قصة ولادتي؟؟؟؟؟؟

كيفكم يابنات ان شاء الله تمام

ابقولكم قصة ولادتي بولدي طلال يوم الثلاثاء بتاريخ 15/5 حسيت بشي غريب بالليل وكان باقي لي 4ايام واخلص التاسع وحسيت كان شي بينزل مني واحس الطفل يرصني من تحت ويالمنى وقلت يمكن عادي واقول للوالده وتقول لي يمكن الطل نزل للحوض وبتولدين عاد انا فرحت وقلت ان شاء الله يوم جا الليلالساعه وحده قمت وانسدحت بنام ونمت وجاتت الساعه 3 الفجر واقوم الا احس بطلق قلت مو معقوله انا بولدي البكر الا لما خلصت التاسع واخذت من العاشر اسبوعين وقلت معقوله ابولد واقوم واروح اتسبح بمويه دافيه عشان يزيد الطلق معي وفعلا صار كل دقيقتين وحار وراء بعض وما ارتحت وقعدت امشي بالحوش من الساعه خمس نص ساعه وما ني قادره اوقف من الالم واقول للوالده ابغى اروح المستشفى ماني قادره اتحمل واروح الطوارئ علي الساعه عشر الصبح وانتظر الين جات الدكتوره تكشف ولقته بس 4سانتي وقالت فيه ولاده وارح لقسم الولاده وانا ميته خوووف لاني مجربه الولاده وعارفه وش بيصير ودخلوني الساعه 11وتخليني منسدحه وعلي الجهاز اللي يراقب نبضات قلب الجنين وقياس الطلق وعلي الساعه وحده تجي تقيس ولقته 6سم وقلت قرب الفرج الحين بولد وبرتاح الا وتجي وحده تولد واسمع صياحها واحس بالخوف بس ماشاء الله ساعه وولدت ووقت الولاده الممرضه جات عند راسي وقالت لي الطفل حجمه كبير وخايفه اني ما اولد طبيعي وصارت حالتي حاله خفت وقمت افكر واقول بنفسي الله يفرج لي واولد طبيعي وتجي دكتوره وتكشف وقالت اني اقدر اولد طبيعي وارتحت >>>>>>لاني اخاف من العمليات والبنج الكامل <<<<<
المهم جات الساعه ست المغرب وانا خلاص طفيت مانمت بالليل ولاتغديت زي الناس وحالتي حاله والطلق حار من بدايته وجات الساعه ست المغرب وكشفت لقته 6سم ماتغير وقالت لي بفتح المويه عشان يزيد الطلق واولد بسرعه بس وقتها عطتني ابره مهديه وفتحت كيس المويه وبعدها زاد الالم وقمت اصارخ من غير وعي بعدها بساعه حسيت شي بينزل مني وماكان عندي غير ممرضه واقول لها وتجي تكشف لقته عشره سانتي وتنادي علي الدكتور والممرضات ويقول يالله ادفعي وادفع بس مو راضي ينزل ومو راضين يسوون لي توسيع واحاول وما نزل وبعد محاولات لمدة ساعه الاربع تعبت جنيني وقالت لي الممرضه يالله ساعدي طفلك والا بيموت ببطنك حسبي الله عليها واقول لها بصوت تعبان ساعديني عشان يطلع تقول مالي دخل ساعدي حالك واخر لحظه جا الدكتور وقالي حاولي ويوم شافني ماني قادره وحيلي ميت قالي بسحبه لك بالملقاط قلت سوي اللي تبي وبالي اقول ولا العمليه الله يفرج لي وفعلا سحبه لي وطلع حبيبي الحمد الله وكانت الساعه ثمان وخمسه واربعين بعد صلاة العشاء يوم الاربعاء تاريخ 16/5

ولله يجعل مايجينا تكفير ان شاء الله