السلام عليكم ورحمة الله وبركاته
كيفكم كرووشات ونفوسااات ..؟؟
الحمدلله رزقني الله بأجمل بنوته أول أيام عيد الفطر المبارك الساعه 11 ليلاً وهذي قصتي أضعها بين يديكم للفائده ..
اسمحولي بكتبها باللغه العاميه :35:
بس هاااه مثل ماتفقنا الخوافه ماتدخل مالي شغل حذرتكم << تسمع بالتشويق :o
فجر اول ايام العيد وبعد الأذان جاتني دفتين قووويه مرره وبعدها حسيت حاجه نزلت
رحت الحمام تكرمون الا السداده حقت الرحم خفت وفرحت بنفس الوقت ..
من وقتها بدأ الطلق بس كان مررره باارد وكل نص ساعه يجي والإفرازات والدم مستمره بس على قليل
طبعا ماشربت شي لأني خوااافه بس اكلت تمر وشربت مويه وبعدها نمت مارحت عيدت على احد...
صحيت الظهر وكان الطلق يجي كل ثلث ساعه والألم محتمل وصرت اذا جاء الطلق اخذ نفس طويل قد مااقدر ثم اطلعه بسرعه واكرر الطريقه مررره فادتني صراحه وخففت عني كثير من الألم
قعدت لين الساعه 4 ونص العصر بعدها جتني دفه قويه وحسيت اني برجع تكرمون..
صار الطلق يجي كل ربع ساعه وكل مال الوقت ينقص لين صار يجي كل خمس دقايق
عاد وقتها ماتحملت لأن الألم مرره صار قوي وقلت لأمي وبعد صلاة المغرب مشينا على المستشفى العسكري
دخلت ع الطوارئ وانا يادوب امشي وبديت ابكي من الخوووف حسيت ان الدعوه صدق واني بولد ..
على طول اخذوا تحليل بول وانتوا بكرامه وقاسوا الضغط لقوه مرتفع :icon33:
حللوا السكر واخذوا الوزن كل هذا وانا اتوجع ثم سدحوني على السرير وركبوا لي التخطيط حقهم ياكرهي له لقوا طلق قوي واخذوا مني دم
اااااه الله يسامحها الممرضه دقتني الأبره بمكان غلط وكل شوي تدخل الأبره بمكان ذبحتنيييي يادووب لقت وريد وسحبت الدم الى الآن مكان الإبر ذاابحني ..
بعد ربع ساعه جات الممرضه وسألتني كم سؤال ثم فحصتني من تحت لقته مفتوح 7 سانتي
انا فررحت مرررره وماصدقت قلت هاااانت مابقي شي واولد طلعتني فوق على طول وحطوني على السرير حق الولاده وبدوا يجهزون الغرفه الساعه 8 فحصتني السستر برضوا 7 سانتي والطلق مستمر وقوووي جات الدكتوره وطلبت مسكن وياليتني ماطلبت اعطوني ابره خلتني زي السكرانه بس احس بكل الألم اذا راح الطلق نمت واذا جاء اصحى..
مافادتني الإبره طلبت الكمام جابوه لي واشوا ريحني وخفف عني والسستر كانت مره حنووونه كل ماجاني الألم وبديت اشفط في الكمام تقول قولي يارب يارب وتمسح راسي
المهم بقيت على هذا الحال لين الساعه 11 إلا ربع في الليل والرحم مازال 7 سانتي والطلق يقوى وبديت اضعف مرره وبس ابكي تحطمت نفسيااااا..
ع الساعه 11 الرحم بدأ يسكر صار 6 ونص والبنت بدت تطلع على فووق انا هنا انجنييييييت وقعدت ابكي من قلب ليش ليييييش استغفر الله بس..
يوم طلعت السستر يدها راحت توري الدكتوره القفاز اثاري بنتي متبرزه في بطني :icon33:
قاموا فتحوا لي المويه ودخلوا حاجه مدري وش هي زي العصايه ولها سلكين من برا وصلوها بقطعه صغيره ولصقوها بفخذي وسحبوا الكمام مني وانا اترجاهم يعطووني بس الدكتوره عيت تقول البيبي تعبان لازم تساعدينا...
جات السستر وحطت يدها بين بطني وصدري ودفت بقوه على تحت وسستر ثانيه دخلت يدها وتحوس فيني
وانا اصيح واصاارخ من الألم
بعد عشر دقايق حسيت بدف ودفيت ودفييييييت فجأه حسيت حاجه انقطعت وقفت الدف ودفيت مره ثانيه والا نفس الشي يا ماااااااااااااااااااامااااااااا هذا جلدي يتشقق :06: :o
عجزت اكمل كل مادفيت وحسيت بالشق وقفت وقعدت اصررخ والبنوته عيت تطلع وانا خلاااااااص معد فيني حيل مررره
دخلوا السسترات وصاروا اربعه كلهم يلا دفي وادف شوي ويوم احس بالقطع اوقف واقعد اصرخ جننتهم هههههه
عصبت وحده منهم قالت سكي فمك ودفي بيبي تعبان فكري في بيبي :mad:
انا خفت مرره و جمعت الباقي من حيلي ودفييييييت بقووه طنشت الألم والجلد الي يتشقق وطلعت احلى بنوته ع الساعه 11 و 35 دقيقه كانت مزرررقه ياحياتي حطوها في سريرها وجاء دكتور الأطفال وحط لها لي في حلقها وشفط مويه ومن خشمها برضوا وصاحت ياقلبي عليها
وبدت معاناه المشيمه تقطعت في بطني وكل شوي تقول السستر كحي كحي وتدخل اشياء وش كثرها وتضغط بطني ااااااه يارب لاتحرمني الأجر
ثم خيطتني وحطت لي بنج واعطتني كمام بعد خخخخ الظاهر ماتبي تسمع صوتي غثيتهم ..
بس على مين رميت الكمام معد يفيدني وجننتها لين خلصت ونظفتني وعطتني ابره عشان النزيف يوقف..
وبسس هذي قصة ولادتي
الي استفدته من هذي التجربه
-التنفس الصحيح وقت الطلق مفيد جدا ويخفف شي كثير من الألم
-الخوف والصراخ والبكى يزيد الألم مرتين ويخليك تتعبين من بدري ووقت الدف مايكون فيك حيل وبالتالي تتعسر ولادتك وتتعبين اكثر
-لازم الوحده تجيب معها مر او حلتيته عشان الشمم لأن خياطتي ألتهبت علي بس الحمدلله تداركت الوضع
ذاتُ حُلم @that_hlm_1
عضوة فعالة
يلزم عليك تسجيل الدخول أولًا لكتابة تعليق.
الحمدالله على سلامتك ومبروك ماجبتي
تتربى بعزكم وجعلها من الصالحات البارات والحافظات لكتاب الله
تتربى بعزكم وجعلها من الصالحات البارات والحافظات لكتاب الله
الحمد لله عالسلامة .... وفعلا اسألي مجربة قبلك عن الولادة .... شي فظيع ....
لكن لما نشوف نتيجة الولادة وهالتجربة راح ننسى كل الآلآم اللي مرينا بيها ....
لكن لما نشوف نتيجة الولادة وهالتجربة راح ننسى كل الآلآم اللي مرينا بيها ....
الصفحة الأخيرة
والله انا على اعصابي خايفه من وقت الولاده
الله يسهل علينا يارب