قصة ولادتى (بدون تنسيق)

اولا اخواتى الحبيبات سلام الله عليكم كيفكم انا مشتاقة ليكم جدا ... بتعرفو دى المرة الثانية انا اكتب عن قصة ولادتى واتمنى ان التنسيق ما يطفشها هى كمان برضو .. بس انا حبيت احكيها ليكم لاحساسى بانو واجب على لانى عضوة فى منتداكم الرائع ومعكم منذ اول شهر فى حملى وحبيت اضيف تجربتى بس ارجو الا تملو وحاحاول اختصر وافيد وقبل كل شئ ارجو من الله العلى القدير ان يرزق المحرومين بالذرية الصالحة ...ويعطيهم من يسمعو منه بابا وماما.....اها ابدا الان....شوفو
انا ولدت قبل مواعيدى بيومين حيث كان مقرر ان تكون الولادة 11/4 وحصلت يوم 9/4 والحمدلله .. والغريبة ان بطنى كان صغير وكنت متوقعة نفسى اولد بعد مواعيدى على الاقل باسبوعين لكن احمد الله كثيرا . :) ..بدا الوجع منذ الجمعة الساعة اربعة صباحا وكنت مفتكرة انو عادى وما خبرت زوجى الا الصباح لان الوجع اصبح يمشى ويجى يعنى ما طبيعى وكل ساعة تقريبا وشوى شوى بقى يزيد لحدى المساء الساعة ثمانية كان كل ربع ساعة ونزلت الموية فاتصلنا بالمستشفى واخبرناهم وقالو لحدى عشرة اذا صار الوجع كل خمسة دقائق اجى على المستشفى وفعلا قد كان وذهبنا والله يا بنات نظام ونظافة و اهتمام مافى مثلهم ..نزلونى فى غرفة لوحدى وطبعا معى زوجى ..لما وصلت المستشفى كان برضو فى قليل من الدم بينزل فجات الطبيبة واخذت عينة منه وقالت لى لسه بدرى على الولادة .. لم تكشف على كشف خاص لان المنطقة هناك كانت مغلقة وانا كنت اخبرتكم قبل كدا يا بنات انى حصل عندى الحمل بسرعة وانا عروس قبل ما يفتح زوجى المنطقة وطبعا نحنا عندنا عادة الطهارة وانا كنت مطهرة بصورة شديدة وما فضل للداية اللى طهرتنى الا ان تغلق محل البول سامحها الله .. المهم حملت بسرعة قبل ما يحصل الايلاج وبعد الحمل مباشرة كرهت العملية الجنسية فصبر على زوجى صبرا شديدا جازاه الله عنى كل خير ..نرجع لموضوعنا ..اخبرتنى الطبيبة ان الاخصائية هى التى ستقوم بتوليدى فقلت لها ما عندى مانع بس سريع لانى كنت تعبت جدا هذا كان الساعة ستة صباح السبت فاخذونى على غرفة الاخصائية وبعد ما فحصتنى قالت لى انى حاعمل لكى حقن الظهر حتى لاتشعرى بالالم عند فتح المنطقة وساعطيكى وجع اصطناعى حتى يسرع الرحم بان يفتح وتستطيعى ان تدعمى بما تبقى لكى من قوة لانى طول الليل اتوجع ولاحظو انا فى الحقيقة اتوجع منذ صباح الامس فقبلت بما قالته الطبيبة وفعلا عند الثامنة اعطونى ابرة الظهر والوجع الاصطناعى وبعد نصف ساعة فقط طلع البيبى.... :icon28: ...وكانت امورة جميلة سميتها (فاطمة) ولما رايتها هانت كل لحظات الالم ..وعارفين زوجى هو الذى قطع حبل السرة ..وطبعا عادى هنا الزوج بيحضر الولادة (وبينى وبينكم انا شفتو كان بيبكى والله وبعد والولادة قالى انا عرفت الان ان امى تعبت عشانى جدا) و عارفين البنت وزنها كان فقط اثنين كيلو ونصف لا ادرى لماذا مع انى كنت ااكل كل ما اجده امامى لكن اظنه كان يذهب الى جسمى وليس الى البيبى لانى اصبحت سمينه هههههههها :D ...الغريب فى الامر يا اخواتى انى لاول مرة ارقد مع زوجى كزوجة بعد ولادتى تصورو؟؟؟؟؟؟؟؟؟؟؟؟ هذه قصتى ارجو انى ما اكون مملة
لا يفوتنى ان اشكر كل من مر على قصتى عندما كتبتها فى المرة السابقة وضاعت مع التنسيق والمرة هذه مفيش تنسييق