قصة ولادتي

السلام عليكم ورحمة الله وبركاته
اشكر لكن يا اخواتي تهانيكن ودعواتكن واسعدني اهتمامكن لدرجة ان خففت عني وجع
الغربة والوحدة ونفاس امريكا الله يرحمني برحمته والمسلمين اجمعين

ياترى تحبون تسمعون قصتي ؟؟؟لاني جاية ومستحية كل واحدة تولد تهرب من المنتدى ويا فكيك ماعاد
نشوف لها حس ولا خبر !!!!:11:
عاد من زين هالقصة ابتغلى عليكم ؟؟!!

جاءتني الام المخاض من الليل وكنت حاسة اني فيني شئ اكثر من قبل لكن
اول مرة اجرب طلق طبيعي زي الناس في البيت كنت اروح موعد وما فيني شئ ويمسكوني
ويقولون ولادة وانا فاتحة فمي وشلون عرفوا وانا ما عرفت !!!

نمت متأخر ويوم صحيت الفجر وصليت حسيت بالالم شوي وشفت الله يكرمكم ما اعتقدته انه علامة الولادة اللي يقولون عنها طقتني ام الركب وانا اهوجس واضرب اخماس في اسداس
رحت لزوجي كان توه نايم تعبان من عملية في لثته مع انه تحسن
قلت له قال روحي بس ما فيك شئ توك على الولادة لانه عارف اني اتأخر من بداية الالم الى الولادة رحت افتح النت والالم ما له ويزيد علشان اقرأ ايات تسهيل الولادة اللي كتبتها لاتنسوا اسرانا الله يجزاها خير
واخذت موية وصرت اقرا وانا ابكي .. ورحت اخذ دش دافئ وما ودي طلعت من الحمام الله يعزكم ..!! وصليت الضحى وانا جالسة وقرأت سورة مريم ويس
والى الان ما ني عارفة ان السالفة ولادة لان الالم يروح ويجي ومرة يقوى ومرة يحتمل
حتى الساعة قدامي وما هو منتظم مرة يتقارب ومرة يتباعد ولا كأن فيني شئ
وفي اوقات تباعده كنت اتواصل بالماسنجر مع الاخت العزيزة شاكرة ولتعذرني في ايراد اسمها قبل اخذ الاذن منها حتى تحضى بدعوة صالحة من الاخوات
قلت لها الوضع وكان شوي وتطلع لي من الجهاز ياحبي لها تقول روحي ترى هذا طلق طيب انا عارفه ياشكورة انه طلق بس الولادة بتجي بسرعة دامه كذا والا لا
قالت روحي وبسرعة رحت لزوجي وقلت يالله ورانا مشاوير وكان متصل على طبيبتي وقالت الممرضة جبها للعيادة اول ما دروا ان الطلق بدأ يشتد وعلى ما وديت عيالي لوحدة تمسكهم الله يجزاها خير وقبل اخذنا الكبير من الروضة كنت بديت اتألم بقوة واتعلق في النقاب شوي وارميه وهبلت بعيالي تهبيل
وياربيه المستشفى صارت بعيدة والاشارات وش كثرها والاستب ساين يقهر وصرت اصرخ عليه كلم البوليس علشان يصير قدامنا بدل ما ننتظر كل هالبلاوي
قال تصبري واوصل للمستشفى وانا اتألم لكن مابعد تقارب مرة واجلس على كرسي بعد بوابة الدخول على ما يودي السيارة وشافتني عجوز وهي طالعه وقالت انت وش فيك وراحت على طول تطلب لي المساعدة وتقول بيجي البيبي في يوم مشمس
ما تدري انا في بلدنا نفرح بالمطر اكمل بعدين