السلام عليكم ورحمة الله وبركاته
الحمد لله كما ينبغي للجليل وجه وعظيم سلطانه
قصة ولادتي
راح احكيلكم من اول مادخلت التاسع
وانا زي كل حامل اترقب الطلق متى يجي واولد واشوف العسولة الي في بطني طبعا كنت كسلالالالالالالانة ماامشي واقول في نفسي الرحم راح يفتح لحالو من غير مشي زي عيالي الاثنين الي قبل بس للاسف ظني ماكان في مكانو ورحت للدكتورة بعد مااخذت اسبوعين في التاسع
اتفاجئ الدكتورة تقولي البيبي مانزل في الحوض اصلا والرحم مقفل امشي يامدام واطلعي الدرج وانزلي قلت طيب
زوجي قالي مافي جلوس الحين بجلدك باالمشي عشان تنزل في الحوض قلت امري لله بمشي وهاتك يامشي شبه سريع لمدة اسبوع لمدة ساعة وعقبها رحنا للدكتورة وكلنا امل
انو الرحم على الاقل فاتح 3 او2 سم
بس المفاجئة الوضع زي ماهوة الرحم مقفل والجنين مانزل للحوض قمممممة في الاحباط قلت طززززز ماني ماشية وفعلا عطيت نفسي عطلة من المشي بس رجعت خفت اولد قيصري وقلت يابنت امشي في البيت على الاقل نص ساعة بخطوات متباعدة وفعلا مشيت على ذا الكلام وكملت التاسع وانا لسة ماولدت يعني اخذت اسبوع زيادةالين اخر 3 ايام في الاسبوع الزيادة هذا
تبدء الالام واحس واحس مرة بثقل ومرةالالام في ظهري حتى وانا نايمة احس بي الالام اسفل ظهري بس متباعدة نفس الالام الدورة الين جا يوم عاشوراء وقلت يارب ارزقنا صيامه
والحمد لله صمته وحسيت باالالام صح وشبه منتظمة يوم بديت اعمل الفطور
تجي وتروح وماقلت لزوجي الين واحنا نفطر قال وجهك متغير اوديكي المستشفى قلت لا قالت تحسين بشي قلت ايوة مرة تعبانة قال ياالله اوديك قلت لازم تكون الالام نتظمة انا مو منتظمة ومافي دم ولا ماء ماودي اروح لهم بدري ويربطوني على ذا السرير في بيتي اروح واجي على كيفي قلت بس ابغى منك تروح تجيبلي رطب من بنده راح وجاب رطب
وهاتك اكل رطب مع كاس حليب باالحلبة وشوي ويروح يرقد الساعة عشر واسهر انا وعيالي وندخل الساعة 11 ونص نرقد وشوي اقوم من الالم الساعة 12 و12 وربع يعني لما الم يجي اقوم وصرت ماسكة الجوال وهاتك ياحسبة احسب كل كم يجي طلع كل 10 دقايق واقول في نفسي اكيد غلطانة في الحسبة وارجع احسب من جديد لما يجي الم الين تاكدت بس ماكنت مصدقة انو طلق لي انو الم كان مكان الرحم باالظبط ماكان في الظهر ومافي مغص الين جات الساعة 2 ونص
واقوم زوجي واقول ياالله ويقوم يشخص
واصحي عيالي والبسهم وامشط لي بنتي شعرها وتمسكني الطلقة والبسها وتجيني الطلقة
حتى وانا البس عبايتي وتجيني الطلقة
رحنا على المستشفى واخذت معاية رطب وجلست اكل في السيارة ويجيني الطلق 3 مرات في السيارة وهاتك يابكى وانين ودموع الين وصلنا المستشفى وزوجي يقولي خلاص وصلنا واول ماانزل عند الطوارئ تجيني الطلقة واوقف وزوجي يمسح على راسي وتشوفني الممرضة وعلى طول تجيبلي كرسي واجلس عليه وزوجي يقولها ولادة
وتدخلني غرفة الكشف وتنادي الدكتورة وتجيني الطلقة وزوجي يعصب عليها ويقولها هذا حرمة الم فين دكتورة قالت دحين تجي وجات الدكتورة ولسة تبغى تكشف وتجي الطلقة وعلى طول انام على جنبي واقولها انتظري الام يروح وبعد ماراح كشفت وقالت 9 سممممممم انا من الام سمعتها 2 سم
وشوي الاقيهم مرررررة مستعجلين الي تاخذ مني دم والي تبغى تفسخني عشان تلبسني واقول ياربي وايش فيهم مستعجلين الظاهر الطلق قوي عندي والرحم بيفتح بسرعة وقلت اطلعو برة انا البس قالتلي دكتورة الطوارئ مصرية البسي بسرعة انتي عاوزة تولدي هنا قلت خليهم يطلعو وانا بلبس بسرعة الين طلعو وبسرعة لبست واجلس على الكرسي واطلع في ذا الاسنصير ومااشوف لا زوجي ولا عيالي طبعا راحو يجهزو ورق الدخول
وعلى طول على كشك الولادة الساعة 3 الفجر كلو ذا وانا احسب مفتوح 2 سم
دخلت على طول نوموني على السرير واخذو دم من كفي مدري حق ايش
وشوي وتجي دكتورتي
وكشفوني وقالو ياالله اول ماتجي الطلقة ادفعي وادفع المرة الاول مانزلت المرة الثانية انفكت الموية الثالثة حسيت بيها في الحوض وبكيت وقلت ساعدوني بعدها سوتلي الشق وجات الطلق ودفعت وطلعت بنتي العسولة الساعة 3 وربع الله يحفظها وحمدت ربي وماني مصدقة الين خلصو كل شي وانا اقول اكيد هذا حلم لي اني حلمت تخيلو 3 مرات اني ولدت ويطلع حلم وازعل
وكنت خايفة كثيييييييييييير انو يطلع حلم بس الحمدلله المرة ذي طلع حقيقي وهذي الحمدلله بنتي على ايدي وانا اكتبلكم
ولدت في تداوي باالدمام
عند الدكتورة تازين باكستانية عسسسسسسل
الولادة الطبيعية ب3000
مع يومين
غرفة مشتركة
كل شي زيييييين
بي نصيحة يكون معاكم اكل ماتعتمدي على اكل المستشفى لي انك ممكن تجوعي مثلا اخر الليل ويكون مطبخ المستشفى مقفل ويذبحك الجوع والام في نفس الوقت وتبكين من قلب زيييييييييييييييي
واي سؤال انا حاضرة
ام عطيات وفتحية @am_aatyat_ofthy
محررة برونزية
يلزم عليك تسجيل الدخول أولًا لكتابة تعليق.
قمله هانم
•
الحمد لله على سلامتك والف مبروك
الصفحة الأخيرة