ابدأ معكم من اخر مراجعاتي في التاسع دخلت الاسبوع 38والخوف يغمرني بسبب وجود سكر الحمل
وعلى كلام الدكتوره لازم بعد هالاسبوع تولدين بعد ماخلصته بيومين رحت موعدي وتطلب مني الدكتوره كشف لعنق الرحم واوافق على طول وانا فيني رهبه وخووف
بعد ماخلصت قالت لي الرحم مفتوح واحد ونص بس عنق الرحم قاسي سوي تخطيط وبكره تجين ندخلك طلق صناعي قالت هالكلمه الا وجهي كذا
طلعت منها لغرفة التخطيط جلست نص ساعه واطلع الا تقول التخطيط يبين فيه طلق بس خفيف وتكتب اوراقي وتعطيني اوراق الدخول واطلع منها ودموعي على خدي
طبعا كانت خايفه من الطلق الصناعي ومو عارفه ايش بيواجهني معاه رحت بيتي وجهزت شنطت البيبي ورحت امشي مشيت بالمول يمكن ساعه قبل الظهر ورجعت وتغديت انا وزوجي بعد العصر طلعت لاهلي ولاحبيت اخبر اهلي بشئ عشان مااشغل بالهم وراي حسيت اني ماارتحت عندهم خفت ينكشف امري عندهم ويعرفون وش فيني لاني سرحانه ومو معاهم ابد ووجهي مشحوب وعيوني حمرا من الصياح:icon33::icon33::icon33:
اتصلت بزوجي يرجع ياخذني واعتذرت لامي انو زوجي عازم رجال على العشا طلعت منهم الا انفجر اصيييح :icon33:
وزوجي المسكيين مايعرف ايش يسوي ويجلس يهديني رحت بيتي طبعا مالي خلق طلعات ولا شئ جلست انظف وارتب الغرف والمطبخ
جات الساعه 11بالليل والنوم حالف مايمر علي مرت الساعات وانا اتقلب من جنب للجنب الثاني
جت الساعه 3واقوم اتوضا واصلي ركعتيين وادعي ربي من كل قلبي خلصت صلاتي واطلع على السرير الا انام يمكن ساعه ونص
حسيت بالمنبه الجوال قمت سكرته صحيت زوجي وراح يصلي صليت وجت الساعه 6الا ربع ونطلع من البيت للمستشفى طلعت وانا مااقدر اشيل رجولي من الخوف
وصلنا مكتب الدخول واخذو اوراقي وطلعتنا النيرس فووق دخلوني غرفه فيها صاله وغرفه ثانيه فيها سرير وحمام
جتني الدكتوره المناوبه كشفت علي قالت تحتاجين تحاميل عنق الرحم قاسي شوي فكت التحميله ودخلتهاالله حسيبها هالدكتوره مره قاسيه لا بتعامل ولا بكشف انتبهوا منها يابنات اسمها نجوى قالتلي ساعه ونص ماتتحركين ابد وبعدها عادي وبعد 6ساعات اشوفك اذا توسع الرحم ولا عطيتك تحميله ثانيه
قلت ياربي يسر لي امري ولااحتاج لتحاميل ثانيه جت الساعه 10الا ظهري زي الكهرب ماسك فيه الم مو طبيعي اسفل ظهري زي الحرييق نار نار بعدها طلبت الدكتوره تتصل علي بالغرغه وتقولي اجي ضروري صراحه قهرتني يعني انا العب ولا تستخف دمهاوكشفت قالت زي ماهو اتحملي شوي
جت الساعه 12وتجي دكتوره ثانيه اسمها وسام على مااعتقد سوريه بس عسل الله يسعدها وتكشف قالت مافيه جديد بعطيك تحميله ثانيه دخلتها بعدها مسكني الم لايطااق صرت اصارخ واتالم وزوجي يهدي وانا بعالم ثاني مرت الساعات وانا على هالحال
جت الساعه 4وتجي دكتورتي وتكشف علي قالت 3سم خلاص بطلعك غرفة الولاده ونفتح المويه ونعطيك ابره طلق بالوريد طلعوني وافتحت المويه وعطتني مسكن وبعدها رحت بعالم ثاني انام واقوم على الم هدتني شوي بس الالم موجود على خفيف جلست ساعتين الا يرجع الالم الفظيع بعدها حسيت بطلق قوي ومعاه دفع كشفت علي الدكتوره قالت 7سانتي لاتدفعي الا اذا قلت لك جهزو اغراض الولاده وسرير البيبي وانا اصارخ مااقدر اتحمل الالم :09::icon33:جت الساعه 9وبعدها خلاص جا الجد قالت لي الدكتوره خلاص ادفعي ويجي التشجيع وادفع كم دفعه الا وتشرف بنوتتي ريما الله يصلحها يارب بعدها عطتني مخدر ورحت بعالم ثاني ونمت ماصحيت الا وانا بغرفتي بالتنويم يارب لك الحمد تعامل النيرسات مره روعه حنونات ويسوون مساج على ظهري وتهديني وتمسح على راسي في التنويم عاملات النظافه يجون 3مرات غير وقت ماتطلبيم اكلهم من دايت سنتر حلو نوعا ما مو كل الوجبات عجبتني اكثر شئ عجبني فيه العنايه والكفائه دكاترهم مره كويسات طبعا كلش باامر الله وهم اولا واخيرا اسباب
تعبت في ولادتي واكثر شئ تعبني طولت في الطلق من الصباح الى الساعه تسعه وانا اتالم من ظهري وبطني
ان شاء الله ربي يكتبلي الاجر ولا يحرمنا من تعب فينا ويسهل على كل حامل يارب ولايضيع لنا تعب