قصة ولادتي..وأخيرا

الحمد لله ولدت لي 15 يوم وجبت ولد ....
كنت اتمنى أولد طبيعي من غير لا طلق صناعي ولا بطيخ بس ما الله كتب
انا جربت الطلق الصناعي في ولادة بنتي الأولى وشفت الموت من جد 12 ساعه وانا اطلق صناعي اتعسرت ولادتها واغمى علي وانا اولد كذا مره من شدة الألم والحمد لله على كل حال كانت تجربة شينة صراحة وكنت على آمل في ولادتي هذه اني ما انحد للطلق الصناعي لكن نفس السناريو تكرر سبحان الله لا طلق طبيعي لا مويات لا دم وصلت للاسبوع ال42 ولا عندي نية أو بوادر ولادة واضطرت الدكتورة انها تعطيني تحميلة طلق صناعي بس اني اشترطت اني اخذ ابرة ظهر عشان ماعندي استعداد اعيش نفس معاناة ولادتي الاولى ..وبالفعل جاء الاستشاري وركبوا لي ابرة الظهر واتأكدوا كل شيء بمكانه بعدين عطوني التحميلة وقالت لي الدكتورة نامي الحين وغالبا ما رح يبدى الطلق الا بعد كم ساعة وغالبا الولادة بتكون 8 الصباح (هذا الكلام الساعه 12 ونص بالليل) وما امداني اروح غرفتي وادخل السرير الا احس بمغص على طول واقول لزوجي يقول ما امداك خمس دقايق من خذيتي التحميلة لا يمكن يبدا الطلق الحين والله واسكت واقول يمكني اتوهم الا الألم يزداد وبسرعة غريبة وبديت اصارخ من الألم واقول لزوجي هذه ولادة هذه ولادة ويقول توك بدري يا بنت الحلال لا يمكن والله واتصل على جوال الدكتورة وهي بطريقها للبيت اقولها الطلق بدى وبين كل طلقة وطلقة دقيقتين وانا حاسة اني بولد بعد شوي والله وترجع الدكتورة على طول وتناظر الا الرحم انفتح 3 سانتي ويبدون يصخون المادة المخدرة الي بابرة الظهر وانا احس بكل طلقة وصار الطلق حار مااقدر اتنفس من سرعته وابرة الظهر زي قلتها ما اشتغلت والساعه 3 وربع الفجر ولدت ... دخلوني غرفة الولادة على الساعه 1 وربع وولدت خلال ساعتين صح حااااااااااااااااارة ومؤلمة بس سريعة ولله الحمد اما ابرة الظهر طلعت مقلب محترم انا لو ادري انها ما رح تشتغل كان لا يمكن اخذ طلق صناعي بس الحمد لله على كل حال والحمد لله على الولادة باسلامة ... والعقبى لكل الحمل الله يهون على الجميع