قصة ولادتي ....

مرحبـــــــــــــا بنات

كيفكم؟؟!!!

الله يهون على كل حامل ويسهل عليها ولادتها يارب ويقومها بالسلامة


ماراح اطول عليكم بدخل بالموضوع مباشرة

صبح الخميس تاريخ 2-10-1429هـ
الساعة 9

كنت نايمة وحسيت بشي بسيط نزل مني توقعت اني اتوهم طنشت الموضوع بس ماقدرت ارجع انام قلت يمكن الموية نزلت

قمت رحت للحمام وانتم بكرامة لقيت نازل معي موية بس مو كثيرة صحيح طالع شوي منها على بجامتي بس قليلة

يوم شفت انه مافية الاا شي بسيط طنشت بس برضو خفت لانة اول حمل لي

رجعت ابنام ماقدرت صحيت زوجي وعلمتة بس ماتوقع انها الموية قال فيك اوجاع قلت لا قال نامي يمكن مافية شي

انا رجعت انام بس ماكنت مرتاحة يووم اذن الظهر قام زوجي يصلي وقومني معة اول ماقمت من على السرير

وحسيت بشي يمشي بين فخوذي يووم شفت اثارية دم صراحة كان كثير واستمر ينزل بس اقل وبدى بطني بالوجع

قلت لزوجي قال لي استني قلت لة بروح عند امي عشان اتكبى

المهم غيرت ملابسي ورحت عند امي وتكبيت والطلق طبعا كل مالة يزيد
دقيت على الدكتورة وقالت لازم تروحين واذا صار ولادة جيت رحت العصر وسوولي تخطيط بس للاسف قالو الطلق مو حار

لازم ترجعي وتجين اذا صار طلقك كل 3 دقايق والرحم مانفتح ابدا

رجعت للبيت وتكبيت ثانية وحاولت امشي والطلق مستمر ويزيد بعد لدرجة انه صار يجيني كل دقيقة يوم صارت الساعة تقريبا 12 بالليل رحت للمستشفى واكشفو علي قالو مانفتح الا 1 استغربو رغم ان الطلق حار

جت دكتورتي وحطت لي طلق صناعي :( وزاد الام صرت ماأقدر اتنفس وبعد 6 ساعات سوولي كشف برضو مانفتح الا 1 عطوني مرة ثانية طلق صناعي صارو كل 6 ساعات يعطوني طلق صناعي والرحم مانفتح الا 1 نسيت اقولكم انا بالمملكة ولدت بس خدمة سيئة لدرجة اني بغرفة الولادة ماعندي احد واذا طلبتهم مايجون الا بالموت المهم استمر الطلق يوم الجمعة كلة والرحم مافتح يوم صارت الساعة 11 بالليل قالو بنعطيك طلق بس بنكلم الدكتورة بعدها بخمس دقايق كلمتني الدكتورة وقالت لي الطفل بدت تضعف دقاتة واحتمال ان الحبل السري ملتف علية ولازم نسوي لك عملية انا وافقت على طول من شدة الطلوق الي عانيت منها

والدكتورة قالت انا جاية المهم دخلوني الغرفة العمليات الساعة 1 فجر السبت وولدت الحمدلله بعد تعب دام يومين متواصلين وجاني ولد الحمدلله على نعمتة
كان التاريخ 4-10 1429 هـ
وبس :)

الله يهون على كل حامل يارب ويسهل عليها ولادتها