أسعد الله اوقاتكم بكل خير
وربي ينولكم مرادكم يارب
وبكتب لكم قصة ولادتي
طبعا
الاغلب يعرف انه منى عيني البنت
وربي فرحني ورزقني بها
واكيد قراتم أحد مواضيعي السابقه
http://forum.hawaaworld.com/showthread.php?t=3291431
الاخر
http://forum.hawaaworld.com/showthread.php?t=3104533
طبعا ولدت بنهاية شهر ربيع اول
أحستت ببعض الالم الخفيف الذي لايذكر ببداية دخولي الشهر التاسع ولكني كنت مريحه بالي وكنت ادعي ربي أنه يسهل علي ولادتي وما احتاج للطلق الصناعي والحمد لله ما احتجته
وفي يوم ولادتي حسيت أنه المغص بدأ يزيد شوي وبطني تتحجر وأقول لا هذا مو طلق
هذي طلق كاذب وأسكت نفسي كل مره لدرجة انه رجلي حس فيني
وأنا أقول له لا مافيني شي ..
واتاريه طلق بس طلق خفيف ولله الحمد
مثل ماغص الدوره تكرمون
وبدأ يشد علي بنصف الليل وأصحى على ذاك الالم الي مايخليني اتنفس
وتصبرت شوي قلت لالالا اكيد مو طلق مو رايحه للمشفى يلعبون فيني:3_10_6: >>>>> كلمه دايما أسمعها من يوم ماكنت طولي متر ونصف :hahaha:
المهم
بدأ الالم يزيد
كان أقول لرجلي ركب لي قطعة فحم أبي اتبخر بعود يمدحونه
ويركب رجلي الفحم ويجي عندي مسكين حسيته مرتعب مو عارف شو يسوي
كان أقول له أقرأ علي سورة الزلزله معلمته وكاتبه له بورقه بس من الربكه
ومعاه علبة مويه من المدينه جابته لي الله يعطيها العافيه موية زمزم
وتجيني هذيط الطلقه الي خلتني أستند على الكنبه كني بحظنها
شابفه هالحركه بالنت لتخفيف ألم الطلق
وشوي تو بدأ رجلي يقرأ سورة الزلزله لاتنسون ترى الفحم على النار ورجلي مو حاس فيها مو تنسون :3_3_103:
قبل لايخلص كان تنكب موية النونو كان أصرخ خفيف خلاص انكبت المويه شكلي بولد يله عجل بسرعه
لبسني عبايتي هذا أول مره أحس اني صج عرفت المويه الي يتكلمون عنها البنات بالمنتدى
ويلبسني رجلي العبايه وانا أقول له مقلوبه >>>> فاضيه انا عدله ولا مقلوبه روحي ولدي وفكينا :bkh:
اهم شي اني أروح المشفى مرتبه :angry:
لالاحظوا الفحم على النار ترى وانا في عز الطلق أقول لرجلي روح طف النار ترى الرجال مايلحق على كل هالشغلات
ونروح المشفى طيران
وتجيني النيرس عند البوابه :02:
الي شوي والفخها كف
مدام كم بيبي ..
مدام فيه مويه ...
مدام متى ألم
كان أقول لرجلي سكتها عني مو ناقصتها
المفروض صراحه
ماله داعي تسألني ولا أي سؤال من هالآشياء
ليش ...؟
لنه ملفي معهم وكل شي مكتوب فيه
فـ شنو راح تخترع او تكتشف معلومه وهي تسألني
صدق سخاااافه
ولا أقول لها انكبت مويه ومو قادره أوقف تقول لي مدام فيه وزن
صج صج قمة بالغبااااااااااااااااااااااء والسخافه
أقول لها فيه ولاده تقول لي مدام شوف وزن :icon33:
قسم بالله سخافه من قلب
ماحبيت أتذمر ولا أقول لا او أرفع صوتي عليهم
لني بكون تحت رحمة الله ورحمتهم
سكتت وامري لله
جان يجيبون لي السير تبع النبض وجلست تحورف فيني يمين ويسار وعذبتني على مافرفرت فيني وماحصلت النبض
كان تقول لي بعد 5 دقائق انتي فيه يحس بيبي حركه
قلت أيه خلصيني أحس اني بولد مو فاضيه لك
شوي الى تلاقي النبض واحس اني خلاص بدفع الى تقول لي مدام صبر شوي وتقيس
الى تقول خلاص ولاده
متى تحسين فيه دف سوي بوووووووووووووش >>>>> لاحظوا ترى صرت اتكلم مثلهم نفس كلامهم :06:
مره مرتين بوش
يمكن الـ 3
طلعت بنووووووووووووووووووتي
وتقول لي مدام مبرووووووووووووووك قيرل وانا مو مستوعبه
أقول لهم جيبوها أشوفها
كان تقول لي مافيه هنا
فووووووووووووق
ياناس ياعالم أبي أشوفها مقدر انطر ساعتين لما أصعد فوق
قالت ممنوع
قلت ممنوع ممنوع
اصبر هالـ ساعتين
صبرت 9 شهور ماصبر ساعتين
ورصعدوني فوق
وكحلت عيوني بشوفت بنووووووووووووتي بين يديني :27:
ودعيت حق الي يتمنون الحمل
وكل متاخره بالحمل السليم المعافئ
والحمد لله اولا واخـــــــرا:39:
يلزم عليك تسجيل الدخول أولًا لكتابة تعليق.
مبرووووك والف الحمدلله عالسلامه الله يعينك على حسن تربيتها واسأل الله العلي القدير انك تشوفينها احلى عروس
الله يبارك لك فيما اعطاك ويجعلها من الصالحات
اختي الله يحفظك مايصير تقولين تحت رحمة الله ورحمتهم
قولي رحمة الله ثم رحمتهم
اختي الله يحفظك مايصير تقولين تحت رحمة الله ورحمتهم
قولي رحمة الله ثم رحمتهم
انا زيزي
•
مبرررررررررررررررررررررررررررررررررررررررررررروك ياقبلي الف مبرووووووووووووووووك بس ماقلتي وش سميتيها
الصفحة الأخيرة
وجعلها من مواليد السعاااده يارب