قصة ولادتي

بنتهز فرصة نوم أحمد ولدي واكتب لكم قصة ولادتي مثل ما وعدتكم

مثل ما تدرون انا كان عندي البيبي كبير وحجم الحوض صغير واعطوني مواعيد كثيرة وكانت كلها قبل موعدي اللي انا حاسبته بتاريخ الدورة ومن يوم دشيت التاسع وانا احاتي واقول اليوم بولد بكرة بولد ووشربت زعتر وقرفة وكف مريم....الخ لعل وعسى استعجل الولادة بس بدون فايدة وفي آخر زيارة لي للدكتورة قالت لي شكلج بتولدين قيصري لان الجنين حجمه اكبر من الحوض والماي بدت تقل وحولتني على دكتورة ثانية على اساس تدخلني للمستشفى علشان القيصري هاذيك الثانية عشان ما كان في غرفة فاضية قالت لي حالتج ما تحتاج قيصري روحي للبيت لين ما تحسي بالم وتعالي صراحة انا خفت على ولدي رحت لدكتورتي الخاصة قالت مو لازم الجنين يتم في بطنح اكثر من اسبوع لانج طفتي موعدج باسبوع والمشيمة صارت تعبانة وخايفين يتعب الجنين بعد رحت للبيت وانا خايفة وفي نفس الليلة ما رقدت وقعدت اصلي واطلب ربي انه يفرج علي وصليت الفجر واكلت سبع تمرات وشربت شوية حليب وقلت برقد لي شوي والساعة سبع بالضبط احس بماي ينزل مني واقوم للحمام(الله يكرمكم)الاقي ماي وفيها خيوط دم تسبحت وجهزت روحي ورحت اقعد زوجي زوجي نومه ثقيل ما يقوم الا بعد جهد جهيد بس سبحان الله ذاك اليوم اول ما نطقت اسمه فز من مكانه قلت له يللا نروح المستشفى وما حسيت لا بالم ولا شي المهم في الطري قعدت اقرا واقرا ووصيت زوجي يقرا لي ووصيته على ولدي في حالة اذا الله ما كتب لي اعيش ووصيته يسلم لي على اهلي في المغرب ويرضى علي لانه رضى الزوج من رضى الله المهم دشينا وابتدت المعاناه شيكتني الممرضة عشان تتاكد انه ماي الجنين فعلا بس الرحم ما كان مفتوح وتألمت وايد المهم جهزتني عشان ادش حجرة الولاده وابتدى الطلق كان خفيف اول شي بس بعدين ابتدا يزيد ويزيد ويزيد بس الرحم مصكوك ولا فتح والجنين اسو تحت بس طالع فوق ما نزل وما رح ينزل لان الحوض صغير قعدنا ننطر دكتور التخديروركبو لي القسطرة :o >>مؤلمة وجا دكتور التخدير واخذوني على غرفة العمليات0000

اكمل لكم بعدين

مغربية:27: