
وطبعا خيطوني ماحسيت لان حطوا بنج بس من ثاني يوم بديت احس بألمها الى اليوم...
وبعدها طلعوني للجناح حقي لقيت زوجي حبيبي فديته جايب ناس زينولي البوابه كلها بالتل والبالونات واشياء تهبل...
وخلاص
توته توته خلصت الحتوته...
عقبال كل الحوامل يولدون وتتيسر ولاداتهم يااااااااارب...
تكفون ادعولي وادعوا لزوجي وولدي هذا اللي ابيه بس...
ملكة الانوثه @mlk_alanothh
عضوة نشيطة
يلزم عليك تسجيل الدخول أولًا لكتابة تعليق.
**ام جوجو**
•
ماشاء الله تبارك الله الحمد لله على سلامتك وسلامه ريان
الحمدلله على سلامتك يـا ام ريان ..
ويتربة بعزكم ان شاء الله
وعقبااااااااااااالي و عقبال اللي ببالي يارب :)
ويتربة بعزكم ان شاء الله
وعقبااااااااااااالي و عقبال اللي ببالي يارب :)
الصفحة الأخيرة