قصة ولادتي....خاصه للبكريات

السلام عليكم


في يوم الثلاثاء 26-10-1428

رزقت بولد ولله الحمد والفضل

ولدت في مستشفى سعد الطبي

انا كنت دايم ادخل هينا قسم الحمل والولاده واقرا قصص الولاده وامووووووت من الخوف

من اللي اقرا

بما اني بكريه الحمد لله استفدت من هالمنتدى وربي يشهد اني ادعي لكل وحده استفدت منها

المهم يوم الاثنين بالليل قررت اخذ ابرة الظهر اللي كنت مترردده اخذها وكنت منزله موضوع هينا وكثير نصحوني مااخذها
فتحت عالم حواء وقمت اسوي بحث عن ابرة الظهر في مستشفى سعد

والقى الاخت سيدرا 2007 كاتبه عن تجربتها مع ابرة الظهر

الله يجزاها الجنه وربي دعيت لها وقت ولادتي وبرسل لها رساله خاصه عشان تقرا موضوعي وتدري اني دعيت لها

واختي الجوري ارسلت لي رساله خاصه وقالت لي عن تجربة اختها معها والله دعيت لها بعد وقت ولادتي ولبنتها واهلها

توكلت على الله ورقدت


يوم الثلاثاء الفجر الساعه اربع بديت احس بالم يجي ويروح

وكنت قاريه في عالم حواء من البنات ان الوحده المفروض ماتروح بدري عشان ميبهذلونها بالقياس


واقتنعت بكلامهم وقلت منيب رايحه لين ينزل معي افرازات بنيه

مثل ماقريت من البنات

واجلس اتقلب وانام وانا جالسه من اربع الفجر الى سبع ونص

وكل شوي اروح الحمام وماكنت ادري ان هذي الام الطلق بس كنت حاسه انها هي

الساعه سبع ونص الصبح

رحت لامي وقلت لها اني احس بالم خفيف يجي ويروح

وتجي اختي وتقول يالله خلينا نروح قلت لا لين احس الالم قوي وكل شوي ادخل الحمام ابي اشوف ينزل معي شي

وجلست من الصبح الى الساعه ثنتين الظهر يوم زاد الالم علي قلت لاختي يالله نروح اخاف اولد بالسياره


وتعطيني اختي بالسياره اشرب زنجبيل وحليب بالدارسين والمسمار ومدري ايش نفس الشراب اللي كتبته العامريه لتسهيل الولاده


المهم واوصل المستشفى على الساعه ثلاث يوم كشفوا علي ويلقون رحمي مفتوح خمسه سم

ويرقوني غرفة الولاده

واقول لهم اني ابي ابرة ظهر

جاني دكتور مصري اخصائي تخدير وقعد يقول لي ايجابيات وسلبيات الابره

وانا كل شوي اخليه يسكت اذا جاني الم الطلق

قلت معليه ابيها

جاني اخصائي تخدير عراقي

وعطاني ايها بس ماخليت قوة التخدير قويه عشان احس بالدفع واقدر ادفع

حسب نصيحته

بس بعد ماخذتها جاني برد قمت اترررررررراعد من البرد شوي ودفيت

وجلست من ثلاث العصر الى الساعه تسع ونص وولدت
والحمد لله جبت ولد الله يخليه لي ان شاء الله


ولما رحت غرفتي جتني حكه رهيبه وراحت بعد ماعطوني حبوب كانت هذي الظاهر من اثاره الابره


وصدق ان الفلوس تخدم في سعد الطبي حسيت اني اميررررررره صراحه اهتمام ونظافه وعنايه

بس بهذلوني لما كنت اراجع عندهم في التاسع لو اقول اصبعي يوجعني قالوا سوي اشاعه عشان الفلوووووووس

بس كنت اسوي الاشاعات والتحاليل برا ارخص من عندهم واجيبها لهم


لاتنسوي من دعواتكم