قصة ولادتي...والحمدالله عدت على خير

this HTML class. Value is http://yads.zedo.com

حاولت أنسخ الرابط ماقدرت ياليت اللي تقدر تنسخه والله يسعدها ويعطيها العافيه لأني والله ابي الكل يستفيد من تجربتي ومايصير فيكم اللي صار فيني..
راح تلاقو الموضوع بالردود...
عنوانه.....


أدخلو كل اللي أستخدمو وصفات للولاده خاصة وصفة قمم التميز

حسافه ماضبط ودي اشوف وش صار عليك لأني قريت قصتك وخايفه يتكرر معي اللي صار معك الحمدالله على سلامتك ومبروك ماجبتي

الرابط مايفتح والحمد لله على سلامتك ومبروك ماجاكي

مع اني كتبت قصة ولادتي بموضوعي القديم بس عشانكم برجع اكتبها للمره الثانيه....




البعض يعرف إني كتبت كثير وأطلب أشياء تسهل وتسرع الولاده..

وكتبت عن وصفة قمم التميز بأنها ماجابت نتيجه معي وبالعكس ضرتني وزادت سمك الرحم والجنين بسبب هذا الشي مانزل للحوض..

جربت كل شي وللأسف مافادتني الوصفات والأعشاب...

حتى بذور الكتان مافادتني جربتها 3 أيام وللأسف..

قررت أجرب تحريض الرحم باليد ولو تتذكرو كتبت موضوع وسألتكم مين اللي جربت هالشي...

توكلت على الله ورحت لدكتورتي وسوت لي التحريض وأول ماطلعت يدها كان فيه دم وقالت نزول الدم شي حلو.. بس الرحم مازال سميك..

سألتها اذا ممكن أولد اليوم ماردت علي إلا أنه كل شي بيد الله...

ونعم بالله طلعت من عندها وجاتني الآلام قويه وقلت أنتظر حتى اتأكد أنها ولاده أو حتى ينزل مويا الجنين.ونزل الدم لمدة يومين وبدأ يوقف..

بس الآلام مستمره وكنت ابكي من قوتها...

رحت للمستشفى قالو أقل من نص سانتي وسوو لي تخطيط وكان فيه طلق بس الرحم مازال سميك...

وذكرت لكم بموضوع لي أنه قابلت وحده كانت استخدمت وصفة قمم التميز وكان الرحم سميك وكمان الرحم كان فاتح قبل أسبوع 1 ونص ورجع قفل وكان عندها طلق.

نوموها وقالو ممكن طلق صناعي واذا مافاد راح يسوون لها عمليه..قبل ماطلعت سألتني بالله انه أكتب عن حالتها حتى أحذر من هالوصفه..وعدتها والحمدلله نفذت وعدي وكتبت لكم عن هالوصفه.

طلعت من المستشفى والآلام مستمره قررت انه أترك كل شي وأرجع عالأشياء الطبيعيه اللي استمريت عليها بحملي الأول ولدت بفضل الله ولاده سهله وسريعه ومثل ماتمنيت اول التاسع...

رجعت للأشياء الطبيعيه الأناناس فريش وكمان عصير والرطب والماء الأقرب للحراره والجماع والمشي ماكان كثير لأنه ماكنت أقدر أتحمل من الآلام..

ومن تعبي قررت أخذ زيت الخروع أستخرت ربي بس قررت أسأل دكتورتي بالأول..

ورحت بعد كم يوم ولما كشفت عالرحم قالت تقريبا 1 سانتي وسوت تحريض للمره الثانيه كان مؤلم بس محتمل وهذي المره ماطلع دم أعزكم الله..

بس شافت الافرازات كانت صفراء شبه المخاط وقلت لها أنها تنزل بكثره مع شي شبه سائل..

قالت إنها إلتهابات ولازم أخذ تحاميل..

سألتها عن زيت الخروع قالت براحتك بس اذا قررتي لاتاخذي إلا ملعقه بس..

طلعت واشتريت التحاميل وزيت الخروع سألت الصيدلي قال مناسب لتسهيل الولاده وخوذيه مع قرفه بس بيني وبين نفسي قررت أخذه مع عصير الأناناس بسبب انه القرفه الكل يمنع عنها وخفت بصراحه..

رحت لأهلي وسبحان الله حسيت اني مو مرتاحه للزيت وقررت أأجله لحد ماأعالج نفسي عن الألتهابات خفت أولد واسبب للبيبي عمى لاسمح الله...

ودخلت الغرفه وحبيت اول تحميله بس طلعت أصبعي إلا نزل قطع صغيره دم وشوية إلا تجي الآلام تروح وتجي وينزل دم بس بسيط..

طبعا انا بأولادي كان ينزل المويا وكنت انتظر ينزل حتى اتأكد أنها ولاده...

وسمعت انه الالتهابات تسبب ألم وماكنت عارفه شي إلا أنه أنتظر..

وكان الألم يروح ويرجع فجأه تذكرت انه من علامات الولاده انه الألم مايختفي وأنه مثل اللي جالس يصير معي يروح ويجي...

طلعت وقررت اروح لمستشفى غير اللي بولد فيه قالت لي أنه الرحم 2 سانتي وأنها ولاده..

أنا فرحت بس ماكنت متأكده ولا مصدقه من اللي صار معي حسيت اني ماراح أولد هههههههههههههههه

المهم قلت انه معي التهاب وممكن هذا منه جلست تضحك قالت ياماما هذي ولاده بس انتظري حتى يجي الألم 3 دقايق أو روحي الحين عادي...

قررت أرجع للبيت أخذت عشبة كف مريم وعسل ودهنت ظهري بزيت زيتون وحبة البركه

وكنت أمشي بالبيت وأسس تمارين وكان يزيد الألم لحد ماصار كل 3 دقايق وقررت اروح للمستشفى نزلت أولادي عند أهلي ورحت

كل وقتي ادعي بالسياره وأنه من جد تطلع ولاده....>>>>> كل هالأم وللحين عندي شك

قالت لي الممرضه بعد ماكشفت الرحم من 2 إلا 3 سانتي انبسطت وفرحت وقلت الحمدالله بإذن الله بتفرج..

قالت إنه نزل دم وشوية مويا وانا أعتقد أنه مو مويا لأنه قلت ممكن تكون التحميله ذابت والممرضه تفكر أنها مويا>>>>

مسويه فاهمه




المهم طلعت الساعه 3 بالليل تقريبا وكان الألم يروح ويجي بعدين وقف ونمت لحد ماجات الدكتوره الصباح وكشفت قالت إلى الآن 2 سانتي وانصدمت وجلست ادعي ربي يعجل بالفرج لاني خفت من الطلق الصناعي...

شوي كانت عندي الممرضه إلا تنتبه لجهاز التخطيط حسيت انه في شي قالت نامي على جنب وشوي عاليسار ورجعت جابت جهاز ثاني وكنت اشوف التخطيط ينزل من 126 إلى 22

وخفت جلست ارجف وابكي وادعي ربي مايخليني اخسر جنيني بعد هالتعب وجلست استودع ربي..

وفجأة طلبت الممرضه من اللي عندها تنادي عالدكتوره وتجمعو بسرعه علي وكشفت عالرحم وكان فيه طلق والم وانا أبكي وكنت أسألها وانا ارجف ايش فيه ايش اللي صاير..

قالت نبض الجنين ضعيف انتي شاربه أعشاب أو قرفه قلت لا ماشربت...

قالت لازم نقيس الأوكسجين على الجنين..

ونزلت رجولي نفس الولاده وقالت لو حسيتي بدف لاتدفي وكنت أرجف وتقول اهدأي شوي..

جابت اللمبه وحديد وانا أصرخ ايش هذا قالت لازم ندخل الأوكسجين عالبيبي وابكي وأولها انتظري الألم يروح وحده منهم قالت طيب ياماما بستنى الطلقه تروح إلا تصرخ الدكتوره الثانيه تقول ايش نستنى تبغى البيبي يموت بعد رجولك..

وكنت أبكي كان ألم مو طبيعي وزاد لأنه وقت الطلق

وجلست تدخل حديد وتفتح الرحم فيه المهم استمر هذا ربع ساعه وانا اتعذب واصرخ...

وشوي طلعت الحديد ورجعت قاست قالت من 3 إلا 4 ونزل دم ومويا كثير...

وقالت الحين الحمدالله النبض أحسن..

وجات الممرضه اعطتني ابره قالت هذي ابره مهدئه اذا تبغي تنامي عادي نامي...

المهم حسيت أنها طلق مو مهدئ بدأ على طول الألم يزيد وكنت أبكي وشوي تكشف إلا تقول 5 سانتي...

وجلست أتألم وفجأة صرخت وأقولها البيبي بينزل خلاص وقاست قالت 7 سانتي والبيبي تحت خلاص

اذا حسيتي بدف دفي عادي..

مع اني ولدت قبل كذا بس حسيت مو عارفه اف ولا قادره اصلا وادعي ربي..

لحد ماقدرت اني ادف ...

وكنت أصرخ وتجمعو علي وحسيت لما طلع الرأس وقالت لاتوقفي دفي ودفيت وطلعت بنوتي الحمدالله..

حطوها علي وكنت حاسه بدوخه والم ماقدرت حتى اشوفها...

ولما اخذوها كنت بتكلم أبيها ماشبعت منها بس من التعب ماقدرت...

مع أنه قلت لدكتورتي كرهت هالبنت من اللي شفته بحملها بس شفتها حسيت اني مستعده اعاني نفس اللي شفته المهم تجيني حسيت أنها روحي وماابي ابعدها عني...

هذي كانت قصة ولادتي اللي بطلبه منكم اتركو كل الوصفات والاعشاب ولاتضرون البيبي وخليكم عالأشياء الطبيعيه لايتكرر اللي صار معي معكم...

ولاتستعجلو بس أدعو وألحو بالدعاء...

والله يرزق كل محرومه ويسهل ولادة كل حامل يارب....

أنتظر الردود ولاتنسون ادعولي بصلاح أولادي وهداية زوجي