السلام عليكم
كيفكم يابنات
جيت اليوم وبحكي لكم قصة ولادتي
يمكن فاكريني قبل مااولد وانا طفشانه وزهقانة وبطق واولد
طبعا انا بكريه
رحت للدكتورة مراجعه بعد اسبوع من التاسع
وانا اصلا كنت مخططة اني مااروح لها في التاسع ابدا عشان ماتكشف علي :11:
المهم من طفشي رحتلها وافتكر كنت اقولها يارب يادكتورة تحلفين عليا اليوم مااطلع من عندك الا والده
وقلت لها مره طفشانه ابغا اولد قالت لي اشربي قرفة وزنجبيل واتحممي بموية دافية وامشي كل يوم ساعه
وكشفت علي ولقت الرحم نص سانتي
المهم رجعت البيت وانا في الطريق لقيت انو نزل علي دم وبعدو بشوي نزل علي مويه
ورجعت البيت وشربت قرفة وزنجبيل وانا في بالي اني خلاص ولادة
دقيت عالدكتورة وقلت لها الي صار معاي قالت لي لا عادي من الكشف
المهم ومن وقتها وانا تنزل علي مويات وانا ماادري بس كانت تنزل بكميات قليلة
واسال امي اقولها لو تنزل مويات يعني تنزل كثير ؟؟ راح احس فيها قالت ايوة
وبعد اسبوعين تقريبا قررت اني اروح اسوي عملاه عساني اولد وقبل مااروح مرت عالدكتورة عشان اسالها اذا خطر اسوي ولا لا؟
طالعت في الممرضة بنظرة حسيت فيها انها تقول لو رحتي تسوي عمره حتولدلي
قلت لها عادي قالت عادي بس اخاف تجيكي ولادة في الطريق وتحوسي
طبعا الكلام هذا كان يوم الخميس
طلعنا مكه وسويت العمره
ويوم الجمعه حسيت بألام لكن انا طبعي اني صبورة وحمالة اسية :)
جات امي قالت لي عيونك فيها شي شكلك مو طبيعي قومي اوديكي المستشفى
قلت لها لا مافيني شي واصرت الا اروح المستشفى
المهم رحت طواريء يوم الجمعه دخلت المستشفى وكشفت علي لقت الرحم لسا نص سانتي
بس انفجعت وقالت انتي ليه صابره المويات نازلة ولما حطولي حق الطلق والنبض لقو انو في طلق
طبعا كنت اتالم والدكتوره تسالني حاسة بالم اقولها لا الم عادي كل همي امي ماابغاها تحزن عغلي وتشيل همي
وبعدين نادو دكتورتي وكشفت علي وحطت لي حديده شكله يخوف وشوي الا عصبت علي انتي كيف صابره انتي مو بس نازلة منك مويات كمان دم والرحم مقفل وحالتك خطيره
قامو اعطوني تحميلة تفتح الرحم طبعا انا عندي طلق والتحميلة تزيد وانواع الألم والرحم مقفل
خلص مفعول اول تحميلة ولا سوت شي
ورجعو واعطوني تحميلة ثانيه الساعه 6 الفجر والين الليل ماسار شي
المهم امي راحت من عندي وجات الدكتوره تتطمن علي حسيت انو في شيء
قمت قلت لها لو في شي قوليلي انا ماني خايفه واذا ربي كاتب لي شي بيسير بس قولي لي عشان اتهياء نفسيا اقل شي
قالت لي شوفي لو مافتح الرحم الين الفجر حنعمل لك قيصرية قلت لها طيب مدام الكلام لسا مو أكيد لاتقولين لا لامي ولا لزوجي
طلعت الدكتور ه وبعد شوي جاني زوجي
قمت ادعي ربي انو كل شي يصير طبيعي والله دوبي ادعي الا حسيت بضرية زي الرفسة ونزلت علي باقي المويات
والطلق زاد الضعف وقمت اتلوى فوق السرير وقلت لزوجي روح نادي الدتورة المويات نزلت علي
زوجي انفجع وسار يدور عندي في الغرفة يقولي الدكاتره عندهم اجتماع وهوا مبتسم من الفجعه
قمت اضغط عالجرس وجاتني الدكتوره وقلت لها انو نزلت علي مويات كثير ودم قالت طيب نكشف عليكي
كشفت علي ولقت انو الرحم اثنين سانتي قالت شي طيب قلت لها انا ولادة؟ قالت لسا اعطيني ساعتين واقولك
قلت لها قولي لي عشان انادي امي قالت استني
المهم راحت من عندي وربي اني افرفر من الألم واحس اني بقطع شعري من قوة الألم
طبعا الكلا م هذا ليلة الأثنين الساعه 11 وانا من يوم الجمعه وانا في المستشفى في غرفة الملاحظة الي جمب غرف الولادة واسمع الي تصرخ والي تولول وزوزجي يضحك يقولي هذي الحرمه تصرخ زي طرزان انتي شكلك حتصرخي زيها وانا اقولو انا مستحيل اصرخ
وطول ماني قاعده اتالم وهوا يقولي اذا تبغي تصرخي صرخي ههههه ممسكة معاه الا اصرخ
وبعدها قلت لو نادي الدكتوره قلت لها يادكتورة اعطيني مسكن ماني قادره احمل الألم
قالت لي طيب تروحي غرفة الولادة قلت لها طيب قالت استني اجيب لك عربيه وربي من قوة الألم ودي اجري للغرفه عشان تعطيني المسكن رحت الغرفه امشي واعطتني ابرة ماحسيتها سوت ولا شي قمت ناديتها وقلت لها ابغا ابرة الظهر قالت لي استني شويا وجربي الكمامه لو مانفعت نعطيكي ابرة الظهر < في الاخر اكتشفت انها وامي متفقين اني مااخدها>
وبعدين اعطتني الكمامه وبديت ادوخ
طبعا الكمامه بس تشتت تفكيريك ماحسيت انها سكنت الالم
وانا اشم في الكمامه وافتح عيني مااشوف كويس
طالعت لقيت رجال جالس لابس ابيض
قلت بس هذا ملك المووت انا ميته ميته لامحاله وقمت اتشهد والتشهد مع الدوخة مو راضي يكمل معايا وانا احاول واحاول انو يكمل وبعدين كملتو ولقيت انو الرجال الي لابس ابيض وقف قلت بس مييته ورجعت دخت
وكنت كل ماادووخ ابعد الكمامه عني مااحب اني ادوخ وماادري عن شي
وبعدها رجعت قلت للدكتوره ابغا ابرة الظهر ماني قادرة قالت لي انتي خلاص مشيتي نص الطريق والرحم فتح خمسة سانتي ومابقي شي ويمكن اول قبل مايجي دكتور التخدير قلت لها طيب
وبعدين جاتني قالت لي يلا الرحم فاتح عشره ولادة
< قام زوجي يدق على امي ماترد مسكينه مانامت كويس من الجمعه وراحت البيت ودعست نوم<< مو وقتها ههه<<
وجات الدكتوره وقالو لي يلا لما تجيكي طلق ادفعي قمت اقولها طيب بس لاتخفضي الكمامه ههه
وانا افتكر امي تقولي لما جابتني الدكتوره الي ولدتها تعبتها خلتها تدفع كثير وانا لسا مانزلت فكنت خايفة يتعبوني
يقولولي ادفعي وانا أسألهم شايفين الراس << ذكية بتاكد لايتعبوني عالفاضي
قالت ايوا شايفين شعرو وقمت ادفع وبعد فتره اتزحلق ولدي زحلقه ههههههه حسيتو زي السمكه طلع ازرق ويفرفر رموه فوقي طبعا انا عيوني بتطلع اطالع فيه وحسيت احساس غريب بين فرح واستغراب بس احساس مره حلو
والله نسيت معاه كل الم وماشلت عيني منو قامو بنظفوة وكذا
قلت زوجي انتبه ترا ولدنا في وحه في اصباعو زوجي يحسبني دايخه يقولي فين اقولو في السبابه الي في اليسار<< مصحصحه
وقامت الدكتورة تقولي خدي الكمامه عشان تدوخي وتنامي بنسوي لك الخياطه
وربي من الفرح مارضيت اخذها خفت ادوخ ومااشوف ولدي << الي يقول بيطير هه
وهيا تخيط وانا احس بالألم وبعد ماخلصت الخياطه جاتني حاله هستره مو طبيعيه علقت على زوجي اقولو ابغا موية يقولي يقولو بطاله وارجع اعيد وربي يمكن ساعه وانا اقول ابغا موية ليه موراضين يعطوني مويةقالي لما يودوكي الغرفة يعطوكي موية وارجع اسال هههه
المهم قمت اسال زوجي اقولو انا صرخت قال لا بس فجعتيـــــني قلت لو ليه قالي قمتي تتشهدي حسبتك بتموتي
طبعا عيوني طلعت قلت لو الله يكافيك انتا ملك الموت :@
ههههههه
وبعدين دقينا على اهلي طبعا ولدت الساعه 4.15 اول ماطلع راسو ورموه عليا رفعت راسي للساعه الي ورايا اشوف الساعه كم
وجو اهلي عالساعه 7 وانا انواع الهستره امسك يدين اخواني واقولهم سامحوني غير البربره الي بربرتها تقولون بنقالي هههههه
واختي تصورني فيديو اقوم اقولها لاتصوريني خليني افصخ السعودي هذا واكشخ بعدين صوريني ههههه> السعودي= لبس الولادة ههه لونو اخضر>>
وهذي قصة ولادتي والحمد لله على سلامتي ورزقن الله باحلى وازعج خلودي ههه طبعا بعد ماجبتو نسيت طعم النوم :( الله يخليه لي يارب
طولت عليكم بس حبيت تعيشو معايا مغامرتي المشوقة الي كل ماافتكرها وربي استغرب اني عايشه الان
والحمد لله على كل شي
اختك ملكة زماني
وغطو وجهي وودوني الغرفة
Queen Shop @queen_shop
محررة برونزية
يلزم عليك تسجيل الدخول أولًا لكتابة تعليق.
انا زيزي
•
مبرررررروك عليك خلووودي وموتيني ضحك هههههههههههههههههههههههههههههههه كلو كوم والسعودي وملك المووووووووووووت كوم ثاني بس بسالك سوال وجاوبي بصراحه زي ماقالو البنات عن الولاده انها صعبه يعني زي ماتخيلتيها والا اهووون
الحمد لله على سلامتك
وفعلا قصة مشوقه وسردها كان رائع وممتع
وعرفت أنك أنسانه جدا صبوره
وغير كذا حبيبه لأبعد الحدود
ربنا يحفظ لك خلودي وعقبالي ياااااارب
وفعلا قصة مشوقه وسردها كان رائع وممتع
وعرفت أنك أنسانه جدا صبوره
وغير كذا حبيبه لأبعد الحدود
ربنا يحفظ لك خلودي وعقبالي ياااااارب
هدهد_q :
يالله الحمد لله على سلامتك اهم شي قمتي بالسلامه مه البيبي وكل التعب يهووون ...يالله الحمد لله على سلامتك اهم شي قمتي بالسلامه مه البيبي وكل التعب يهووون ...
الصفحة الأخيرة
الولادة قصصهااااااا غريبة :35: