قصة ولادتي

كل ما دخلت المنتدى شفت ذا الحريم مدهرين وحاطين قصص ولادتهم.. عاد قلت محدا احسن من حدا..:p
موب وقت العجز حطي يا بنت قصة ولادتك...طبعا انا والده قبل 6 شهوور...
بداية حملي كان فرحه لانوو ما جا الا عقب عناء وشقاء كنت كل يوم بدله من خوفي عليه من فرحي فيه كنت كل مرره اطلع لي مليون عذر عشان اروح لدكتورتي وتسمعني بالألترا ساوند نبض الببي... كنت ماابي اولد كنت ابي اصير طوول السنه حامل.. وما كنت شايله هم ولادتي ابد ابد بتاتا البته...
طبعا انا كنت اجهز من الشهر الثالث وكلن كان يتريق علي.. يا المهبوله البكر تأخذ من العاشر يا الخبله توك بالثالث طبعا خلصت كل شي حتى الحلويات في اخر الشهر السابع يعني على بداية الثامن .. امي كانت تقوول كوويس ان الحريم بيجيهم التسسمم واهم بالمستشفى على عشان حار بحار يعالجون اثار الشكولاه المصديه اللي كلوها..
لحد ما جا يوم من الأيام وانا كنت بأخر الثامن جاني الساعه 8 الصباح الم زي الدوره وما اهتميت رحت رتبت الغرفه
ورحت لجامعتي والالم مازال موجود بعدين فجأءه اختفى لحد ما جا العصر .. ورحت بيت اهلي كنت خامده ورجع الم بطني وجدتي كان تقوول ماش بنتي فيها شي شكله طلق.. واناا ارمقها بنظره سخريه واضحك واقول لأخواتي تخيلووو طلق. لا انا ***** الله بكمل العاشر...<< ما كنت ادري ما تخبئي لي الأقدار ههههههه
والالم يروح ويجي كل ساعتين جت الساعه 12 وهنا طقتني النفاضه خفت انوو البيبي فيه شي. وادق على زوجي تعال تعال انا تعبانه المهم اهو ما اعطاني وجه اخوه توه جاي من بعثه وانشغل معاه..المهم ما جاني ابو الشباب الا الساعه 2 واول ما ركبت قلت يا فلان ودني دله ..<< لاحظوو ما قلت مستشفى يمكن لاني كنت احس انه بيتي الثاني من كثر ما اروح له هههههه
كشفت علي الدكتوره حقت الطوارئ وقالت الرحم مقفل والبيبي مشاء الله كويس بس ودي اسوي لك تحليل املاح.. بس فيه طلق لازم تجلسين قمت قلت لها وخرري مناك اعطيني مسكن ابغا انام ببيتي انا بدخل العاشر وبجيكم ***** الله وانا مغلقته يارب <<هنا حست الدكتوره اني مهبوله..اهي رفضت اني اطلع الا لما قاالت على مسئوليتك ولما عرفت انوو عندي موعد اصلن بكره مع دكتورتي نضال..
جا بكره ورحت لدكتورتي شافت تحليل الاملاح جتها روعه ولمست بطني قالت يا حلوه فيك طلق<< الأملاح كانت جدا مرتفعه وهذا خظر على البيبي...قالت ببتتنومين قلت لها بأجيب اغراضي واجيك قالت لا عشان تنحاشين مثل امس.. اصلن ما راح انومك ان بس بأحرصك انك ما تولدين عشان ما نبي البيبي ينولد بالثامن اعطوني ابرة رئه للبيبي .. وفجأءه جت وحده كشفتي على رحمي شافته 4 قاااااااااااااالت ولاده.. ان هنا قمت اصييح لا لا تووني << متحسفه على الحمل ما همني ناي بولد وبيجين طلق واشياءات اللي يقولون عنها الحريم والله بزر ..
هههههههههههههه
المهم جا بكره الصباح واعطوني ابره البيبي الثانيه ولما سو لي اشعه على السريع قامت حقت الأشعه تتكلم بالعنقليزي حسبالها ما اعرف وقالت نوت نورمل يعني موب طبيعي وجت دكتورتي وتجمعوو علي وقالو لازم نولدك قلت طيب لحظه بأسال زوجي وامي قالت دكتورتي زوجك ايه يا حلوه لازم نولدك نبض البيبي قل وقامت فجرت المويه الحاره واعطووني طلق صناعي بغيييييييييييييت اموت وصلت لأخر السرير بغيت اطيح منه مرتين اترجاهم اعطوني ابرة ظهر قالو لا وضعك حرج نخاف ما تدفعين زين وما يطلع البيبي... امي تصيح وانا اصيح.. قمت امعط شعري زي المجنونه فجاءه حسيت شي واقف بحلقي حسيت انوو في شي بيطلع نفسي احسه بيتوقف جت ددكتورتي الله يجزاها بالخير نضال كانت قمه بالتعامل معاي مع اني كنت اقول وقت طلعت الراس يا بارده ولديني بأموت .. والمررضات مسكوو رجولي لانوو خافوا افعص راس البيبي كنت مثل البقره الهايجه.. وامي تصيح
طلع البيبي يا الله لك الحمد مشاء الله.. بس جلس بالعنايه المركزه شهر لانها انولد بأخر الثامن.. والحمدلله على كل حال..
يوه وجعتني يديني .. تووبه اول واخره مره اكتب هههههههههههههه<< قامت تمن<< محد غاصبك