بحملي هذا عانيت فيه معاناه ربي اعلم فيها مع سكر الحمل والتنويم بالمستشفيات بين فتره
والثانيه ومن الشهر الثامن زياده بالمويات عندي كبيره مره حتى كل من كان يشوفني يقول انتي
حامل بتؤام والله شهرين كاملين مارتحت فيهم الام غير طبيعيه وشد فضيع ببطني والام المعده
من زيادة المويات والله طول الليل والنهار اتالم واتمنى اولد بس عشان ارتاح من هذا كله
وسبحان رب العالمين من يوم الجمعه وانا بغرفة الولادة ارتفع معاي الضغط والسكر صار
فوق المئتين وقالو لازم نولدك ويوم السبت اعطوني طلق صناعي الصباح وماجاني اي الم
والعصر اعطوني ثاني وحسيت بالم اول ساعه وبعدين
ولا شيء بس كنت احس بدفع الى اسفل واتالم مع القومه والجلسه
والنوم وكان الرحم فاتح واحد سانتي من بعد الطلق الصناعي الاول وقف مافتح بعدها
وقررو لي عمليه قيصريه يوم الاحد بس الدكتوره كان عندها درس بمدينه ثانيه
وماقدرت تسوي لي العمليه واصبر على نفس الالام الى يوم الاثنين على ان العملية
بتكون الساعه 8 الصباح وقبل العمليه بربع ساعه انفتح كيس المويه وقالو خلاص
بنولدك طبيعي مدام انه انفتح كيس الماي شوي وبداء معاي الطلق وكان من بدايته
كل 5 دقايق وكان فتح الرحم بطي عندي قاسته الدكتوره الساعه 12 كان فاتح
اثنين سانتي بس وشوي شوي يزيد شدة الالم وطلبت مسكن واعطتني ابره بالعضل
خفت شوي الالام وعلى الساعه 2 قاست ولقته فاتح 2 ونص سانتي ويزيد معاي الالم
اشد من الاول وهو مستمره كل خمس دقايق من الصباح وتعطيني ابره ثانيه منومه بالعضل
وخففت الالم علي بس اتعبتني صرت لحسيت بالالم اصحى بس مااقدر اتحرك جسمي كله
مااقدر احركه جات على الساعه اربع تبي تقيس كم فتح من سانتي وطلبت مني ارفع رجليني
وانا ماني قادره ابدا زي المخدره حتى الممرضات رفعوها لي وقاست كان 5 سانتي وبعد كذا
بداء مفعول الابره يروح وبديت احس بالالام شديده مررره بس ماكان يطلع بجهاز التخطيط ان فيه
طلق فكانت الدكتوره تقول مافيك طلق وكنت باموت من الالم الساعه 8 بالليل قاسته لي بعد
ماخلصاحس اني تعبت وانهرت كنت صايمه من امس بالليل عشان العمليه ومع الطلق اللي كل
5 دقايق والم لا يحتمل ومو باين بالجهاز ابدا ان فيني اي طلق واعطتني ابره ثالثه ولا فيه فايده
الالم فضيع وقالت بقيس واشوف ويوم تقيسه لقته زي ماهو من العصر وهو 5 سانتي
ماتحرك انا هنا انهرت خلاص جلست ابكي واترجاها تسوي لي عمليه وتخلصني من التعب اللي
انا فيه وهي مو راضيه وتحاول تهديني وحرام التعب اللي تعبناه خلاص انتي الان مابقى شيء
ونخلص وانا مصره وهي مصره بعد وبعدين هديت يمكن بعد ساعه كذا على التسعه زاد الالم
بزياده خلاص وانا ابكي من شدته واحس بدفع وهي تقول لا تدفعينباقي تو الناس توك خمسه
سانتي وانا اقول مااقدر هو اللي يدفع مو بكيفي وشوي شوي ويزيد الدفع عندي
وانا اقولها خلاص بيطلع وهي تقول لا لاتدفعين لسى وجات تقيسه الا هو فاتح 9 سانتي سبحان
الله وعلى طول تقول خلاص ولاده الان وتجهز سرير االولاده وترفع رجليني على الرافعات حق
الرجولوماقدرت ارفعهم من شدة التعب الممرضات ساعدوني فيهم والدفع كل ماله يزيد ويشتد
وتعبت كثير بطلعت الراس والبيبي لان المويات نزلت كلها الصباح فحطت لي ملين وسوت توسعه
وتعبت كثير وانا ادفع واخيرا طلع حبيب قلبي للحياه الساعه 10 و25 دقيقه بس انه مابكي
واخذوه بسرعه ونظفوه وحطو له الاكسجين وشوي وسمعت صوته يبكي والحمد لله وجابته لي
وحضنته وحبيته واخذوه بسرعه من عندي و نظفت المنطقه من اثار الولاده وحطت بنج موضعي
وبدت خياطه وانتهت وودوني لغرفتي وجابو لي العشاء ونمت بعدها الين الصباح والساعه 7
كلمت زوجي وسالني عنه جابوه لك قلت لا ماجابوه اكيد شوي ويجيبونه وقال مابيجيبونه لك لانه
تعبان بس حبيت اقولك عشان ماتستغربين اذا ماجابوه وتجلسين تنتظرين والحمد لله على ماقضاء
وقدر عنده عيب خلقي معقد بالقلب وعنده ضيق تنفسي ويحتاج الى عمليه مستعجله والا يمكن
يتوفى
الله يشفيه يارب دعواتكم يابنات لابني وضاح بان تتيسر امور عمليته وتتم باسرع وقت وان الله
يشفيه ويرده لي سالم معافى
وهو بالعناية المركزه من ولادته و صار له ست ايام وبانتظار قبول مركز الامير سلطان قبول
حالته لاجراء العمليه له دعواتكم له
بحر الجوود @bhr_algood
عضوة نشيطة
يلزم عليك تسجيل الدخول أولًا لكتابة تعليق.
My love is farrr
•
الحمد لله على سلامتك والله يشفي ولدك يارب
الصفحة الأخيرة