قصة ولادتــي بالتفصيل

ولدت والحمد لله وجبت احلى لمــــار في العالم

وهذي قصتي بالتفصيل :

كنت اراجع عند دكتوره شاطره وكان موعد ولادتي 10 رمضان
لكن صدمتني لما قالت لي انها مسافره من بداية رمضان لبلدها وماراح تقدر تولدني دآآآرت فيني الدنيا وقلت من جد من يولدني وانا بكريه وهي تعرف بحالتي المهم توكلت على الله وصرت اراجع مستشفى حكومي وهات ياكشفيات من تحت جننتني من دكتوره لدكتور وياقلب لاتحزن وكل كشف من تحت وانا ارجع ابكي من شدة الالم وقلت من بعدها انشاء الله ما يولدني الا دكتوره مثلي مثلها وقبل موعد ولادتي باسبوع
رحت عند دكتوره ممتازه مدحتها لي صديقتي وطيرأأأأأأأأن قالت لي امشي كثييييييييييييير واطلعي وانزلي درج واذا ماقدرتي ترجعين لي ورحتي مستشفى ثاني وقالوا لك تنويم تنومي لا تتاخرين
قلت اوكي ورحت للبيت وانا مبسوطه اخيرآ بولد << مادري وش الطبخه
رحت امشي وامشي ولمدة 4ايام بعد التراويح ساعه بعدها طفشت قلت لازم اولد في وقتي على بالي الولاده على كيفي واقفز من على الدرج ذيك القفزه اللي حسيت ان بطني بيطيح منها بعدها رحت أخذ دوش حـآآآآآآآآر ونمت واقوم الساعه 11 الصباح اليوم الثاني الا والمويات تقولون فتحت بزبوز صحيت زوجي واروح للمستشفى الحكومي >وكانت غلطة عمري لما رحت:09: قامت تكشف علي الدكتوره الهنديه بقسم الطوارئ وتدخل يدها بكل قوه حسيت عيوني طلعت وانا جالسه اترجاها بشويش بشويش لين انقطع حسي وهي والله شاده حيلها كأن بيننا ثأر خرجت من عندهم وحلفت ماعاد ارجع لهم لكن اقنعتني وحده من الممرضات اني اتنوم لان المويات راحت كلها تقريبآ وهذا خطر قلت اوكي بطلع الحين وارجع الليل ( وانا كان نيتي اروح للدكتوره بالمستوصف الخاص تولدني )لكن لما رحت لها وعرفت اني ابي اولد عندها بدأت تمدح لي انا وزوجي في العمليه القيصريه وعن فوائدها وعن سهولتها ولما سمعنا كلامها طيرآآآآآآن رجعت للمستشفى العام وفضلت سوء معاملتهم على العمليه القيصريه
وفعلآ مــاكذبوا خبر نوموني بالمستشفى العام الساعه 12 بالليل بالضبط
شربت كوب عصير برتقال عليه نص علبة زيت خروع ليتني ماتهورت في هالحركه:icon33::09:
جلست بغرفه لوحدي ابكي ابكي كأني بموت اليوم الثاني وكل البكاء خوووووف من الولاده ولحظتها وجت الدكتوره وكشفت علي قالت البيبي تبرز بالمويه وخفت وش يعني تبرز بالمويه طنشتني ولاكأني اسألها وراحت وجلست صاحيه طول الليل وتسحرت قلت عشان اذا مافي ولاده بكره اكون خلاص صايمه ولما طلع النهار من الساعه 7 الصباح الى 11 الصباح وانا اصلي اصلي وادعي ان الله يخفف عني الم الولاده اللي توني ماعرفته , شوي ويمر علي دكتور سوداني كشف من تحت بس بعد توسلات كثيره كشف بشويش وقالي خلاص من زمان نزلت المويات لها 24 ساعه نازله لازم ولاده الحين وربي جاني مغص شنيع لما قالها << بدأ مفعول الخروع هذيك اللحظه قبل ينزلوني غرفة الولاده جتني امي قلت لها انتظري
شوي قالت وين رايحه قلت لها بروح اولد << والله من ادجه على بالي دخول الجمام زي خروجه
قبل ينزلوني غرفة الولاده جتني امي قلت لها انتظري
نزلوني غرفة الانتظار الساعه 11 ونص واعطوني تحميلة الطلق الصناعي الساعه 12 الا ربع
وبدأ مفعولها + مفعول زيت الخروع
وبدأ الم الطلق وااااااااااااااااااااااااااااااااااااااااااااااااااااااااااااو ما اشد الم الطلق اشهد ان لا الاه الا الله كم صحت وكم بكيت وكم ترجيت الممرضات يعطوني مسكن ومافي فايدهـ ويردون علي بكل استهتار ورب الكعبه اني بوّست ايديهم الحيوانات يعطوني الاكسجين اللي يخفف الالم وابد مافي فايده كل وحده تجي عندي تقولي لالالا مافي بنج بعدين تخلصين العلبه
وااااااااو انا اللي بخلص هذيك العلبه كلها والله ومن سوء حظي تجي جنبي وحده بغيضه اسألها عن الساعه ماترد اسالها كم أخذ وقت بالطلق واولد ماترد ومن الساعه 12 الى الساعه 3 العصر يمسك الالم معي دقيقتين ويفك دقيقه وبعدها بديت استفرغ ولما استفرغت صرخت ذيك الصرخه اللي هزت اركان المستشفى وجتني ممرضه سعوديه الله لايسامحها في هذا الشهر الفضيل تقولي وبكل بروووووود وين استفرغتي لو سمحتي اذا بتستفرغين روحي للحمام ترجيتها تضف وجهها لاني لو طلعت عليها عفاريتي بخرجها من الغرفه جنازه :angry2:.. خرجت من الخوف وجات ثنتين فلبينيات قالوا يالله ولاده واروح معاهم غرفة الولاده قاست القابله الرحم قالت باي 1ونص سانتي واااااااااااااااو كل هذا الالم وباقي واحد ونص :( ودخلت التحميله الثانيه من لحظتها كأنا زرعت صواريخ بأسفل ظهري لدرجة انهم لما رجعوني غرفة الانتظار كان فيه زوار عند المريضات اللي معي انهبلوا من الصراخ اللي صارخته واصاروا يدعون ان الله يخارجني
وكنت اقولهم خلاص ابي عمليه بموت صرت بالم الظهر والم الاسهال اللي سببه الخروع مادري من ايش اشكي بالضبط وربي من شدة مابكيت اني شفت واحد مت الزوار اللي جنبي يبكي من رحمتي وينادون لي اكبر دكتور بالمستشفى وربي اني لما شفته تعلقت بالجاكيت اللي عليه لين قطعت ازراره وهو المسكين خلااااااص من رحمتي وده يولدني من لحظتها وسالني عن الدكتور اللي متابع حالتي قلت له الدكتور خالد قال : خلاص بناديه يعطيك مسكن هو قال مسكن والا ماقالها طيرآآآن ورآهـ زي مدمنين المخدرات امسك رجوله وبنطلونه اعطني الابره الله يرحم امك هو يقولي بقول لدكتورك اللي متابع حالتك بس من شدة الالم ماسمعته وامي ياقلبي عليها صارت تمشي وراي في ممرات المستشفى ترد علي الطرحه والغطوه وانا ورب الايمان احس اني انشليت من شدة الالم واتصلت امي على زوجي تقول كلم الدكتور يعطيها مسكن بنتي اذا بتعيش بتعيش مجنونه من شدة ماصارخت راح زوجي يطلب الدكتور لكن هيهات هيهات رجال ماجربوا الطلق اتفق مع زوجي انه يعطي جرعه مكثفه من الطلق عن طريق العضل وتكون آخر جرعه بعدها ولاده على طول
تحايلوا علي وقالوا يالله يالله ابرة مسكن وانا وربي زي الشاه معاهم صدقتهم من الالم اقول للدكتور الله يعليك لاعلى المراتب << كأنه درى عني ‘ ويطقوني ذيك الابره اللي طلعت روحي معاها كل مااتذكر المها الحين ابكي دخلوني غرفة الولاده بعد ماصار الرحم سته ونص سانتي اقولهم خرجوها خرجوها تقولي الممرضه ادفعي لدفعي ويقول الدكتور مافي داعي البيبي بيخرج من دون دفع وربي من شدة الطلق خرجت البيبي قفز والله العظيم قفز شوي الا والصوت واواواواوا :icon28:
والمفاجأه ان راس البنت خرج كان عليه بيضه لاني اشد على الطلقه بين رجولي وراس الجنين ساقط بالحوض لكن الحمد لله بعد ماجلست بالحضانه ثلاثه ايام رجع لحالته الطبيعيه

والحمدلله هذي قصة ولادتي بالتفصيل وشكرآآآآآآ