انا ولدت من 7شهور..كنت داخله الثامن ومن الشهر الثاني جاني ضغط ودايم الدوم ع الطواري مغذية برفيقان مسكن ولامها خفيفه حيل ماتجيب نتيجه والصداع مره ذبحني المهم كنت حاسبه اني اولد شهر واحد..وماجهزت ولانتوفه ابببد..لما كنت باخر السابع رحت موعدي كالعاده الروتيني سويت اشعه قالت الدكتوره الجنين ناقص عمره اسبوعين..فجعتني ايش يعني؟؟؟ قالت الظاهر فيه قصور ف المشيمه..كان يوم خميس..بعد الظهر قالت روحي الطواري سوي تخطيط..واروح للطواري والقى زحمممه وانتظرت نص ساعه شفت الحريم يدخلون يصارخون من الكشف صراخ موطبيعي وانا خفت مره واطلع ازوجي قلتله خلاص هونت بروح البيت شويه وابكي..مارضي عصب عليه قال ادخلي نتطمن بس..ياربي دخلت مستسلمه وحطتني ع التخطيط وانتظر انتظر مااعرف انو يكول كذا وانا باااهته مستسلمه وخوووف ذبحني..دخلت وحده تصارخ صراخ موطبيعي أجهضت بشهر..واااو قلت هذا اجهاض شهر اجل ولاده كيف..واقعد ابكي..قالت الدكتوره ليش تبكين مافيه الم انتي طنشتها وراحت..وادق ع اختي كانت مسافره موقريب مني واقعد ابكي وتدق ع خالتي وتجي عندي بس مادخلوها..امي متوفيه الله يرحمها حسيت بخوف وغربه قووويه..المهم قالت التخطيط موكويس لازم تنويم..قلتلها لا ماابغى..بطلع اكل شي ويتعدل..قالت طيب بس انتبهي للحركه او حصل معاك شي..طلعت واكلت وروحت نمت وعدت الايام كله بكى وخوف لاافقد جنيني..لما الخميس اللي بعده موعدي برضه ..اجيت للاشعه قالت نفس الوضع ماتغير عمر الجنين ناقص..سوي تخطيط وتعالي الاحد قابلي الاستشاري..رحت للتخطيط وخلصت واجيت الاحد قال الاستشاري عمره زغير ووزنه صغير وقصور ف المشيمه..خلاص لازم يخرح..كنت وقتها ف الثامن اعطاني 4ابر الرئه ووقفت الاسبرين..واخذت الابر كل 12ساعه ورجعت الثلاثاء سويت تخطيط ودخلت للدكتور قال خلاث بكرة الاربعاء تجين للطواري..روحت وليلتها مانمت من الخوف والتهب القولون ولاقدرت اكل ولاشي..قمت بدري تروشت وشلت جسمي وطلعت ع8..ووصلت قالو تنويم ترتاحي ونعطيك ادويه تبطل مفعول الاسبرين عشان السيوله مع العمليه..جات دكتوره باكستانيه قالت اطلعي ع السرير اكشف من تحت انا فاغره فيها مشيت عادي وطلعت ع السرير ماخلتني استوعب ع طووول هجوم وااااو الم موطبيعي للحين اتذكره اطالع ليدها دم..قلتلها دم!!! قالت طبيعي عادي عادي.واقوم الا السريرغرقااانه دم..اروح الحمام وانتو بكرامه الا زي اللحم تكرمون يطلع قطع كبار..انا هنا مومستوعبه ابببدا زي الحلم مدري كيف مشيت ورجعت عند الدكتوره وحده ثانيه يازينها قلتلها دم هذي كشفت وطلع دم..قال اطلعي واسوف قلتلها الله يخليك لاتوجعيني شويه وابوس يدها..قالت مافيه الم بس اشوف..كشفت بس وربي ماعورتني زي الاولى..دم برضه قالت يللا عمليه انفجرت المشيمه...انا ماعرفت ايش اسوي قمت ابغى الحمام رفضو قالت خلاص ماتقومين..واخ جوالي ادق ع زوجي قلتله بيسوولي عمليه جيب اختي اشوفها الله يخليك..وبدلو ملابسي وركبولي القسطرة وشالو اغراضي وحطو التخطيط والمغذي وقالت احسبي كم حركه للنونو هنا انا فكيتها بكيه..قالت الدكتوره ليش يبكي خلاص شويه وترتاحين..كانت الساعه وقتها 9ونص..وجات اختي وخالتي ام زوجي غصب دخلوهم اشوفهم..دخلو يصيحون..وانا حزتها سااااكته بس اطالع. .هههههههه..ودخلوني ع طول عمليه وماحسيت الا الساعه 4 العصر طلعوني الا وزجي واقف تطمن عليه وسالته عن النونو قال بنوته ف الحضانه وطلعوني الغرفه وانام واصحى للصبح وبعدها قالو امشي دوووخه مره ماسكتني ماقجرت ليوم السبت واغمي عليه طلع الدم ناقص مع العمليه جاني نزيف ووصل 5بس..واعطوني دم وصفايح مدة 3ايام متفرقه وتعبت مره كل شويه ينزلوني اشعه تحت الطواري يبغون يعرفون وين راح الدم..طلع متجمع ع العمليه..تجمع دموي..وع المضادات قالو ننتظر 6شهور لو ماراح نهائي نسوي عمليه نشيله..جلست عندهم 13يوم تقريبا وروحت انفتحت العمليه وصار ينزل دم منها واروح يوميا ينظفونها وغيارات غليها وممنوع اتروش وجلست ع هالحال وهي مفتوحه 5شهور وراح الدم الحمدلله وبعدين خيطولي الفتحه ويومها ولاده جديده حسيتها..الحمممدلله ع كل حال..نصيحتي توكلو ع الله واهم شي الاكل الكويس والمتااابعه لاتهملوها انا اهملت كثير بهالحاجتين والادويه كمان اهملتها..والحين ابببد ماافكر اعيد التجربه قبل 4او5سنوات اذا ربي كتبلي

الحمد لله على سلامة جميع اللي ولدوا ..
وربي يرزقني وباقي الحوامل ولادة سهلة ميسرة ..
وبإذن الله أجي أحكيكم بولادتي..

شكرا لكن اخواتي على قصصكن ونصايحكن لنا بارك الله فيكن وبارك الله في ذريتكن

سفينه الخير
منورة.

😂😂