قصة ولادتي

انا كنت معكم فترت حملي وانقطعت بعد الولاده انشغلت مع المولود والسهر الله يصلح لنا ولكم الذريه

ولدت تقريبا من 3 شهور طبعا كملت التاسع وبعد اسبوع من العاشر جاني الطلق كان قوي جداجدا

مع افرازات ودم بدا الطلق الساعه 9 الصباح يوم الجمعه ورحت المستشفى العسكري

الساعه 10 ونص والحمد لله كان الطريق فاضي

مافيه زحمه ولما وصلت كان الرحم مفتوح 2 سانتي سالتني الدكتوره طلقك

قوي مره انتي شاربه قرفه قلت لا والله ما شربت شي

قالت ان شاء الله تولدين بسرعه ( فرحت من كلامها قلت مدام الطلق حار ان شاء الله اولد بسرعه )

وعلى الساعه 3 العصر طلعوني غرفة الولاده وجلست كل شوي تجي تكشف وكان الرحم يفتح

الى ان وصل 9 سانتي على العشاء وبعدها طول ما انفتح وكانت الممرضه افريقيه تضحك في وجهي وتقول

لاتحاولين ما راح تولدين

ولا انفتح 10 سانتي الا الساعه 12 مع الطلق القوي المستمر بغيت اموت من قوته وتجمعوا على الدكتورات

سعوديات كل وحده تحاول تدخل يدها وتقول يالله ادفعي بس مافيه امل ولاده ويضغطون بطني يبغونه يتحرك لتحت

والقابلات 6 كلهم كل شوي وحده تدخل يدها تجرب وتحاول بس سبحان الله ما احس ان الجنين يتحرك

يدفع لتحت تعبت وهلكت من الطلق قلت خلاص لي 12 ساعه في غرفة الولاده ارحموني

قالت الدكتوره خلاص قيصري قلت كان من الاول وعلى طول على غرفة الولاده وقيصريه

وصحيت على الممرضه تقول مبروك ولد

اللهم لك الحمد ان فيه قيصريه جربت الولادتين :icon33:هذي اول ولاده قيصريه لي كل ولادتي ببناتي

طبيعيه الا هالولد عيا يطلع مثل اخواته الله يصلحهم

الله لايحرمني الاجر ويسهل على كل حامل ويصلح لنا ولكم الذريه .