كوبونات الراقية تسجيل الدخول

بنت أبــوها

قصة ولادتي..ومابعدها..الحمدلله ياااارب

الحمل والإنجاب •

السلام عليكم ورحمة الله وبركاته

شلونكم وش مسوين ياكروشات..

الحمدلله انا ولدت بالسلامة من يوم الاحد يعني بكرا اكمل اسبوع ان شاء الله..

بكتب لكم قصة ولادتي كما وعدتكم <<احلى ياوعدتكم
بس بنات التجمع يبوني اكتبها ولو انهم كانوا معي باولها كثييييييير

انا ولدت بالضبط في الاسبوع 36 و 5 ايام

ولدت يوم الاحد ولكن من قبلها بكم يوم احس باعراض غريبة
وكنت اقول للبنات بالتجمع اني مرات احس كاني احتاج الحمام ومااقدر اسوي شي :35:
رحت اشتري عصير تروبيكانا قلت يمكن امساك مع اني عادي كنت اروح للحمام كل يوم مرة من اول حملي اموري ماشيه بس مدري وش الاعراض هذي
وكنت احس بالام فضيعه ببطني..لدرجة بالليل اصحى اصيح شوي وارجع اكمل نومي هههه
واستمرت معي من يوم الاربعاء للجمعة..بس على خفيف
اول مادخلت التاسع قررت ابدا امشي بس زوجي اخذني للبر لاني مرة قلت له المشي عالرمل زين بالتاسع ومشيت دقيقتين ومتتتتتتتتت تعب عقبها حرمت امشي غير بالبيت امشي 10 دقايق وبعدها ربع ساعة ماتعديتها :o
لاني كسوله..
من اول حملي معي افرازات ودم ومانعتني الدكتورة من المشي والمجهود وقالت خلك مرتاحة للثامن..
ومن الشهر الخامس البيبي راسه تحت والسابع نزل الراس بالحوض..
وكنت خايفة لايسبب ولادة مبكرة بس الحمدلله عدت على خير..والدكتورة طمنتني بس قالت لاتبذلين مجهود..

الموهيم..
نقطة للبنات الي قالوا لي وش سويتي عشان تولدين اول التاسع..
اول شي زي ماقلت لكم البيبي نازل من بدري مرة بالحوض..
والشي الاهم كنت كل يوم من اول حملي اشرب موية زمزم لاني معي املاح بالبول ماراحت بالعلاج وكان معي دم وخفت من الاجهاض واشرب موية زمزم بنية الشفاء وتثبيت الحمل وكنت كل مرة ادعي ربي يجعل مافي بطني سليم معافى ليس في خلقه زيادة ولانقصان ويتمم حملي بخير ويهون حملي وولادتي ويعافيني بعد الولادة ويستر علي ويسخر لي الدكتورة والممرضات والاهم كنت ادعي اللهم اجعلني اولد اول التاسع او نصه يارب لاتطول علي ..

لنهاية حملي كل فجررررررررررر كذا..

كنت ادعي كثير اني مااكمل التاسع او ماادخل العاشر..
وكنت اكل تمر من بداية حملي وغالبا افطر 3 تمرات وكاس موية عشان الامساك وبالشهر التاسع ونهاية الثامن صرت اكل 7 تمرات الصبح مع كاس موية..
وكنت الح بالدعاء كثير لاني تعبت من الحساسية وقالوا تخف مع الولادة..
دخلت التاسع الحمدلله وبديت امشي على خفيف الا مرة مشيت بالبر بغيت اموت تعب<<تعيد الكلام
الطلق والالم بدا يوم الاربعاء..وكنت اقول للبنات بالتجمع عن الي احسه يقولون اعراض ولادة روحي المستشفى واقول لا مو ولااادة ماحسيت بالالم الي يقولون يدور بين الظهر والبطن لسه مادار!!
الخميس طلعت للسوق وطلعت درج ونزلت درج 4 مرات مو بالقصد بس مع الطلعة والدخله..
ومشيت السوق كله من اوله لاخره ورجعت..بس ماعندي مشاكل..
الجمعة طلعت للسوق بعد ولفيت لفه..
وبالسيارة تعرفون شوارعنا ماشاء الله تهبل هههه انواع المطبات وزوجي يخاف بس اقول له لا بلعكس كويس يقولون تفتح الرحم..
وسمعت عن الجماع بالشهر الاخير يساعد وكنت اقول كل يوم بس لما دخلت التاسع تعبت ماقدرت هههه وتراجعت بس يوم الجمعة حصل هالشي وبعده تعبت مرة مرة حسيت بطني وفخوذي تعورني بشكل رهيب..
الصبح لما صحيت لقيت نقط صغيره مرة بنيه..كانه دم..مسحت كم مرة تطلع ومرة طلع زي الخيط وحاولت اشوف مصدره بس وقف مجرد افرازات شفافة بس كثيرة مرررررررررة..
مشيت الموضوع..
والعصر كنت ناوية اطلع امشي مع زوجي بس جلست ارتب بيتي قلت قبل تجيني ولادة خلني ابدا ترتيب يبي له اسبوع بيتي على ماارتبه هههه
وفعلا رتبت ولما جاء زوجي قلت له تعبانة ماقدر اطلع معك خله المشي بكرا..
وكنت بروح لاهلي بس كلمت امي وقلت تعبانة برتاح ببيتي بس تعالي مع الشغالة عشان ننظف عن الغبار وكذا..

وفعلا جو اهلي ونظفنا البيت والحمدلله بالليل قلت لزوجي ابي عشاء وطلبت وجبه حاااارة :35: سمعت ان الحار بعد زين بالتاسع..<<متهورة..
وفعلا تعشيتها ونمت الحمدلله مافيني الا العافية وجع يجي ويروح بس خفيف
الفجر صحيت للصلاة لقيت دممممممم هالمرة احمر!!
بس عادي مسحت وراح قلت خلاص بكيفه!!
لاني متعوده عالدم من اول حملي ينزل معي للسادس او السابع ههه على بالي عادي..

بس رجعت انام بعد الصلاة بدا فيني الم رهيب يصحيني اصييييييييح منه وارجع انام بس مافكرت احسب لاني ماتوقعته ولادة لاني اجلس شوي واحاول احس فيه يدور او مايدور بس مادار!!<<جهللللللللل

صحيت عالساعة 11 وكنت ناوية اوقف التمر لاني سمعت انه قابض للرحم وقبلها بليلة طلبت زعفران بحطه بموية قالوا زين بالتاسع بعد هههه بس ماسويته..
بدل مااكل تمر حطيت لي ملعقه عسل في كاس موية صغير مرة وشربته..
وقلت بمشي شوي ماراح احسب وقت بس بستغفر 100 مرة واوقف مشي..<<كسولة بقوة
مشيت ولما خلصت اخر شي حسيت بشي حار تحت حسبته افرازات لانها زادت معي مرة
لكن مشيت للغرفة وناظرت لقيت موية على فخوذي ووصلت لركبتي !!
دخلت الحمام غسلت ولبست فوطة وارسلت لزوجي قلت تعال نزل معي موية..
كلمت امي وقلت لها اروح مستشفى او مستوصف قالت مستشفى !
دخلت تروشت وجلست ارتب شنطة لاني ماجهزت شنطتي واغراضي كلها ببيت اهلي
وقلت لامي تجهز شنطتي عندهم..
صليت الظهر وانا اصلي جاني الم يذببببببببببببببببح حسبت اني ماقدر امشي بس الحمدلله راح
ويجي كل شوي قلت يمكن ذا الطلق
دخلت المستشفى حوسة على مادخلوني عالدكتورة تشوف وجهي اذا جتني طلقة تقول فيه طلق خوذي نفس
خخخخ تقول فيه طلق قلت مدري فيه الم وفيه موية وحطوا جهاز الطلق طلع معي طلق بس ماعرفته :hahaha: الله يخلف
قالت اسوي كشف قلت ايييييييييييييييييييييه <<ميته من الالم
سوته ماشاء الله قالت فاتح 5 سم!!
ماشاء الله اثره له كم يوم فاتح مادريت عنه :o
وعلطووول غرفة الولادة بس امي جتني الله يجزاها خير معها موية زمزم مقري فيها اوراد الولادة..
وعطتني اشرب شوي..بس دخلت غرفة الولادة ممنوع احد يدخل
وجلست كم ساعة ذذبحتني الطلووووق متواصله مابينها راحة بس كنت متحملة ومعي كتاب اوراد الولادة واقرا..
اخر شي ماقدرت رميت الكتاب وقلت تعااااااااااااالوا خلاص ماقدر وكل شوي تجي تقيس
قالت 9 سم :06: ووحدة قبل كم ليلة قايله لي ان الرحم اذا فتح 9 سم خلاص ولادة وانا اقول لها لا 10 قالت لا 9
وانهبلت عالدكتورة ابيها تولدني بس تركتني هههه<<مادريت اني لازم اولد لحالي
راحت فترة ورجعت قالت 9 ونص
وراحت ورجعت ثاني مرة قالت يله فيه طلق ادفعي
في هالوقت صارت كبدي تقلب ودي استفرغ قلت بقوم للحمام قالوا سوي الي تبينه هنا قلت لاااا بستفرغ قالت حتى لو وجابت لي بلاستيك واستفرغت شي موب طبيعي لين طلع دم قالت انتي شاربه حلتيته قلت لاااع موووية
بس لون الدم الي طلع غريب هههه
ويوم جاني الدفع بديت استفرغ يافشيله :35: وتقول خلاص ان شاء الله ولاده
شوي وقالوا وقفي الدفع اذا جاء طلق لاتدفعين قلت ماقدر!!
تقول راس البيبي بعيد :06: وجلست اعاني وتقول لاتدفعيييييين لسه بدري
شوي وجت وقالت يله ادفعي وصرت ادفع طول الوقت تقول لاتدفعين الا اذا فيه طلق قلت مااااااادري فيه طلق او لا
قالت انا اقول لك اذا فيه طلق هههه<<عليمية اقول طول الوقت يالم
وفعلا اذا جاء طلق قالت ادفعي وادفع
يوم شافوا الشعر قالت شفنا شعر البيبي يله ادفعي ويصرخون من الروعة وقفت دفع ونشب الراس
وبدت تشقشق يمااااااااامي يعور الشعور بالتشقيق :D
يعني مدري اتالم من تشقيقها والا من طلعة الراس ودفعت والحمدلله لما طلع الراس تسهل باقي الجسم..
كان احلى شعور بالولادة كلها لما طلع الجسم لانه سبحان الله خفيف مرة وعليه طبقة تسهل طلعته مو زي الراس صعب مرررررررة..
اخذوا البنت علطول والتفت اشوف شكلها واتاكد انها بنت ورجعوا يكملون لي
بالخياطة تعذبت لاني من اول حملي خايفة منها وحاطه ببالي تعور..
مع انهم مخدريني بس احس بكل شي..
عذبتهم بس اتحرك والله يستر لااصير جنيت على نفسي وطلعت خياطتي اي كلام..
بس وقتها كنت اقول خلوني مشقوقة ميخالف هههه الحمدلله اني خليتهم يخيطووون..
سبحان الله شعور غريب ماودي يلمسوني من هناك احس ودي ارتاح بس الحمدلله خلصت وارتحت
قبل اطلع من غرفة الولادة قالوا لي ادخل الحمام عشان اتبول الله يكرمكم والحمدلله مشت اموري وودوووني غرفتي وجابوا لي بنتي شعور ولا احلى فديت قلبها..
بس قالوا لي عندها اعوجاج برجلينها بسبب وضعها بالرحم..وتحتاج تمارين والحمدلله على كل حال
بعد ماطلعت بنتي بدا فيها صفار وصارت ماترضع وتعبتني كثير اخذناها للمستشفى موعد وقالوا لاااازم تحاليل ولازم تنوييييييييييم:06:
وفعلا تنومت عشان الصفار نسبته مرتفعه مرة وقالوا احتمال تحتاج تغيير دم..
واليوم قالوا تحتاج اشعة للبطن عشان يشوفون الكلى لان اخر اشعة بالبطن بينت احتمال وجود مشكلة بالكلية وتحتاج متابعة

يله الحمدلله على النعمة يارب والله يردها لحظني بالسلامة ياحي ياقيوووم..

والله يهون عليكم كلكم يارب..................
128
22K

يلزم عليك تسجيل الدخول أولًا لكتابة تعليق.

تسجيل دخول

روح آفله
روح آفله •







الحمد لله على السلامه يالغلا بنووته


وربي يشافي لك بنتك وتشوفينها عروسه




وبارك الله لك في الموهوب وشكرت الواهب

ورزقتي برها وبلغت أشدها




تتربي بعزكم ياارب وعقبااااااالي



+3
روحي بروحك
روحي بروحك •
يمه انا لي والد 18 يوم وعندي عقده نفسيه
الله يعين والف مبروك البوبو
ويتربى في احضانك سالم غانم
الا ودي اسألك سؤال
الخياطه كيف معاكي
تصدقي للان ما تشافت الخياطه
باقي زي ماهي
بنجن منها
بطلت رضاعه من المضادات اللي ابلعها
مقهورة كان ودي ارضع

:06:
الا على فكرة باي مستشفى ولدتي وباي مدينه؟
صلصة الصويا
صلصة الصويا •
الحمدلله على سلامتك والله يطمنك على بنتك
tulipp
tulipp •
الحمدلله ع السلامه :) الله يحفظها و يخليها لكم يا رب
$أنـــــا$
$أنـــــا$ •
الحمد لله على سلامتك
ويارب ياشافي يا معافي أشفي أبنته شفاء لا يغادره سقما
وأفرج لأمي وأنصرها على من عاداها
وصلى الله على سيدنا محمد وعلى آله وصحبه وسلم