عجبني الموضوع واستمتعت وانا اقراخصوصا اني ع وجه ولاده 🙊بأقول عن ولادتي الاول : كنت مخلصه التاسع لي اسبوع وكم يوم ومعطيني موعد طلق صناعي وزوجي بيسافر عنده انتداب وانا خلااااص قافله معي ابي اووووولد وكل يوم امشي مشي فضيع واشرب قرفه واكل ملعقه قرفه مع كاسة مويه واطلع الدرج وانزل واسوي تمارين القرفصااااء كل شي سويته وخلاص مليت جا موعد سفر زوجي اليوم الثاني وبيوديني عند اهلي الصباح ورحلته فالليل وانا قافله معي وهو بعد نفسه يشوف البيبي قبل يروح لانتدابه وخلاص قفلت معي هذاك اليوم وقلت دام ماولدت وزوجي فيه ماعاد يهمني متى ماجات الولاده تجي واكلم صحباتي واقولهم بكره نبي نطلع انا ضايق صدري قالوا طيب خلاص واطنش ذاك اليوم حتى مامشيت وانام لما جا ع الفجر اقوم ع مغص خفيييييف اخف من الدوره وارجع انام لان من الثامن معي مغوص بدون فايده وعلى هذا الحال لين ٨ الصباح زاد المغص بس كان محتمل وبينه ربع ساعه وقومت زوجي قلت قوم ودني واروح المستشفى وادخل على دكتورتي انه عندي موعد عادي مو طواريء لان الالم مره خفيف ودخلت عندها لما جيت اجلس ع الكرسي جتني مغصه قويه ووقفت ماقدرت اتحرك قالتلي هذا طلق واضح وتكشف قالت ٢ سم بس خلاص ولاده وانا ماابي قلتلها باطلع افطر وامشي واجي قالت ابد ولاده خلاص ادخلي صراحه جيت ماتجهزت لا تروشت ولا شي ماتوقعت يدخلونس وماكنت ابي ادخل الا وهو ٤ سم ع ماااسمع المهم ودخلوني غرفه ماقبل الولاده وزوجي معي وحطولس التخطيط واجلس كذا من الصباح معي طلق بس الرحم مايفتح لما جت ٢ الطلق زاااااد وكنت امسك يد زوجي واتنفس زي ماقريت ويخف الالم وناديتهم قاسوا باقي ٢ وطفشت قلت عطوني مسكن ويعطوني ابره وانام لين ٤ العصر واقوم عليهم يقيسون لي قالوا ٤ سم وبفتحلك المويه علشان يفتح الرحم بسرعه وفتحتها وبعدها بدا طلق قوي قوي لكن برضوا الرحم بالمووووت يفتح لما جت الساعه ٨ فتح الرحم ٦ سم ودخلوني غرفة الولاده وبدا الطلق يقوى وكنت اصيح بس بدون صراخ وبس ادعي يارب ارحمني يارب هونها يارب ساعدني بصوت عالي والقابله جالسه وتقول امين امين هههههههه وكل هذا وزوجي معي بعد لين جت الساعه ١٠ قالوا الرحم فاتح ٨ سم والبيبي مانزلت الحوض وانتي تعبتي وبنحولك عمليه ووقتها انا ماعاد ابي الا السلامه قلتلهم طيب خلاص ويطلعون زوجي من عندي ويركبون لي قسطره وينادون ممرضات العمليات اللي تركب مغذي واللي تشيل شعر بطني 🙈وانا اقولهم خلااااااص دام عمليه بنجوني 😫😫 قالوا نستنى دكتور التخدير ويجيبون السرير المتحرك وينقلوني عليه علشان اروح غرفة العمليات فهذا الوقت دخلت علي دكتوره الله يسعدها وانا كنت اصيح اقولهم احس شي يدف وكانت الممرضه تقولي لا تدفين صكري رجولك انتي عمليه ولما قاستلي الدكتور قامت تصارخ عليهم تقول امسك شعر البيبي وع طول ينقلوني لسرير ويفكون القسطره ويرفعون رجولي وتجي معها دكتورتين وحده عند راسي وثنتين عند رجولي ويقولون لي اذا جت الطلقه ادفعي وسبحان الله وقت الدفع يخف الم الطلق مدري هو يخف او علشان ننشغل ونحط حيلنا بالدفع 🤔وابتدي ادفع وادفع واللي عند راسي صارت تنقز بيدها ع بطني وشوي سمعت صوت الشق بس ماحسيت بالم ابدا مدري عطوني بنج ولا لا ودفعت دفعه اخيره وطلعت بنتي ويجلسون الممرضات يصفقون لي وانا اصيح واقول الحمدلله الحمدلله وسبحان الله كأن كل اللي جاني حلم كأني كنت عايشه فحلم كل شي اختفى فجأه والحمدلله زوجي شاف بنته قبل يسافر والدوام عطوه اجازه ٣ ايام بمناسبه المولوده 😂المهم ان الولاده مهما صعبت لكن لها طعمها ولها لذتها سبحان الله تجربه لا مثيل لها الله لا يرحم كل امرأه من انها تعيشها 💕حاليا حامل ونفسي مره اولد طبيعي احس الطبيعي ممتع تحسين بلذة الولاده وفنفس الوقت بعد الولاده بكم ساعه تقومين وتحركين وتسولفين وتضحكين كأنه ماصار شي حتى لو فيه خياطه بس ماتوصل خياطة القيصري

انا اللهم لك الحمد عندي طفلين .
والله يرزق كل محروم يارب ❤️❤️.
مالكم بالطويله ولدي الاول كان باقيلي اسبوع ع التاسع ورحت موعد عادي مراجعه ولما عملت لي اشعه اكتشفت ان موية الجنين ناقصه عليه ولكن مانزل مني انا شيء ، ونومتني وضليت اسبوع متنومه وكان يعطوني ابرة الرئه ، وبعد اسبوع دخلت اول يوم بالتاسع فتح رحمي ٢ سانتي ومو راضي يفتح اكثر مشيت وسويت كل شيء لكن طلقي بارد ، قررت لي طلق صناعي ، ومن يوم قالتلي النوم مادخل عيني لين اليوم الثاني الفجر وجت اعطتني الطلق ⚡️ ، ع العموم بدا مفعول الساعه ٩ حسيت شيء زي الفقاعات في بطني وشوي تنزل المويه وضليت من ٩ اتألم بموت لين بس الوالده الله يخليها لي كانت معاي وتقرا علي وتنفث وارتاح ، المهم لما اذن الضهر جت قلت لها خلاص انا تعبت لين متى بضل كذا ؟ ولما كشفت علي لسا مازال الرحم مفتوح من ٢ الي ٣ مستوعبييييين ! كل هالوقت ومافتح قالت بعد الصلاه بجيك واعطيك طلق ثاني انا كنت بموت وادعي وامي قامت تصلي ، والله يابنات بس خلصت الصلاه وكانت جايه بتعطيني الطلق الا احس كذا شيء بيطلع مني واناديها واصيح ولما جت كشفت مفتوح ١٠ والبيبي راسه نزل ، وصرت ابكي واضحك وامي تدعيلي وعلى طول شالوني ع الكشك ، والحمدلله بس وصلت دفيت يمكن اربع مرات ماشاءالله وطلع ولدي نور عيني حبيبي الحمدلله كانت من احلى اللحظات والله يسرلي لاني ماصحت وكنت ادعي واقرا سورة الزلزله يابنات لاتصيحون قدر الامكان والله يسهلك يارب ☹️❤️❤️❤️.

سبحان الله ولادتي 3كلها ميسره وقت محس بطلق لازم متصرخي لان نفسك بيروح صراحه انا شوف كثير يصرخون حت ذكر الله ميقالونه كل يامي يامي ذكرالله بالعكس ينفع اكثر كل متجيك طلقه تقولي يارب سهل علي وسبحان الله ربي يسهل عليك وقتها انا سمعت عن ابرة ظهر بس مفكرت نهاين اخذها عشان احس بصبري تاسع شهور هي فتره قصيره من طلق ويعدي اول ميطلع ضناك تنسين دنيا مافيها ربي يسهل علي وعلي كل حامل ولادتها

بتكلم عني ولادتي بولدي البكر كانت مره صعبه وصياح وبكاء من قوة الالم وقت الطلق كنت اضرب بيدي بالجدار ومااحس فيهاوامسك بنفسي احس بضرب براسي بالجدار والله ع مااقول شهيدوتعب اكثر من اللي توقعتهبمولودي الثاني كان عذاب اكثر من الاول وتعسرت الولاده عندي بس للاسف القريه اللي ولدت فيها مافيه طلق صناعي فحاسوا فيني الممرضات الين ولدت وعذاب اضعاف الاولوادعوا لي انا الحين حامل والله خايفه بشكل مو طبيعيالله يستروماشاءالله تبارك الله عليكم

السلام عليكم موضوع حلو جدا ومحمس اني باحكي لكم حكاية ولادتي الاخيره الحمدلله انا من النوع اللي احس بآلام والطلق بس حق 6او 10ساعات بعدين اولد ولدي الثالث من بداية التاسع ما كنت متحمسه للمشي كان ودي بس انام وارتاح واخر اسبوع قبل ولادتي توفى اخوي الله يرحمه ويغفر له وصار معنا العزاء واني الكبيره حق اهلي كنت عندهم من السابع لظروف زوجي الماديه وبعدين مع العزاء وتعب امي على ولدها كنت اتحرك كثيييير جدا ومن شدة الحزن نسيت اني حامل بس ربك يسرها اخر الاسبوع من العزا يوم الجمعه الساعه 10الصبح ابوي واخوي الله يحفظهم يتجهزو للصلاة الجمعه ويروحو المقبره قالت لي امي لو انتي تعبانه مرة مارح اخليهم يروحو قلت لا خليهم يروحو كان الالم قوي بس ما توقعت ولاده مادري ليش بس جاء خالي الله يحفظه بعد الصلاه مباشره يتغدا عندنا وامي تقولي كيف تحسي نفسك المستشفى بعيد يالا نروح واني خلاص ابكي وخالي محتاس ايش يسوي لي كان شكله مضحك خواف اكثر مني المهم وصلت المستشفى الساعه 1بالضبط حتى الإجراءات يخلصها خالي واني بغرفة الولاده اولد من غير اي محرضات او ابر الحمدلله الطلق والولاده 5ساعات الساعه 3واني بغرفتي يعني مو كلهم يتعبو تيسير من الله هو