موضوع رااااااائع انا بكرية وحامل و بعض الردود والتجارب تطمن شوي هههههههه جزاكم الله خير الله يرزقنا الولادة السهلة ويرزق كل مشتاقة الدرية الصالحة والسليمة

هلا اخواتي
انا بحكي لكم ولادتي الاخيره لان فيها عبر وابي تستفيدون منها خاصه البكريات
كان لي 38 اسبوع ويومين يعني في بداية التاسع
كنت مستبعده الولاده لان جميع ولاداتي السابقه اخلص التاسع فماكان في بالي الولاده هالوقت
كان يوم خميس واذكر طلعت فيه وتمشيت ورجعت تعشيت ونمت وماكنت احس باي شيء قمت الساعه 2ونصف اخر الليل من يوم الجمعه على الام محتمله مغص خفيف شكيت انه ولاده مع اني ماكنت متوقعه
كان زوجي في البيت مواصل عشان العمل قال اوديك لما شاف وجهي قلت لا كنت اخاف اروح وماتكون ولاده قال بنام وان حسيتي بشيء صحيني قلت خلاص نام زوجي حاولت انام ماقدرت نزلت واخذت لي تمر وشربت كوب كمون قلت ان كانت ولاده بيزيد علي مع التمر وفعىا زاد مره الالم رقيت بدلت ملابسي وجهزت شنطتي وقومت زوجي ومشينا كانت الساعه 3 ونص الفجر وكان الالم يزيد وداني الطوارئ كشفت علي الدكتوره وكنت ابي ابرة ظهر لكن ربي ماكتبها صار الرحم مفتوح 7 سم قالت ماعاد يمدي بسرعه ودوني للكشك الولاده والالم يزيد نوموني في الكشك كشفت وكان 7 بعدها كان الساعه تقريبا 6 ونص بديت احس بدفع واقول لهم ماصدقوني يحسبوني اكذب مع ان الجهاز قدامهم كنت اقول لهم اكشفوا ويقولون موقف على 7 وانا ادفع وابكي عادة انا ماصارخ ابدا بس هالمره كنت ابكي مع صراخ من القهر لان بديت ادفع وماخلوني افتح رجولي كنت كلما فتحتها تنزلها الممرضه تقول لا بيبي تعبان وحتى الدكتوره كانت بس تقول تنفسي وانا اصرخ اكشفوا ممكن فتح زياده وابدا رافضين خفت على نفسي وعلى ولدي قالت الدكتوره خلاص عمليه قلت خلاص وطلعت برا تطلبهم يجهزون الغرفه كنت ابيها بس تطلع تكلمت مع الممرضه وكنت ابكي صار يدفع وتقول لا تنفسي ورافضه ترجع تكشف لما شفتها كذا قلت لاتكشفين بس شوفي ابيها تسمح لي افتح رجولي وفعلا سمحت لي ومن فتحتها قالت بيبي ودفعت ومباشره طلع كان واصل يعني ممكن لو تاخرت صار لي او للي ببطني شيء حمدت ربي وشكرته ان كانت لي خبره وكنت اعرف الدفع لاني مو بكر وكانت لي الولاده 4 والا كان مدري ايش بيصير
الحمدلله شفت ولدي ولله الحمد والدكتوره جت على اساس بتوديني العمليه قالت الممرضه ولدت وبكل برود ردت طيب زين انقهرت منها ..... كنت اترجاهم يكشفون وابدا ماكشفت علي الا مرتين في الطوارئ واول ماودوني للكشك الولاده بعدها ماعاد كشفوا علي .... نصيحتي
للبكريات انتبهوا من تحسون بدفع افتحوا رجولكم تنفسوا زين اطلبوا تكشف عليكم كل فتره لانه ممكن ينفتح ويوصل 10 بسرعة بدون تحسون لاتكثرون مشي في التاسع عشان تكون فيكم قوه للدفع
والله يولدكم بسلامه ياحوامل جميعا 😅😄😃😂

اللي يبسطون الم الولاده واللي يهولون ما عندكم سالفه
الولاده مؤلمه بس ما تموت حطوا هذا في بالكم عادي
وشدتها مختلفه من حرمه للثانيه


فيها الم شديد بس لو انه موت ورعب ما حملوا مره ثانيه الحريم كان شفتوا نساء كثير مكتفين بطفل واحد


واطلبوا من ربكم التسهيل ولا تفكرون واجد لانه ايش الفايده اذا عرفتي مستوى الالم هل بتهونين خلاص ماتبين الولاده ؟ شلون بيطلع البيبي 😂😂😂😂 فكروا بإيجابيه

الله يهون على كل مسلمه
استغفرالله واتوب الي

عسى ربي يرزقني وأجرب هاللحظات بحلوها ومرها
دعواتكم لي ❤❤