رشيقة الجميلة :

اممم بقولكم قصة ولادتي الاخيرة قبل 3سنوات دخلت التاسع يوم عيد الاضحى الناس معيدة وكاشخة ولحم وضحايا وعزااااايم وانا تعبانة مرة من الثقل حاسة رجولي متفككة كان النونو مرة ضاغط علي المهم حسيت اني قربت رحت جهزت ادوية النفااااس وجهزت تمرة النفاس لاني بكون نفاس في بيتي ماروح لاهلي عيالي الكبار يدرسون وقفلت شنطة المستشفى .. وكنت حاطة بغرفتي جركل كبير موية زمزم يووميا اقرى فيه ورد الولادة وانفث وكل صبح اشرب منه على الريق وامسح على بطني المهم عدت اول 10 ايام ثقل وتحجر ونفسية مقفلة للاخر طبعا انا معلمة ماداومت قلت باخذ اجازة وارتاح المهم دقت علي زميلتي قالت لازم تداومي والمديرة تقول برفع لها بدون عذر ومن هالكلام انا مرة تنرفزت وارتفع ضغطي ماني للدوام وتعبانة للاخر رحت للدكتورة قلت عطيني اجازة اسبوع كامل قالت لازم اكشف عليك وتلاقيه مفتوح 3سم ولفت بيدها قوة سوت زي التحريض قالت انتي مو بكرية اطلعي لا تجين الا اذا نزل دم او حسيتي بمغص طلعت من عندها وانا حاسة انا قريبة خلاص من رجعت البيت لقيت السدادة لكم الكرامة نازلة وبعدها الطلق بدى ييروح ويجي بقيت على هالحال 5 ايام خلاص مو طايقة نفسي جا يوم الثلاثا الظهر كنت بتجمع حوامل الله يذكرهم بالخير قالو هايدي اشربي خلطة قمم التميييز ودهني بطنك والمنطقة اللي تحت بزيت زيتون وفعلا طبقت كلامهم ورحت تروشت وشلت شعر جسمي بعدها جبت زيت زيتون مسحت بطني ومسحت منطقة العجان كلها ورحت سويت خلطة قمم التمييز الله يوووفقها كل هالكلام الضحى تقريبا صليت الظهر وتغديت لحد الان مافيه شي جا زوجي من الدوام وراح ينام قمت بروح اخذ لي غفوة الا الشي الداااااافي اللي انكب بين رجولي يممممة حسيت بخوف وفرح دريت انها موية الطفل سبحان الله بعد مادهنت بالزيت المهم قلت بشوف اذا فيه دم او لا وامسح نظيفة مرة رحت شربت حليب بقرفة واكلت تمر ❌❌❌❌❌❌❌❌ بعدين اعلمكم ليه هالاكساااااات لاني سويت شي بغى يروح النونو مني المهم صليت العصر واشتد الطلق معاي صار كل 20 دقيقة تقريبا رحت المستشفى كشفت الدكتورة قالت لسى 3سم بس عنق الرحم مرة لين وانتي داخلة بولادة تنويم على ماكتب زوجي اوراق التنويم قلت له لا تجيب عربية خلني امشي رقوني فوق ركبو لي المغذي وجهاز الطلق هنا صرخت الدكتورة بوجهي انتي شاربة قرفة قلت لا ..... قلت ماتستهبلي يابنت بصي النونو قلبه يضعف مو قادر يدفع نفسه كتبت لكم بالاحمر عشان تنتبهوووووو من القرفة مو خلاص جاك مغص تشربينها لا لا لا لا انتبهوووووووو انا هنا انهرت بكااااااا ....حطو لي طلق صناعي عشان يستعجلو بالولادة صرررخت عليهم ابغى ابرة ظهر على ماحطوها وحسيت اني تخدرت لكم الكرامة الطفل قام يدفع وصرت ارررررجف مو طبيعي وهذا تاثير الصناعي فخوذي تضرب تضرب ببعض مو قادرة امسك نفسي يجتمعون علي دكتورتين و3ممرضات بسرعة زي البرق يدفوني على السرير ويرفعو رجولي ووحدة تدف بطني والثانية توووسع لحظات سريعة كاني بحلم وادوووخ مو قادرة اتنفس الا سمعت صررررخة ولدي حبيبي تقريبا الساعة 11 ونص بالليل واللهم لك الحمد على التساهيل هالحين انا حامل بالثالث دعوووووواتكم تكون ولادتي سهلة ميسرة يارب

اممم بقولكم قصة ولادتي الاخيرة قبل 3سنوات دخلت التاسع يوم عيد الاضحى الناس معيدة وكاشخة ولحم...

موناليزا رايس :

سلمكم الله ماعاد اصدق هوال منيثي هههه كلام الحريم اقصد بوصف الولاده يعني الالم موب موت مثل ماقالوا الله مايكلف نفس فوق طاقتها انا كنت امشي من الشهر السابع وجسمي مرن تعود عالمشي يعني غلط تنسدحين طول فترة الحمل وتجين تمشين بشهرك الاخير هاذا اكبر غلط الشهر السايع والثامن امشي بالاسبوع مره ٦ كيلو وشهري التاسع قضيته نوووووم وراحه اوفر الجهد للولاده وبالتاسع سويت التمرين اللي تحطين يديم على خصرك وتتحركين مره يمين ومره يسار هذا يساعد البيبي ينزل تحت مره كل يوم اسويه واتحمم بمويه اقرب للساخنه واركزها على بطني وظهري المهم بنفس اليوم اللي محددينه لي الاخير من التاسع الساعه ١١ ونص قبل الظهر انسدحت باخذ لي غفوه الا سمعت صوت زي الفقاعه مرتين ورا بعض ووقفت بسرعه وعالحمام لقيت نفس افرازات التبويض كثيره وغليظه وبدم عرفت انها السداده قلت بس ي حرمه جاك الموت اللي يقولونه الحريم ههههه وانا اتروش بمويه حااااره يعني شوي وتحرقني صراحه وركزتها على بطني واخر ظهري وشلت جسمي وجهزت نفسي والوضع عادي ماحسيت بشي وشغلت رقيه للولاده باليوتيب واسمعها واردد معها لما جا العصر واسوي لي كوب زنجبيل ومعه صحن رطب والوضع الى الان عادي ويصحى زوجي من النوم وقبل يطلع قلت ابي اروح اشيك عالوضع قال فيك شي قلت لا بس اتطمن حاسه بولد قريب والبس ولدي البكر ووقتها حسيت بشد مسك بطني ثواني وراح واروح للطواري وقالت ايش فيك قلت السداده نزلت بس وجيت اشيك وتفحصني قالتت واحد سانتي بس الراس ماشا الله هذا هو حسيته بأصابعي قلت طيب متى تتوقعين اولد بعد كم يوم قالت قولي بعد كم ساعه هههههه كانت الساعه ٦ الا المغرب وقالت تبين تجلسين او تروحين وترجعين لي الساعه ٩ العشا قلت لا بجلس وراح زوجي يجيب شنطتي وللحين ماحسيت بشي ابد ولما جلست بالعربه وطلعوني للتنويم بدأت احس بطني يوجعني كأن الدوره بتنزل المغص يمسكني ثواني ويفكني وبعد ١٠ دقايق يمسكني ثواني ويفك هذاهو الطلق وكنت جوعانه مره والاقي على الطاوله جنبي التمر المغلف يوزعونه بالمشفى مع الوجبات واكلهم يمكن ثلاث حبات والمغص صار يطول ويفكني ٥ دقايق وهكذا وجت فحصتني قالت ٤ سانتي بنطلعك لغرفة الولاده واخذوا اغراضي حتى الشراب نزلوه ونوموني بسرير جنت غرفة الولاده وركبوا حق الطلق التخطيط ويبدأ المغص يزيد ويوجع اكثر مره كانت الساعه ١١ واسمع صراخ الحريم وانا خايفه كل شوي اقول بعد شوي بوصل لهالمرحله واصيح مثلهم ومن الخوف ماصحت بس اتنفس من قلب شهيق زفير اذا جتني الطلقه وحسيت انه يخف الالم صراحه وجت فحصت قالت ٨ سانتي وراحت وعيوا يعطوني مسكن ابد قلت طيب بس حطي لي حق الغثيان خايفه استفرغ وحطت لي مع الغذايه ومن كثر ماكنت عالصامت بس اتنفس من قلب فقدوني يجون يطلون علي خايفين متت والا شي ههههه المهم على الساعه ١ بدا شي يدفع خلاص واناديها قالت عادي ماما وتخليني وجنبي وحده تصارخ وقطعت ملابسها والستاره وانا اقول ياويلي اكيد شوي بسوي نفسها الا جتني النيرس وقالت يلاا ماما انزلي بنروح لسرير الولاده وانزل من السرير وتمسكني طلقه واتمسك بقوه بحديد السرير واقول لها استني لما يفكني المغص وتقول لا لا بسرعه انتي ولاده هنا اللحين واناظرها بنص عين اقول كيف بولد اللحين ماجاني الموت اللي يقولونه الحريم تستهبل ذي واضحك منها ماني مصدق ويسدحوني على السرير ويشبكون رجولي ويعلموني كيف لو جا دفع اتمسك بالمسكات الحديد والتموا حواليني وفكت المويه الا جتني طلقه على طول قويه مع دفع واضغط بقوه وجتني مغصه ثاني مع دفع وماكملتها الا بنتي طالعه والمشيمه وراها على طول وكلهم يصفقون ماشا الله ماشا الله والدكتوره تقول ماشا الله ولادتك مره سهله ويحطون بنتي على صدري ياحلوها فديتها اختفى كل الوجع والالم والدموع كلها راحت من طلعت وجت على صدري ومت من البرد وقتها وغطوني ببطانيه دافيه تجيب العافيه ما انساها طول عمري والحمدلله نصيحه لاتصدقون كلام الحريم وكل وحده وجسمها وطاقتها وقدرة تحملها وياربي لك الحمد

سلمكم الله ماعاد اصدق هوال منيثي هههه كلام الحريم اقصد بوصف الولاده يعني الالم موب موت مثل...

reemo86 :

يالله تجربتك حلوة (معاً لنضيء الكون١) في بكري جاني طلق بس خفيييف ومحتمل ولما رحت المستشفى كان فاتح سانتي ونص مع اني انتظرت 12 ساعه بعد ما شوفت بداية وساخه أكرمكم الله وولدت قيصرية لأنه الموية دخلت لرئة البيبي وكانت وسخه دحين حامل دعواتكم المرة هذه يااارب اولد طبيعي عاد انا متحمسة اجرب كل شي اسمع عنه لأنه القيصري تعب بس ما في احساس الأمومة في لحظتها

يالله تجربتك حلوة (معاً لنضيء الكون١) في بكري جاني طلق بس خفيييف ومحتمل ولما رحت المستشفى كان...